Assam Dancer Found Dead In Andhra: ಅಸ್ಸಾಂನ ಕಾಮರೂಪ್ ಜಿಲ್ಲೆಯ 20 ವರ್ಷದ ಯುವತಿ ಆಂಧ್ರಪ್ರದೇಶದ ಶ್ರೀಕಾಕುಳಂನಲ್ಲಿ ಶವವಾಗಿ ಪತ್ತೆಯಾಗಿದ್ದರು. ಪ್ರಕರಣದ ಹಿಂದಿನ ತನಿಖೆ ಶುರು ಮಾಡಿದ ಪೊಲೀಸರಿಗೆ ಆಕೆ ತನ್ನ ಸ್ನೇಹಿತರು ಮತ್ತು ಪೋಷಕರಿಗೆ ಮಾಡಿದ್ದ ಮೆಸೇಜ್ಗಳು ಸಿಕ್ಕಿವೆ. ಅದ್ರಲ್ಲಿ ನನ್ನ ಸುತ್ತಲೂ ಕುಡಿದ ಪುರುಷರೇ ಇದ್ದಾರೆ ಎನ್ನುವುದು ತನಿಖೆಗೆ ಸಿಕ್ಕ ತಿರುವಾಗಿದೆ.
ಮೃತ 20 ವರ್ಷದ ಗುವಾಹಟಿಯ ಹಿಮಶ್ರೀ ಬೊರೊ ವಿಶಾಖಪಟ್ಟಣದಲ್ಲಿ ನಡೆದ ಡ್ಯಾನ್ಸ್ ಕಾರ್ಯಕ್ರಮದಲ್ಲಿ ಭಾಗಿಯಾಗಿದ್ದಳು. ಅ.10 ರಂದು ಗುವಾಹಟಿಯಲ್ಲಿ ಬ್ಯಾಂಕ್ ಪರೀಕ್ಷೆ ಇದ್ದಿದ್ದರಿಂದ ವಾಪಸ್ ಊರಿನತ್ತ ತೆರಳುತ್ತಿದ್ದರು. ಆದರೆ, ಆಕೆ ಮಾರನೇ ದಿನ ಶ್ರೀಕಾಕುಳಂ ಜಿಲ್ಲೆಯ ರೈಲು ಹಳಿ ಪಕ್ಕದಲ್ಲಿ ಶವವಾಗಿ ಪತ್ತೆಯಾಗಿದ್ದರು.
ಅಕ್ಟೋಬರ್ 5 ರಂದು ರಾತ್ರಿ ವಿಶಾಖಪಟ್ಟಣಂ ರೈಲು ನಿಲ್ದಾಣದಿಂದ ವಿವೇಕ ಎಕ್ಸ್‌ಪ್ರೆಸ್ (ರೈಲು ಸಂಖ್ಯೆ 22503) ರೈಲು ಹತ್ತಿದ್ದರು. ಪ್ರಯಾಣದ ವೇಳೆ ಬೋಗಿಯಲ್ಲಿ ವಿಪರೀತ ಜನದಟ್ಟಣೆ ಇದ್ದು, ತನ್ನ ಸುತ್ತಲೂ ಗಂಡಸರೇ ಹೆಚ್ಚಾಗಿರುವುದರಿಂದ ತನಗೆ ಭಯವಾಗುತ್ತಿದೆ ಎಂದು ಅವರು ಸ್ನೇಹಿತರು ಮತ್ತು ಕುಟುಂಬಸ್ಥರಿಗೆ ಮೆಸೇಜ್ ಮಾಡಿ ಮಾಹಿತಿ ಕೊಟ್ಟಿದ್ದರು.
