ಮೋದಿಯನ್ನು ನಿಂದಿಸೋದು, ಅಪಪ್ರಚಾರ ಮಾಡೋದು ಬಿಟ್ಟು ಕಾಂಗ್ರೆಸ್​ಗೆ ಬೇರೆ ಕೆಲಸವಿಲ್ಲ: ಪ್ರಧಾನಿ ಮೋದಿ ಗುಡುಗು...Narendra Modi

ದಿಸ್ಪುರ್​: `ಮಧ್ಯಪ್ರಾಚ್ಯದಲ್ಲಿ ಮುಂದುವರೆದಿರುವ 15ನೇ ದಿನದ ಸಂಘರ್ಷದಿಂದ ಭಾರತದಲ್ಲಿರುವ ಜನರ ಮೇಲಾಗುವ ಪರಿಣಾಮವನ್ನು ತಗ್ಗಿಸಲು ಕೇಂದ್ರ ಸರ್ಕಾರ ನಿರಂತರ ಕೆಲಸ ಮಾಡುತ್ತಿದೆ. ಆದರೆ, ವಿಪಕ್ಷ ನಾಯಕರು ಜನರಲ್ಲಿ ಭೀತಿ ಮೂಡಿಸಿ, ಬೇಜವಾಬ್ದಾರಿಯಿಂದ ವರ್ತಿಸುತ್ತಿದ್ದಾರೆ' ಎಂದು ಅಸ್ಸಾಂನಲ್ಲಿ ಪ್ರಧಾನಿ ನರೇಂದ್ರ ಮೋದಿ ( Narendra Modi ) ಯವರು ಕಿಡಿಕಾರಿದರು.

ಅಸ್ಸಾಂನ ಸಿಲ್ಚಾರ್​​ನಲ್ಲಿ 23,550 ಕೋಟಿಗೂ ಹೆಚ್ಚು ಮೌಲ್ಯದ ಯೋಜನೆಯನ್ನು ಉದ್ಘಾಟಿಸಿದರು. ನಂತರ ಕಾರ್ಯಕ್ರಮವನ್ನು ಉದ್ದೇಶಿಸಿ ಮಾತನಾಡಿದ ಅವರು, `ಕಾಂಗ್ರೆಸ್ ​ ಭಾರತದ ಅಭಿವೃದ್ಧಿಯನ್ನು ಸಹಿಸದ ಶತ್ರುಗಳ ಕೈಗೊಂಬೆಯಾಗಿದೆ. ಅವರ ಆಡಳಿತಾವಧಿಯಲ್ಲಿ ಈಶಾನ್ಯ ಭಾಗದಲ್ಲಿ ಯಾವುದೇ ಸುಧಾರಣೆ ತಂದಿಲ್ಲ' ಎಂದು ಹೇಳಿದರು.

ಮುಂದುವರೆದು, `ಸ್ವಾತಂತ್ರ್ಯದ ಕಾಲದಲ್ಲಿ ಆಡಳಿತದಲ್ಲಿದ್ದ ಅಂದಿನ ಕಾಂಗ್ರೆಸ್ ಸರ್ಕಾರವು ಬರಾಕ್​ ಕಣಿವೆಯು  ಸಮುದ್ರ ಪ್ರವೇಶಿಸದಂತೆ ತಡೆದು ಗಡಿರೇಖೆಗೆ ಅನುಮತಿ ನೀಡಿತ್ತು. ಪ್ರಮುಖ ಕೈಗಾರಿಕಾ ಕೇಂದ್ರವಾಗಿದ್ದ ಈ ಪ್ರದೇಶ ಆರ್ಥಿಕ ಬಲವನ್ನು ಕಳೆದುಕೊಂಡಿತು. ಅಂದಿನ ಸರ್ಕಾರದ ಈ ನಿರ್ಧಾರದಿಂದ ಆದಾಯದ ಮೇಲೆ ಹೊಡೆತ ಬಿದ್ದಿತ್ತು' ಎಂದು ಪ್ರಧಾನಿ ಮೋದಿ ನೆನಪಿಸಿಕೊಂಡರು.

`ಜಗತ್ತು ಸಂಘರ್ಷವನ್ನು ಎದುರಿಸುತ್ತಿದೆ. ದೇಶದ ಜನರ ಮೇಲೆ ಇದರಿಂದಾಗುವ ಆತಂಕವನ್ನು ತಪ್ಪಿಸೋದು ನಮ್ಮ ಆಶಯ ಮತ್ತು ಪ್ರಯತ್ನ. ಆದರೆ, ಕಾಂಗ್ರೆಸ್ ವಿಪಕ್ಷ ಸ್ಥಾನದಲ್ಲಿದ್ದು ಬೇಜವಾಬ್ದಾರಿಯುತ ಕೆಲಸ ಮಾಡುತ್ತಿದೆ. ಈಗಾಗಲೇ ಆತಂಕದಲ್ಲಿರುವ ಜನರನ್ನು ಸಂಕಷ್ಟಕ್ಕೆ ದೂಡುವ ಯತ್ನ ಮಾಡುತ್ತಿದೆ' ಎಂದು ಅವರು ಗುಡುಗಿದರು. 

`ಪ್ರಧಾನಿ ಮೋದಿಯವರನ್ನು ನಿಂದಿಸೋದು ಹೇಗೆ, ಸುಳ್ಳು ಸುದ್ದಿಗಳನ್ನು ಹರಡೋದು ಹೇಗೆ? ಜನರನ್ನು ದಾರಿ ತಪ್ಪಿಸಲು ಇರುವ ತಂತ್ರ ಯಾವುದು ಎಂಬ ಬಗ್ಗೆ ಚಿಂತಿಸುವುದು ಕಾಂಗ್ರೆಸ್​ನ ಕೆಲಸ. ಎಐ ಇಂಪ್ಯಾಕ್ಟ್​ ಸಭೆಯಲ್ಲಿ ಜಾಗತಿಕ ನಾಯಕರು, ಟೆಕ್​ ಕಂಪನಿ ಮುಖ್ಯಸ್ಥರು ಇದ್ದರು. ಅವರ ಮುಂದೆ ಕಾಂಗ್ರೆಸ್ ಬಟ್ಟೆ ಹರಿದು ಹಾಕಿಕೊಳ್ಳುವ ಮೂಲಕ ಜಗತ್ತೇ ಮುಜುಗರಕ್ಕೀಡಾಗುವ ಕೆಲಸವನ್ನು ಮಾಡಿತ್ತು. ದೇಶಕ್ಕೆ ತಾವೇನು ಮಾಡುತ್ತಿದ್ದಾರೆ ಎನ್ನುವುದನ್ನು ತೋರಿಸಿಕೊಟ್ಟರು' ಎಂದು ಹೇಳಿದರು.

ತಮ್ಮ ಬಟ್ಟೆ ತಾವೇ ಹರಿದು ಹಾಕಿಕೊಳ್ಳುವುದನ್ನು ಹೊರತುಪಡಿಸಿ, ಕಾಂಗ್ರೆಸ್​ಗೆ ಮಾಡೋಕೆ ಬೇರೆ ಕೆಲಸ ಆದ್ರೂ ಏನಿದೆ? ಒಂದರನಂತರ ಒಂದು ಚುನಾವಣೆಗಳಲ್ಲಿ ಸೋಲು ಕಾಣುತ್ತಾ ಬರುತ್ತಿದೆ. ನೀವು ಸಹ ಅಸ್ಸಾಂನಿಂದ ಕಾಂಗ್ರೆಸ್​ನ್ನು ಹೊರ ಹಾಕಿದ್ದೀರಿ. ಎಲ್ಲ ರಾಜ್ಯವೂ ಅವರಿಗೆ ತಕ್ಕುದಾದ ಪಾಠ ಕಲಿಸುತ್ತಿದೆ.ಮುಂದಿನ ದಿನಗಳಲ್ಲಿ ಕಾಂಗ್ರೆಸ್​ ಶತಮಾನಗಳ ಸೋಲು ಅನುಭವಿಸೋದು ಗ್ಯಾರಂಟಿ ಎಂದರು, (ಏಜನ್ಸೀಸ್).