ಉತ್ತರ ಪ್ರದೇಶ: ಪ್ರೀತಿಗೆ ಜಾತಿ, ಮತ, ವಯಸ್ಸು ಯಾವುದೂ ಮುಖ್ಯವಲ್ಲ ಎಂಬ ಮಾತನ್ನು ನಾವು ಕೇಳಿರುತ್ತೇವೆ. ಆದರೆ, ಉತ್ತರ ಪ್ರದೇಶದ ಈ ವಿಚಿತ್ರ ಪ್ರೇಮಕಥೆಯನ್ನು ನೋಡಿದಾಗ, ಈ ಮಾರು ನೂರಕ್ಕೆ ನೂರು ನಿಜ ಅನ್ನಿಸುತ್ತದೆ. ಎಪ್ಪತ್ತೈದು ವರ್ಷದ ವೃದ್ಧನೊಬ್ಬ ಮೂವತ್ತು ವರ್ಷದ ಯುವತಿಯ ಪ್ರೇಮಪಾಶದಲ್ಲಿ ಸಿಲುಕಿ, ಈಗ ಆಕೆಯನ್ನೇ ಮದುವೆಯಾಗಲು ಸಿದ್ಧನಾಗಿರುವ ಸುದ್ದಿ ಈಗ ಎಲ್ಲಡೆ ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿದೆ.
ಮಗಳ ಮನೆಗೆ ಬಂದವಳು ಅಪ್ಪನ ಮನಸ್ಸು ಕದ್ದಳು!
ಉತ್ತರ ಪ್ರದೇಶದ ಔರಯ್ಯ ಜಿಲ್ಲೆಯಲ್ಲಿ ನಡೆದಿರುವ ಈ ರೋಚಕ ಪ್ರೇಮಕಥೆಯ ನಾಯಕ 75 ವರ್ಷದ ರಾಮ್‌ಸುಗರ್ ಹಾಗೂ ನಾಯಕಿ 30 ವರ್ಷದ ರಾಣಿ ರಜಪೂತ್. ಸಾಮಾಜಿಕ ಜಾಲತಾಣಗಳಲ್ಲಿ ನಿರಂತರವಾಗಿ ರೀಲ್ಸ್ ಮಾಡುತ್ತಿದ್ದ ರಾಣಿ, ರಾಮ್‌ಸುಗರ್ ಅವರ ಮಗಳ ಸ್ನೇಹಿತೆಯಾಗಿದ್ದಳು. ಮಗಳನ್ನು ಭೇಟಿಯಾಗಲು ಆಗಾಗ ಮನೆಗೆ ಬಂದು ಹೋಗುತ್ತಿದ್ದಳು. ಹೀಗೆ ಮನೆಗೆ ಬರ್ತಾ ಬರ್ತಾ ಅಪ್ಪ ರಾಮ್‌ಸುಗರ್ ಪರಿಚಯವಾಗಿದೆ. ದಿನಗಳು ಕಳೆದಂತೆ ಇಬ್ಬರ ನಡುವೆ ಮಾತುಕತೆ, ಸ್ನೇಹ ಬೆಳೆದು ಅದು ನೋಡನೋಡುತ್ತಿದ್ದಂತೆ ಗಾಢ ಪ್ರೇಮವಾಗಿ ಮಾರ್ಪಟ್ಟಿದೆ.
