ಇತ್ತೀಚೆಗೆ ಚಾಟ್ ಜಿಪಿಟಿ ನಮ್ಮ ದೈನಂದಿನ ಜೀವನದ ಒಂದು ಭಾಗವಾಗಿ ಮಾರ್ಪಾಡಾಗಿದೆ. ಯಾವುದೇ ಸಂಶಯ, ಪ್ರಶ್ನೆಗಳಿದ್ದರೂ ಸಹ ಅದನ್ನು ಕೇಳಿ ಮುಂದೇನು ಮಾಡಬೇಕು ಎನ್ನುವುದಕ್ಕೆ ಮುಂದಾಗುತ್ತೇವೆ. ಚಾಟ್ ಜಿಪಿಟಿ ಮನುಷ್ಯನಲ್ಲದ ಕಾರಣ, ಗೌರವಪೂರ್ವಕವಾಗಿ ನಡೆಸಿಕೊಳ್ಳೋದು ಇಲ್ಲ. ಆದರೆ ಇಲ್ಲೊಬ್ಬ ಹಿರಿಯ ಜೀವ ಅದನ್ನು 'ಸರ್' ಎಂದು ಸಂಬೋಧಿಸಿ ನೆಟ್ಟಿಗರ ಮನ ಗೆದ್ದಿದ್ದಾರೆ.
@theteknosaur ಎಂಬುವವರು ಹಂಚಿಕೊಂಡ ಪೋಸ್ಟ್ ಪ್ರಕಾರ, ಭಾರತೀಯ ವೃದ್ಧರೊಬ್ಬರು ವಿಮಾನದಲ್ಲಿ ಕುಳಿತು , ChatGPT ಬಳಸಿ ಲಂಬ ಕೃಷಿ ವ್ಯವಹಾರದ ವಿಚಾರಗಳ ಬಗ್ಗೆ ಪ್ರಶ್ನೆ ಕೇಳುತ್ತಾ ಅದನ್ನು ಗೌರವಯುತವಾಗಿ “ಸರ್” ಎಂದು ಕರೆಯುವ ಮೂಲಕ ಸಾಮಾಜಿಕ ಜಾಲತಾಣದಲ್ಲಿ ಖ್ಯಾತಿ ಗಳಿಸಿದ್ದಾರೆ. ಈ ಪೋಸ್ಟ್ ವೈರಲ್ ಆಗುತ್ತಲೇ ಎಐ ಜೊತೆ ಚಾಟ್ ಮಾಡಿದ ವಿಬಿಆರ್ ಪ್ರಸಾದ್ ಎಂಬುವವರೇ ಖುದ್ದಾಗಿ ರೆಸ್ಪಾನ್ಸ್ ಮಾಡಿದ್ದಾರೆ.
@theteknosaur ಪೋಸ್ಟ್ನಲ್ಲಿ ಏನಿದೆ
ನಾನು ಪ್ರಯಾಣಿಸುತ್ತಿದ್ದ ವಿಮಾನದಲ್ಲಿದ್ದ 77 ವರ್ಷದ ವೃದ್ಧರೊಬ್ಬರು, ಕೃಷಿ ವ್ಯವಹಾರದ ಬಗ್ಗೆ ಯೋಜನೆ ರೂಪಿಸುವ ಬಗ್ಗೆ ಚಾಟ್ ಜಿಪಿಟಿ ಜೊತೆಗೆ ಮಾತನಾಡುತ್ತಿದ್ದರು. ನಂಗೆ ಅಚ್ಚರಿ ಎನಿಸಿದ್ದು, ಅವರು ಎಐಗೆ ಸರ್ ಎಂಬ ಪದ ಬಳಸಿ ಅಷ್ಟು ಗೌರವ ನೀಡಿದ್ದು. ಇಡೀ ಪ್ರಯಾಣದಲ್ಲಿ ಜೊತೆಗಿದ್ದೆವು. ನಾವೀಗ ಸ್ನೇಹಿತರು ಎಂದು ಬರೆದುಕೊಂಡಿದ್ದಾರೆ.
ನೆಟ್ಟಿಗರಿಂದ ಮೆಚ್ಚುಗೆ
ಹಲೋ ಅಂಕಲ್, ನಿಮ್ಮ ಈ ಸಭ್ಯತೆಗೆ ಧನ್ಯವಾದ ಇದೊಂದು ಸ್ಪೂರ್ತಿದಾಯಕ ವಿಚಾರ ಎಂದು ಎಕ್ಸ್ ಬಳಕೆದಾರರು ಬರೆದುಕೊಂಡಿದ್ದಾರೆ. ನಮ್ಮಲ್ಲಿ ಅನೇಕರು AI ಚಾಟ್‌ಬಾಟ್‌ಗಳಿಗೆ ನಿರ್ದೇಶನ ನೀಡುವಾಗ "ದಯವಿಟ್ಟು" ಅಥವಾ "ಧನ್ಯವಾದಗಳು" ಎಂದು ಸಹ ಬಳಸುವುದಿಲ್ಲ. ನೀವು “ಸರ್” ಎಂದು ಕರೆದಿದ್ದು ಅದ್ಭುತ ಮಾರ್ಗದರ್ಶನ ಕೊಟ್ಟಂತಾಗಿದೆ ಎಂದಿದ್ದಾರೆ.
