ಈ ಕುರಿತು ಎಕ್ಸ್ನಲ್ಲಿ ಎಐಎಸ್ಎ ಅಧ್ಯಕ್ಷೆ ನೇಹಾ ಬೋರಾ ಮತ್ತು ಹಿರಿಯ ವಕೀಲ ಪ್ರಶಾಂತ್ ಭೂಷಣ್ ಅವರು ಆಡಳಿತ ಬದಲಾವಣೆಯನ್ನು ಪ್ರತಿಪಾದಿಸುವ ವೀಡಿಯೊವನ್ನು ಹಂಚಿಕೊಂಡು ಪೋಸ್ಟ್ ಹಾಕಿರುವ ಅವರು, ಬಾಂಗ್ಲಾದೇಶದಲ್ಲಿ ನಡೆದ ಹಿಂಸಾತ್ಮಕ ಘಟನೆ ಮತ್ತು ಫ್ರಾನ್ಸ್‌ನಲ್ಲಿ ನಡೆಯುತ್ತಿರುವ ಗಲಭೆಗಳು, ಬೆಂಕಿ ಹಚ್ಚುವಿಕೆ ಮತ್ತು ಲೂಟಿ. ಭಾರತದಲ್ಲೂ ಇದೇ ರೀತಿ ನಡೆಸಲು ಪಿತೂರಿ ರೂಪಿಸಲಾಗಿತ್ತು ಎಂದು ಆರೋಪಿಸಿದ್ದಾರೆ.
ಭಾರತ ವಿರೋಧಿ ಗ್ಯಾಂಗ್‌ಗಳು ಮತ್ತು ಕೆಲವು ರಾಜಕಾರಣಿಗಳು ಯುವಕರನ್ನು ಪ್ರಚೋದಿಸಿ ಬೀದಿಗಳಲ್ಲಿ ಹಿಂಸಾಚಾರ ನಡೆಸಲು ಒಪ್ಪಂದ ಮಾಡಿಕೊಂಡಿದ್ದರು. ಆದರೆ ಈ ಪಿತೂರಿಯನ್ನು ರೂಪಿಸಿದವರು ಭಾರತ ಬಾಂಗ್ಲಾದೇಶ ಅಥವಾ ಫ್ರಾನ್ಸ್ ಅಲ್ಲ ಎಂಬುದನ್ನು ಮರೆತಿದ್ದರು. ಭಾರತದಲ್ಲಿ ಆಡಳಿತ ಬದಲಾವಣೆ ಖಂಡಿತವಾಗಿಯೂ ಸಾಧ್ಯ. ಆದರೆ ಅದು ಕೇವಲ ಚುನಾವಣೆಗಳ ಮೂಲಕವೇ ಹೊರತು, ಸೊರೊಸ್ ಅವರ ಮೂಲಕ ಅಲ್ಲ ಎಂದು ಕುಟುಕಿದ್ದಾರೆ.
