ನೋಂದಾಯಿತ ಸಿಮ್ ಇಲ್ಲದೆಯೇ ಕೇವಲ ವೈ-ಫೈ ಮಾತ್ರ ಟ್ಯಾಬ್ಲೆಟ್‌ಗಳು ಅಥವಾ ಸಾಧನಗಳಲ್ಲಿ ಸಂದೇಶ ಕಳುಹಿಸುವ ಅಪ್ಲಿಕೇಶನ್‌ಗಳನ್ನು ಬಳಸುವವರ ಮೇಲೆ ಈ ನಿಯಮಗಳು ಹೆಚ್ಚು ಪರಿಣಾಮ ಬೀರಬಹುದು. ಪ್ರಯಾಣ ಮಾಡುವಾಗ ಸಿಮ್ ಬದಲಾಯಿಸುವ ಅಥವಾ ವಿದೇಶದಲ್ಲಿ ಸ್ಥಳೀಯ ಸಿಮ್ ಬಳಸುವವರ ಖಾತೆಗಳ ಮೇಲೂ ಇದು ಪರಿಣಾಮ ಬೀರಬಹುದು. ಈ ಮಧ್ಯೆ, eSIMಗಳ ಸಂದರ್ಭದಲ್ಲಿ ಈ ನಿಯಮಗಳು ಹೇಗೆ ಕಾರ್ಯನಿರ್ವಹಿಸುತ್ತವೆ ಎಂಬುದರ ಕುರಿತು ಸ್ಪಷ್ಟವಾದ ವಿವರಗಳಿಲ್ಲ.
ಈ ನಿಯಮಗಳು ಏಕೆ?
ಪ್ರಸ್ತುತ, ಸೈಬರ್ ಅಪರಾಧಗಳ ಬೆದರಿಕೆ ಗಣನೀಯವಾಗಿ ಹೆಚ್ಚಾಗುತ್ತಿದೆ. ಇದರೊಂದಿಗೆ, ಸಿಮ್ ಬೈಂಡಿಂಗ್ ಇಲ್ಲದಿದ್ದರೂ, ಸಿಮ್ ಅನ್ನು ತೆಗೆದುಹಾಕಿದರೂ ಅಥವಾ ನಿಷ್ಕ್ರಿಯಗೊಳಿಸಿದರೂ, ಸಂದೇಶ ಕಳುಹಿಸುವ ಅಪ್ಲಿಕೇಶನ್ಗಳು ಕಾರ್ಯನಿರ್ವಹಿಸುತ್ತಲೇ ಇರುತ್ತವೆ. ಅಂದರೆ ಒಮ್ಮೆ ಲಾಗಿನ್ ಆದರೆ, ಖುದ್ದಾಗಿ ನೀವು ಲಾಗೌಟ್ ಮಾಡದೆ ಹೋದರೂ ಅದು ಲಾಗಿನ್ ಆಗಿಯೇ ಇರುತ್ತದೆ. ಇದು ವ್ಯಕ್ತಿಗಳ ಹೆಸರಿನಲ್ಲಿ ವಂಚನೆ, ಹೂಡಿಕೆ ಮತ್ತು ಸಾಲದ ಹೆಸರಿನಲ್ಲಿ ದ್ರೋಹ ಮತ್ತು ಡಿಜಿಟಲ್ ಅರೆಸ್ಟ್ನಂತಹ ವಂಚನೆಗಳು ಅಪರಾಧಗಳಿಗೆ ಕಾರಣವಾಗುತ್ತದೆ.
ಸರ್ಕಾರದ ಅಂದಾಜಿನ ಪ್ರಕಾರ, 2024ರಲ್ಲಿ ಸೈಬರ್ ವಂಚನೆಯ ನಷ್ಟವು 22,800 ಕೋಟಿ ರೂ. ತಲುಪಿದೆ. ಪ್ರಸ್ತುತ, ಬ್ಯಾಂಕಿಂಗ್ ಮತ್ತು ಪಾವತಿ ಅಪ್ಲಿಕೇಶನ್ಗಳು ಸಿಮ್ ಬೈಂಡಿಂಗ್ ಅನ್ನು ಕಾರ್ಯರೂಪಕ್ಕೆ ತರುತ್ತಿವೆ. ಶೀಘ್ರದಲ್ಲೇ, ಇದನ್ನು ಸಂದೇಶ ಕಳುಹಿಸುವ ಅಪ್ಲಿಕೇಶನ್‌ಗಳಿಗೂ ಅನ್ವಯ ಮಾಡುವುದರಿಂದ ಸೈಬರ್ ಕ್ರೈಂ ಪ್ರಕರಣಗಳನ್ನು ತಡೆಗಟ್ಟಲು ಸಾಧ್ಯವಾಗುತ್ತದೆ ಎಂಬುದು ಕೇಂದ್ರ ಸರ್ಕಾರ ಲೆಕ್ಕಾಚಾರ.
ಕಂಪ್ಯೂಟರ್ನಲ್ಲಿ ವಾಟ್ಸ್ಆ್ಯಪ್ ಲಾಗಿನ್
ಇಂದು ಅನೇಕರು ತಮ್ಮ ಫೋನ್ನಿಂದ ಕಂಪ್ಯೂಟರ್ನ ವಾಟ್ಸ್ಆ್ಯಪ್ಗೆ ಲಾಗಿನ್ ಆಗಿ, ತಮ್ಮ ಕೆಲಸಗಳನ್ನು ಮಾಡಿಕೊಳ್ಳುತ್ತಾರೆ. ಈ ವೇಳೆ, ಕೆಲಸದ ನಂತರ ಲಾಗೌಟ್ ಮಾಡುವುದನ್ನೇ ಮರೆತುಹೋಗುತ್ತಾರೆ. ಇದರಿಂದ, ಆನ್ಲೈನ್ ವಂಚಕರಿಗೆ ಸ್ಕ್ಯಾಮ್ ಮಾಡಲು ಇನ್ನಷ್ಟು ಸುಲಭವಾಗಬಹುದು. ಈ ನಿಟ್ಟಿನಲ್ಲಿ, ಸಿಮ್ ಬೈಂಡಿಂಗ್ ಜಾರಿಯಾದರೆ, ಒಮ್ಮೆ ನೀವು ನಿಮ್ಮ ಕಂಪ್ಯೂಟರ್/ ಲ್ಯಾಪ್ಟಾಪ್ನಲ್ಲಿ ವಾಟ್ಸ್ಆ್ಯಪ್ ಅಥವಾ ನಿಯಮಗಳು ಅನ್ವಯಿಸಿದ ಮೆಸೇಜಿಂಗ್ ಆ್ಯಪ್ಗಳನ್ನು ಲಾಗಿನ್ ಮಾಡಿದರೆ, ಅವು ಕೆಲವು ಸಮಯದ ಬಳಿಕ ಅಥವಾ ಅರ್ಧಗಂಟೆ ನಂತರ ಆಟೋಮೆಟಿಕ್ ಆಗಿ ಲಾಗೌಟ್ ಆಗಲಿದೆ. ಇದು ನಿಜಕ್ಕೂ ಗಮನಾರ್ಹ.
