ಹೈದರಾಬಾದ್‌: ಮತದಾರರ ಪಟ್ಟಿಯಿಂದ ಲಕ್ಷಾಂತರ ಜನರ ಹೆಸರುಗಳು ಏಕಾಏಕಿ ನಾಪತ್ತೆಯಾಗುತ್ತಿರುವ ವರದಿಗಳ ಬೆನ್ನಲ್ಲೇ, ಸುಪ್ರೀಂ ಕೋರ್ಟ್‌ನ ಹಿರಿಯ ನ್ಯಾಯಮೂರ್ತಿ ಉಜ್ಜಲ್ ಭುಯಾನ್ ನೀಡಿರುವ ಖಡಕ್ ಎಚ್ಚರಿಕೆ ಈಗ ದೇಶಾದ್ಯಂತ ಭಾರೀ ಚರ್ಚೆಗೆ ಗ್ರಾಸವಾಗಿದೆ.
ಹೈದರಾಬಾದ್‌ನ NALSAR ಮೂಟ್ ಕೋರ್ಟ್ ಸಮಾರೋಪ ಸಮಾರಂಭದಲ್ಲಿ ಮಾತನಾಡಿದ ಜಸ್ಟೀಸ್ ಉಜ್ಜಲ್ ಭುಯಾನ್, ಕೇವಲ ಸಾಂವಿಧಾನಿಕ ವಿಚಾರಗಳನ್ನಷ್ಟೇ ಅಲ್ಲ, ನೇರವಾಗಿ ಜನಸಾಮಾನ್ಯರ ಧ್ವನಿಯಾಗಿ ಸರ್ಕಾರದ ಗಮನ ಸೆಳೆದಿದ್ದಾರೆ. "ಮತದಾನದ ಹಕ್ಕನ್ನು ಕಸಿದುಕೊಳ್ಳುವುದು ಅಂದರೆ ಮನುಷ್ಯನ ಶರೀರದಿಂದ ಆತ್ಮವನ್ನೇ ಹೊರತೆಗೆದಂತೆ" ಎಂದು ಅವರು ಬಣ್ಣಿಸಿರುವುದು ಪ್ರತಿಯೊಬ್ಬರ ಹುಬ್ಬೇರಿಸುವಂತೆ ಮಾಡಿದೆ.
