ತಮಿಳುನಾಡಿನಲ್ಲಿ ವಿಜಯ್​ ಬಂಪರ್​ ಘೋಷಣೆ: ಬಡವರಿಗೆ ಉಚಿತ ಸಿಲಿಂಡರ್​​; ಮಹಿಳೆ-ತೃತೀಯ ಲಿಂಗಿಗಳಿಗೆ ಬಸ್​ ಪ್ರಯಾಣ ಫ್ರೀ! Free Bus and Free Cylinder

ಚೆನ್ನೈ: ತಮಿಳುನಾಡಿನ ನೂತನ ಮುಖ್ಯಮಂತ್ರಿಯಾಗಿ ಆಯ್ಕೆಯಾಗಿರುವ ಜೋಸೆಫ್​ ವಿಜಯ್​​, ಈದೀಗ ಮತ್ತೊಮ್ಮೆ ರಾಜ್ಯದ ಜನರಿಗೆ ಕಲ್ಯಾಣ ಯೋಜನೆಗಳನ್ನು ಘೋಷಿಸಿದ್ದಾರೆ.

ವಿಧಾನ ಸಭೆಯ ಅಸೆಂಬ್ಲಿಯಲ್ಲಿ ಮಾತಾನಾಡಿದ ಸಿಎಂ ವಿಜಯ್​, ಆರ್ಥಿಕವಾಗಿ ಹಿಂದುಳಿದ ಕುಟುಂಬಕ್ಕೆ ವಾರ್ಷಿಕ ಮೂರು ಗ್ಯಾಸ್​ ಸಿಲಿಂಡರ್ (Free Bus and Free Cylinder)​​ ಹಾಗೂ ಸರ್ಕಾರಿ ಬಸ್ಸುಗಳಲ್ಲಿ ಮಹಿಳೆಯರಿಗೆ ಹಾಗೂ ತೃತೀಯ ಲಿಂಗಿಗಳಿಗೆ ಉಚಿತ ಪ್ರಯಾಣ ನೀಡುವುದಾಗಿ ಘೋಷಣೆ ಮಾಡಿದ್ದಾರೆ.

ಜನಪರ ಯೋಜನೆ ಬಗ್ಗೆ ಮಾತನಾಡಿದ ಮುಖ್ಯಮಂತ್ರಿ ವಿಜಯ್​, 2027 ರಿಂದ ಅನ್ನಪೂರ್ಣಿ ಸೂಪರ್​ ಸಿಕ್ಸ್​ ಯೋಜನೆಯನ್ನು ಜಾರಿಗೊಳಿಸುವುದಾಗಿ ಭರವಸೆ ನೀಡಿದ್ದು, ಈ ಯೋಜನೆಯ ಫಲವನ್ನು ಸುಮಾರು 1.30 ಕೋಟಿ ಕುಟುಂಬಗಳು ಪಡೆಯಲಿವೆ ಎಂದು ತಿಳಿಸಿದ್ದಾರೆ.

ವಾರ್ಷಿಕ ಆದಾಯ 2.5 ಲಕ್ಷಕ್ಕಿಂತ ಕಡಿಮೆ ಇರುವ ಕುಟುಂಬಗಳು ಈ ಉಚಿತ ಗ್ಯಾಸ್​ ಸಿಲಿಂಡರ್ ಪಡೆಲಿದ್ದು, ಫಲಾನುಭವಿಗಳ ಪಟ್ಟಿಯನ್ನು ತಯಾರಿಸಿ, ಅವರ ಬ್ಯಾಂಕ್​ ಖಾತೆಗೆ ಹಣವನ್ನು ನೇರವಾಗಿ ಜಮಾ ಮಾಡುವುದಾಗಿ ಹೇಳಿದ್ದಾರೆ. ವಿಜಯ್​ ತಿಳಿಸಿರುವ ಪ್ರಕಾರ ಈ ಯೋಜನೆಗೆ ಸುಮಾರು 4 ಸಾವಿರ ಕೋಟಿ ಖರ್ಚಾಗಲಿದೆ ಎಂದಿದ್ದಾರೆ.

ಮಧ್ಯಪ್ರಾಚ್ಯದಲ್ಲಿ ಅಮೆರಿಕ ಹಾಗೂ ಇರಾನ್​ ನಡುವೆ ಸಂಘರ್ಷ ನಡೆಯುತ್ತಿರುವ ಹಿನ್ನಲೆ, ಸಿಲಿಂಡರ್​ ಬೆಲೆ ಹೆಚ್ಚಳ ಮತ್ತು ಅಲಭ್ಯತೆ ತಲೆದೂರಿರುವ ಹಿನ್ನಲೆ ರಾಜ್ಯದ ಬಡ ಕುಟುಂಬಗಳಿಗೆ ಸಿಲಿಂಡರ್​​ ಖರೀದಿ ಕಷ್ಟವಾಗುತ್ತಿದೆ. ಹೀಗಾಗಿ ಈ ಯೋಜನೆಯನ್ನು ಜಾರಿಗೆ ತಂದರೆ ಕನಿಷ್ಟ ಅವರ ಹೊಟ್ಟೆಗೆ ಊಟ ದೊರೆಯಲಿದೆ ಎಂದಿದ್ದಾರೆ.

ಇದೇ ಮೊದಲ ಬಾರಿಗೆ ತಮಿಳುನಾಡಿನ ರಾಜಕೀಯಕ್ಕೆ ಎಂಟ್ರಿ ಕೊಟ್ಟಿದ್ದ ವಿಜಯ್​, ಮೊದಲ ಯತ್ನದಲ್ಲಿಯೇ ಮುಖ್ಯಮಂತ್ರಿ ಸ್ಥಾನಕ್ಕೇರಿದ್ದಾರೆ. ಚುನಾವಣಾ ಪ್ರಚಾರದ ಸಂದರ್ಭದಲ್ಲಿ ತಮಿಳಿಗ ವೆಟ್ರಿ ಕಳಗಂ (TVK) ಪಕ್ಷ ಬಡ ಕುಟುಂಬಗಳಿಗೆ ವರ್ಷಕ್ಕೆ ಆರು ಉಚಿತ ಸಿಲಿಂಡರ್ ನೀಡುವುದಾಗಿ ಭರವಸೆ ನೀಡಿತ್ತು.

ಇದರ ಬಗ್ಗೆ ಮಾತನಾಡಿದ ವಿಜಯ್​, ರಾಜ್ಯದ ಆರ್ಥಿಕ ಪರಿಸ್ಥಿತಿ ಅಷ್ಟೇನೂ ಚೆನ್ನಾಗಿಲ್ಲ. ಆದರೆ ನೀಡಿದ ಭರವಸೆ ಹಾಗೂ ತಿನ್ನುವ ಅನ್ನವನ್ನು ದೃಷ್ಟಿಯಲ್ಲಿಟ್ಟಕೊಂಡು ಈ ಯೋಜನೆಯನ್ನು ಜಾರಿಗೆ ತರಲಿದ್ದೇವೆ ಎಂದಿದ್ದಾರೆ.

ಮಹಿಳೆಯರಿಗೆ, ತೃತೀಯ ಲಿಂಗಿಗಳಿಗೆ ಬಂಪರ್​!

ರಾಜ್ಯದಲ್ಲಿರುವ ಮಹಿಳೆಯರಿಗೆ ಹಾಗೂ ತೃತೀಯ ಲಿಂಗಿಗಳಿಗೆ ವೆಟ್ರಿ ಪಯಣ ತಿಟ್ಟಿಂ ಎಂಬ ಯೋಜನೆಯಡಿ ರಾಜ್ಯದೆಲ್ಲಡೆ ಸಂಚರಿಸುವ ಬಸ್ಸುಗಳನ್ನು ಪ್ರಯಾಣವನ್ನು ಉಚಿತವೆಂದು ಘೋಷಿಸಿದ್ದಾರೆ. ಈ ಯೋಜನೆಗೆ ಕೇವಲ ಸಿಟಿ ಬಸ್ಸುಗಳು ಮಾತ್ರವಲ್ಲದೇ, ಅದ್ಧೂರಿ ಬಸ್ಸುಗಳಲ್ಲಿ ಕೂಡ ಮಹಿಳೆಯರಿಗೆ ಉಚಿತ ಪ್ರಯಾಣವೆಂದು ತಿಳಿಸಲಾಗಿದೆ.

ಇದನ್ನೂ ಓದಿ:

ಒಂದು ಹನಿ ತೈಲವೂ ಹೊರ್ಮುಜ್​ ದಾಟಲ್ಲ: ಅಮೆರಿಕ 'ಆರ್ಥಿಕ ಯುದ್ಧ' ಕ್ಕೆ, ಇರಾನ್​ ಜಲ ದಿಗ್ಬಂಧನ! Iran Close Strait of Hormuz

ರಾಜ್ಯದಲ್ಲಿ ಈಗಾಗಲೇ ಮಹಿಳೆಯರಿಗೆ ಉಚಿತ ಬಸ್ಸು ಪ್ರಯಾಣದ ಸೌಲಭ್ಯವಿದೆ. ಆದರೆ ಅದು ಕೇವಲ 40 ಕಿ.ಮೀ ಮಾತ್ರವಿದ್ದು, ಇದರಿಂದ ಹಳ್ಳಿಯಿಂದ ಪಟ್ಟಣಕ್ಕೆ ಬರುವ ಮಹಿಳೆಯರಿಗೆ ಅನಾನೂಕವಾಗುತ್ತದೆ ಎಂಬ ಕಾರಣಕ್ಕೆ ಯೋಜನೆಗ ಸ್ವರೂಪವನ್ನು ಬದಲಿಸಲಾಗಿದ್ದು, ಅಕ್ಟೋಬರ್ 2 ಗಾಂಧಿ ಜಯಂತಿ ದಿನದಿಂದ ಈ ಯೋಜನೆ ಕಾರ್ಯರೂಪಕ್ಕೆ ಬರಲಿದೆ, (ಏಜನ್ಸೀಸ್​).