ದಸರಾಗೆ ಹುಡುಗರ ಡ್ರೆಸ್ ಹೇಗಿರಬೇಕು? ಪ್ಯಾಂಟ್‌-ಶರ್ಟ್ ಬಿಟ್ಟು ಕುರ್ತಾ, ಪಂಚೆಯಲ್ಲಿ ಪಕ್ಕಾ ಕನ್ನಡಿಗರ ಲುಕ್ !| Boys' Dasara dress

Dasara Dress: ಮೈಸೂರು ದಸರಾ ಕಣ್ತುಂಬಿಕೊಳ್ಳಲು ಪ್ಲ್ಯಾನ್ ಮಾಡ್ತಿದ್ದೀರಾ? ಹಾಗಿದ್ರೆ ದಸರಾ ಸಂಭ್ರಮಕ್ಕೆ ತಕ್ಕಂತೆ ಡ್ರೆಸ್ ಮಾಡೋದು ಕೂಡ ಅಷ್ಟೇ ಮುಖ್ಯ. ಅಲಂಕಾರ ಅಂದ್ರೆ ಹುಡುಗಿಯರಿಗೆ ಮಾತ್ರ ಅಂತಿಲ್ಲ, ಹುಡುಗರೂ ತಮ್ಮ ಲುಕ್‌ ಬಗ್ಗೆ ಗಮನ ಕೊಡಬಹುದು. ಸಾಂಪ್ರದಾಯಿಕ ಉಡುಪಿಗೆ ಸ್ವಲ್ಪ ಸ್ಟೈಲಿಶ್ ಟಚ್ ಕೊಟ್ಟರೆ ದಸರಾ ಫೋಟೋಗಳಲ್ಲಿ ನಿಮ್ಮ ಲುಕ್ ಮತ್ತಷ್ಟು ಸಖತ್ ಆಗಿ ಕಾಣುತ್ತೆ. ಹಾಗಾದ್ರೆ ಹುಡುಗರು ದಸರಾಗೆ ಯಾವೆಲ್ಲಾ ಡ್ರೆಸ್ ಟ್ರೈ ಮಾಡಬಹುದು? ಇಲ್ಲಿವೆ ಕೆಲವು ಸೂಪರ್ ಐಡಿಯಾಗಳು.

ಕುರ್ತಾ–ಪೈಜಾಮಾದಲ್ಲಿ ಟ್ರೆಡಿಷನಲ್ ಝಲಕ್​

ದಸರಾ ಹಬ್ಬದ ವಾತಾವರಣಕ್ಕೆ ಕುರ್ತಾ–ಪೈಜಾಮಾ ಯಾವಾಗಲೂ ಸೂಪರ್ ಆಯ್ಕೆ. ಕಾಟನ್ ಅಥವಾ ಸಿಲ್ಕ್ ಕುರ್ತಾ ಜೊತೆ ಬಿಳಿ ಪೈಜಾಮಾ ಹಾಕಬಹುದು. ಹಳದಿ, ಕೇಸರಿ, ಹಸಿರು ಅಥವಾ ಆಕಾಶ ನೀಲಿ ಬಣ್ಣದ ಕುರ್ತಾ ಆಯ್ಕೆ ಮಾಡಿಕೊಂಡರೆ ಹಬ್ಬದ ಮೆರಗು ಮತ್ತಷ್ಟು ಚೆನ್ನಾಗಿ ಕಾಣುತ್ತೆ.

ನೆಹರು ಜಾಕೆಟ್‌ನಿಂದ ಸ್ಟೈಲಿಶ್ ಟಚ್

ಕುರ್ತಾ ಮೇಲೆ ನೆಹರು ಜಾಕೆಟ್ ಹಾಕಿಕೊಂಡ್ರೆ ಸಿಂಪಲ್ ಟ್ರೆಡಿಷನಲ್ ಲುಕ್‌ಗೆ ಸ್ಟೈಲಿಶ್ ಟಚ್ ಸಿಗುತ್ತೆ. ದಸರಾ ಫೋಟೋಗಳಿಗೆ ಇದು ಒಳ್ಳೆಯ ಕಾಂಬಿನೇಷನ್ ಕೂಡ ಹೌದು.

ಪಂಚೆ–ಕುರ್ತಾ; ಪಕ್ಕಾ ಕನ್ನಡಿಗರ ಲುಕ್

ಪಕ್ಕಾ ಕನ್ನಡಿಗರ ಸಾಂಪ್ರದಾಯಿಕ ಲುಕ್ ಬೇಕು ಅನ್ನೋರಿಗೆ ಬಿಳಿ ಪಂಚೆ ಹಾಗೂ ಕುರ್ತಾ ಬೆಸ್ಟ್. ರೇಷ್ಮೆ ಅಂಚಿನ ಪಂಚೆ ಹಾಕಿಕೊಂಡ್ರೆ ಲುಕ್ ಇನ್ನಷ್ಟು ಎದ್ದು ಕಾಣುತ್ತೆ. ಕುರ್ತಾ ಬದಲು ಸರಳ ಶರ್ಟ್ ಕೂಡ ಹಾಕಬಹುದು.

ಕುರ್ತಾ ಜತೆ ಕ್ಯಾಶುಯಲ್ ಜೀನ್ಸ್

ಸಂಪೂರ್ಣ ಟ್ರೆಡಿಷನಲ್ ಡ್ರೆಸ್ ಇಷ್ಟ ಆಗಲ್ಲ ಅನ್ನೋರಿಗೆ ಕುರ್ತಾ ಜೊತೆ ಜೀನ್ಸ್ ಒಳ್ಳೆಯ ಆಯ್ಕೆ. ಆರಾಮವಾಗಿಯೂ ಇರತ್ತೆ, ಜೊತೆಗೆ ಹಬ್ಬದ ಲುಕ್ ಕೂಡ ಸಿಗುತ್ತೆ.

ಮಕ್ಕಳಿಗೆ ಆರಾಮದಾಯಕ ಡ್ರೆಸ್

ಮಕ್ಕಳನ್ನು ದಸರಾಗೆ ಕರೆದುಕೊಂಡು ಹೋಗ್ತಿದ್ದರೆ ಹಗುರವಾದ ಕಾಟನ್ ಧೋತಿ–ಕುರ್ತಾ ಅಥವಾ ಕುರ್ತಾ–ಪೈಜಾಮಾ ಹಾಕಿಸಬಹುದು. ಹೆಚ್ಚು ಭಾರವಾಗದ, ಆರಾಮದಾಯಕ ಬಟ್ಟೆ ಆಯ್ಕೆ ಮಾಡೋದು ಒಳ್ಳೆಯದು.

ಪಾದರಕ್ಷೆಗೂ ಗಮನ ಕೊಡಿ

ದಸರಾ ವೇಳೆ ಅರಮನೆ, ಜಂಬೂ ಸವಾರಿ ಹಾಗೂ ಬೇರೆ ಕಾರ್ಯಕ್ರಮಗಳಿಗೆ ಹೋಗುವಾಗ ಸಾಕಷ್ಟು ನಡೆಯಬೇಕಾಗಬಹುದು. ಹೀಗಾಗಿ ಡ್ರೆಸ್ ಜೊತೆಗೆ ಕಂಫರ್ಟಬಲ್ ಫುಟ್‌ವೇರ್ ಕೂಡ ಮುಖ್ಯ. ಮೋಜರಿ, ಜುಟ್ಟಿ ಅಥವಾ ಆರಾಮದಾಯಕ ಶೂ ಧರಿಸಬಹುದು.

ಕಾಟನ್ ಡ್ರೆಸ್ ಆರಾಮದಾಯಕ

ಹಗಲಿನಲ್ಲಿ ಬಿಸಿಲು ಇರೋ ಸಾಧ್ಯತೆ ಇರುವುದರಿಂದ ಕಾಟನ್ ಬಟ್ಟೆ ಹಾಕಿಕೊಂಡ್ರೆ ಆರಾಮವಾಗಿರುತ್ತೆ. ಫೋಟೋಗಳಲ್ಲಿ ಇನ್ನಷ್ಟು ಸಾಂಪ್ರದಾಯಿಕ ಲುಕ್ ಬೇಕು ಅನ್ನಿಸಿದ್ರೆ ಮೈಸೂರು ಪೇಟ ಕೂಡ ಸೇರಿಸಿಕೊಳ್ಳಬಹುದು. ಹೀಗೆ ಡ್ರೆಸ್ ಮಾಡಿದ್ರೆ ದಸರಾ ಸಂಭ್ರಮಕ್ಕೂ ಸೈ, ಫೋಟೋಗಳಿಗೂ ಸಖತ್ ಲುಕ್ ಕೊಡುತ್ತೆ.