ಚೆನ್ನೈ: ಕಾಂಗ್ರೆಸ್‌ನ ದ್ರೋಹದಿಂದಾಗಿ ಡಿಎಂಕೆ ಇಂಡಿಯಾ ಮೈತ್ರಿಕೂಟದಿಂದ ಹೊರಬಂದಿದೆ ಎಂದು ಸೋಮವಾರ(ಅ. 12) ಮತ್ತೊಮ್ಮೆ ಘೋಷಿಸಿರುವ ಡಿಎಂಕೆ, ಆ ಪಕ್ಷದ ನೇತೃತ್ವದ ಪ್ರತಿಭಟನೆಗಳಲ್ಲಿ ಭಾಗವಹಿಸುವ ಯಾವುದೇ ಬದ್ಧತೆ ತನಗಿಲ್ಲವೆಂದು ಸ್ಪಷ್ಟಪಡಿಸಿದೆ. ಮತ್ತು ತಮ್ಮದು ಏನಿದ್ದರೂ ಸ್ವತಂತ್ರ ಹಾದಿ ಎಂದು ಪ್ರತಿಪಾದಿಸಿದೆ.
ಎಸ್ಐಆರ್ ವಿರುದ್ಧ ವಿಪಕ್ಷಗಳು ನಡೆಸುತ್ತಿರುವ ಹೋರಾಟದಲ್ಲಿ ಡಿಎಂಕೆ ಭಾಗವಹಿಸದ ಹಿನ್ನೆಲೆ ತಮಿಳುನಾಡು ಕಾಂಗ್ರೆಸ್ ನಾಯಕರು ಟೀಕಿಸಿದ್ದಕ್ಕೆ ಹೇಳಿಕೆ ಬಿಡುಗಡೆ ಮಾಡಿ ವಾಗ್ದಾಳಿ ನಡೆಸಿರುವ ಡಿಎಂಕೆ, ತಮಿಳುನಾಡಿನಲ್ಲಿ ಮೈತ್ರಿಕೂಟದ ಚುನಾವಣಾ ಸೋಲಿಗೆ ಕಾಂಗ್ರೆಸ್ ನಾಯಕರು ಎಂದು ಆರೋಪಿಸಿ ಕಿಡಿಕಾರಿದೆ.
ಮೈತ್ರಿಕೂಟದ ಭಾಗವಾಗಿದ್ದರೂ, ತಮಿಳುನಾಡು ಕಾಂಗ್ರೆಸ್ ಸಮಿತಿ ಮುಖ್ಯಸ್ಥ ಬಿ. ಮಾಣಿಕಂ ಠಾಗೋರ್, ಗಿರೀಶ್ ಚೋಡಂಕರ್ ಹಾಗೂ ಪ್ರವೀಣ್ ಚಕ್ರವರ್ತಿ ಸೇರಿದಂತೆ ಇತರ ಕಾಂಗ್ರೆಸ್ ನಾಯಕರು ಕಾರಣ. ಪ್ರತಿದಿನ ಡಿಎಂಕೆ ಬಗ್ಗೆ ಅವರು ಮಾಡಿದ ಟೀಕೆಗಳು ಸಹ ಒಂದು ಕಾರಣವಾಗಿತ್ತು ಎಂದು ಕಠಿಣ ಪದಗಳಲ್ಲಿ ವಾಗ್ದಾಳಿ ನಡೆಸಿದೆ.
