‘ಬೇಲ್’ ಪ್ರಮೋಷನ್‌ನಲ್ಲಿ ಶಿವಣ್ಣ ಸಖತ್ ಬ್ಯುಸಿ
ಅಕ್ಟೋಬರ್ 2ರಂದು ತೆರೆಕಂಡಿರುವ ‘ಬೇಲ್’ ಸಿನಿಮಾವನ್ನು ಪವನ್ ಒಡೆಯರ್ ನಿರ್ದೇಶಿಸಿದ್ದಾರೆ. ಪವನ್ ಒಡೆಯರ್ ಹಾಗೂ ಶಿವರಾಜ್ಕುಮಾರ್ ಇದೇ ಮೊದಲ ಬಾರಿಗೆ ಜೊತೆಯಾಗಿದ್ದಾರೆ. ಆ್ಯಕ್ಷನ್ ಕ್ರೈಂ ಡ್ರಾಮಾ ಆಗಿರುವ ಸಿನಿಮಾದಲ್ಲಿ ಜಯರಾಮ್, ಸಾಯಿ ಕುಮಾರ್, ದೀಕ್ಷಿತ್ ಶೆಟ್ಟಿ, ಸಂಜನಾ ಆನಂದ್, ಸಂಗೀತಾ, ರಮೇಶ್ ಇಂದಿರಾ ಹಾಗೂ ಗೋಪಾಲಕೃಷ್ಣ ದೇಶಪಾಂಡೆ ಸೇರಿದಂತೆ ದೊಡ್ಡ ತಾರಾಗಣವೇ ಇದೆ.
ಅಭಿಮಾನಿಗಳಿಗೆ ಶಿವರಾಜ್ಕುಮಾರ್ ಹೇಳಿದ್ದೇನು?
‘ಬೇಲ್’ ಸಿನಿಮಾಗೆ ಸಪೋರ್ಟ್ ಮಾಡುತ್ತಿರುವ ಅಭಿಮಾನಿಗಳಿಗೆ ಶಿವರಾಜ್ಕುಮಾರ್ ಧನ್ಯವಾದ ತಿಳಿಸಿದ್ದಾರೆ. ಸಿನಿಮಾವನ್ನು ಚಿತ್ರಮಂದಿರದಲ್ಲೇ ಬಂದು ನೋಡಿ ಎಂದು ಪ್ರೇಕ್ಷಕರಿಗೆ ಮನವಿ ಮಾಡಿದ್ದಾರೆ. ದಾವಣಗೆರೆ ಸೇರಿದಂತೆ ಕರ್ನಾಟಕದ ಹಲವು ಭಾಗಗಳಲ್ಲಿ ವರ್ಷಗಳಿಂದ ಸಿಗುತ್ತಿರುವ ಅಭಿಮಾನಿಗಳ ಪ್ರೀತಿಯನ್ನು ಶಿವಣ್ಣ ಇದೇ ವೇಳೆ ನೆನಪಿಸಿಕೊಂಡಿದ್ದಾರೆ. ‘ವೇದ’, ‘ಕರಟಕ ದಮನಕ’ ಹಾಗೂ ‘ಭೈರತಿ ರಣಗಲ್’ ಸಿನಿಮಾಗಳಿಗೆ ಸಿಕ್ಕ ಪ್ರತಿಕ್ರಿಯೆಯನ್ನೂ ಸ್ಮರಿಸಿದ್ದಾರೆ.
ಇದನ್ನೂ ಓದಿ: ಚಿನ್ನದ ಹುಡುಗಿ ಪೂವಮ್ಮಗೆ ಶೈನ್ ಶೆಟ್ಟಿ ಸನ್ಮಾನ; ‘ಒಬ್ಬ ಕನ್ನಡತಿ ಗೆದ್ದರೆ ಕೋಟಿ ಕನ್ನಡಿಗರು ಗೆದ್ದಂತೆ’ಎಂದ ನಟ | Shine Shetty honors Poovamma
‘ಬೇಲ್ 2’ಗೂ ಸಿದ್ಧತೆ ಶುರು?
ಶಿವಣ್ಣ ಅಭಿಮಾನಿಗಳಿಗೆ ಮತ್ತೊಂದು ಗುಡ್‌ನ್ಯೂಸ್ ಇದೆ. ‘ಬೇಲ್ 2’ ಕೆಲಸದ ಬಗ್ಗೆಯೂ ಪ್ಲಾನ್ ನಡೆಯುತ್ತಿದೆ ಎಂದು ಶಿವಣ್ಣ ಹೇಳಿದ್ದಾರೆ. ಇದರ ಜೊತೆಗೆ ‘ಜೈಲರ್ 2’, ‘ಎ ಫಾರ್ ಆನಂದ್’ ಸೇರಿದಂತೆ ಹಲವು ಸಿನಿಮಾಗಳಲ್ಲೂ ಅವರು ಬ್ಯುಸಿಯಾಗಿದ್ದಾರೆ. ಸದ್ಯ ‘ಬೇಲ್’ ಸಿನಿಮಾ ಚಿತ್ರಮಂದಿರಗಳಲ್ಲಿ ಓಡುತ್ತಿದ್ದು, ಕನ್ನಡ, ತೆಲುಗು ಹಾಗೂ ತಮಿಳು ಸಿನಿಮಾಗಳಲ್ಲಿ ಶಿವಣ್ಣ ಸಖತ್ ಬ್ಯುಸಿಯಾಗಿದ್ದಾರೆ. (ಏಜೆನ್ಸೀಸ್)
