ಸಂಸ್ಥೆಗಳೊಂದಿಗೆ ವರ್ಷಗಳ ಕಾಲ ಮಾತುಕತೆ ನಡೆಸಿ, ಸರ್ಕಾರದ ಎಲ್ಲಾ ನಿಯಮಗಳನ್ನು ಪಾಲಿಸಿದ ಹೊರತಾಗಿಯೂ, ಭಾರತದಲ್ಲಿ ಇನ್ನೂ ನಮ್ಮ ಸ್ಟಾರ್ಲಿಂಕ್ ತನ್ನ ವಾಣಿಜ್ಯ ಸೇವೆಗಳನ್ನು ಆರಂಭಿಸಲು ಕಾಯುವಂತ ಪರಿಸ್ಥಿತಿ ಎದುರಾಗಿದೆ. ಏಕೆ ಲೈಸನ್ಸ್ಗೆ ಇಷ್ಟೊಂದು ವಿಳಂಬ? ಎಂದು ಪ್ರಶ್ನಿಸಿದ್ದಾರೆ. ಇದರೊಟ್ಟಿಗೆ, ದೇಶದ ಟೆಲಿಕಾಂ ಅಧಿಕಾರ ರಚನೆಯ ವಿರುದ್ಧ ನೇರ ಕಿಡಿಕಾರಿರುವ ಮಸ್ಕ್, ಇಲ್ಲಿ ಅಂತಿಮ ನಿರ್ಧಾರಗಳನ್ನು ಕೈಗೊಳ್ಳುತ್ತಿರುವುದು ಯಾರು, ಮುಖೇಶ್ ಅಂಬಾನಿ ಅವರೇ? ಅಂಬಾನಿ ಏನು ಭಾರತದ ರಿಯಲ್ ಬಾಸ್? ಎಂದು ನೇರವಾಗಿ ಚಾಟಿ ಬೀಸಿದ್ದಾರೆ.
ನಿಜಕ್ಕೂ ಅಂಬಾನಿ ಪ್ರಭಾವವೇ ಕಾರಣನಾ?
ಭಾರತೀಯ ಟೆಲಿಕಾಂ ಕ್ಷೇತ್ರದಲ್ಲಿ ಶೇ.40ಕ್ಕೂ ಹೆಚ್ಚು ಮಾರುಕಟ್ಟೆ ಪಾಲು ಹೊಂದಿರುವ ಜಿಯೋ, ದೇಶದ ಡಿಜಿಟಲ್ ಮೂಲಸೌಕರ್ಯದಲ್ಲಿ ದೊಡ್ಡ ಮಟ್ಟದ ಹೂಡಿಕೆ ಮಾಡಿದೆ. ವಿದೇಶಿ ಕಂಪನಿಯೊಂದು ನೇರವಾಗಿ ಸ್ಯಾಟಲೈಟ್ ಮೂಲಕ ಗ್ರಾಹಕರನ್ನು ತಲುಪಿದರೆ, ಅದು ಸ್ಥಳೀಯ ಟೆಲಿಕಾಂ ದೈತ್ಯರ ವಹಿವಾಟಿಗೆ ಆರ್ಥಿಕ ಹೊಡೆತ ನೀಡುವುದು ಖಚಿತ ಎಂಬ ಭೀತಿಯಿದೆ.
ಹೀಗಾಗಿ, ಟೆಲಿಕಾಂ ಉದ್ಯಮದ ಹಿತಾಸಕ್ತಿ ಕಾಯುವ ನಿಟ್ಟಿನಲ್ಲಿ ಸರ್ಕಾರಿ ಮಟ್ಟದಲ್ಲಿ ಕಟ್ಟುನಿಟ್ಟಿನ ಪರಿಶೀಲನೆಗಳು ನಡೆಯುತ್ತಿವೆ ಎಂಬುದು ಒಂದು ವಾದವಾದರೆ, ಭಾರತದ ಉದ್ಯಮ ನೀತಿಗಳ ಮೇಲೆ ಸ್ಥಳೀಯ ಕಾರ್ಪೊರೇಟ್ ದೈತ್ಯರ ಪ್ರಭಾವ ಎಷ್ಟರ ಮಟ್ಟಿಗಿದೆ ಎಂಬುದಕ್ಕೆ ಈ ವಿಳಂಬವೇ ಸಾಕ್ಷಿ ಎಂಬುದು ಮತ್ತೊಂದು ಅಭಿಪ್ರಾಯ. ಅಂತಿಮವಾಗಿ, ಕೇಂದ್ರ ಸರ್ಕಾರ ಮಸ್ಕ್ ಪ್ರಶ್ನೆಗೆ ಉತ್ತರ ಕೊಡಲಿದ್ಯಾ? ಶೀಘ್ರವೇ ಸ್ಟಾರ್ಲಿಂಕ್ ಸೇವೆಗಳಿಗೆ ಅಗತ್ಯವಿರುವ ಲೈಸನ್ಸ್ಗೆ ಅಸ್ತು ಎನ್ನಲಿದೆಯಾ? ಎಂಬುದನ್ನು ಸದ್ಯ ಕಾದು ನೋಡಬೇಕಿದೆ.
ಸ್ಟಾರ್ಲಿಂಕ್ ಸಾಮರ್ಥ್ಯವೇನು?
ಸ್ಟಾರ್ಲಿಂಕ್ ಸೇವೆಯು ಭಾರತೀಯ ಮಾರುಕಟ್ಟೆಯಲ್ಲಿ ಕ್ರಾಂತಿಕಾರಿ ಬದಲಾವಣೆಗಳನ್ನು ತರಲಿದೆ ಎಂಬ ಹೊಸ ಅಲೆ ಈಗಾಗಲೇ ಟೆಲಿಕಾಂ ಕ್ಷೇತ್ರಗಳಲ್ಲಿ ಜೋರಾಗಿದೆ. ಇದಲ್ಲದೆ, ಸ್ಥಿರ ನೆಟ್‌ವರ್ಕ್‌ಗಾಗಿ ಹೆಣಗಾಡುತ್ತಿರುವ ಎಲ್ಲಾ ದೂರದ ಪ್ರದೇಶಗಳಿಗೂ ಈ ಇಂಟರ್ನೆಟ್ ಸೇವೆ ತಲುಪಲಿದ್ದು, ಹಳ್ಳಿಗಾಡು ಪ್ರದೇಶಗಳ ಜನರಿಗೆ ವೇಗದಲ್ಲಿ ನೆಟ್ವರ್ಕ್ ಪೂರೈಕೆ ಮಾಡಲಿದೆ ಎಂದು ಹೇಳಲಾಗಿದೆ.
ಇಂಟರ್ನೆಟ್ ವೇಗ, ಲಭ್ಯತೆ
ಸ್ಟಾರ್ಲಿಂಕ್ ಸ್ಯಾಟಲೈಟ್ ಇಂಟರ್ನೆಟ್ ಬಳಕೆದಾರರಿಗೆ 25 Mbps ಮತ್ತು 225 Mbps ನಡುವಿನ ವೇಗವನ್ನು ನೀಡುವ ನಿರೀಕ್ಷೆಯಿದೆ. ಆರಂಭಿಕ ಹಂತದ ಯೋಜನೆಯು 25 ಮೆಗಾ ಬಿಟ್ಸ್ ಪರ್ ಸೆಕೆಂಡ್ ಅನ್ನು ನೀಡುವ ನಿರೀಕ್ಷೆಯಿದೆ. ಉನ್ನತ ಮಟ್ಟದ ಯೋಜನೆಯು ಮೂಲ ಯೋಜನೆಗಿಂತ ಕೊಂಚ ದುಬಾರಿಯಾಗಿರಬಹುದು ಎನ್ನಲಾಗಿದೆ.
