ಅಭಿಜಿತ್ ದೀಪ್ಕೆ ಕಿಡಿ
'ತಿರಂಗ ಧ್ವಜದೊಂದಿಗೆ ನಮ್ಮ ಕಾಕ್ರೋಚ್ ಜನತಾ ಪಾರ್ಟಿ ಜಂತರ್ ಮಂತರ್ಗೆ ನುಗ್ಗಲು ಯತ್ನಿಸಿತು. ಅವರನ್ನು ದೆಹಲಿ ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ. ಸೌರವ್ ದಾಸ್, ಆಶುತೋಷ್ ರಂಕಾ ಹಾಗೂ ಅಜಿಂಕ್ಯಾ ಹಾಗೂ ಇತರ ತಂಡದ ಸದಸ್ಯರನ್ನು ವಶಕ್ಕೆ ತೆಗೆದುಕೊಳ್ಳಲಾಗಿದೆ. ನೀವು 'ಪ್ರತಿರೋಧದ ವಿರುದ್ಧದ ಹೋರಾಟವನ್ನು ರದ್ದು ಮಾಡಲು ಸಾಧ್ಯವಿಲ್ಲ' ಎಂದು ಅಭಿಜಿತ್ ದೀಪ್ಕೆ ಅವರು ತಮ್ಮ ಎಕ್ಸ್ ಖಾತೆಯಲ್ಲಿ ಪೋಸ್ಟ್ ಹಂಚಿಕೊಂಡಿದ್ದಾರೆ.
ಪೊಲೀಸರು ವಶಕ್ಕೆ ಪಡೆದುಕೊಳ್ಳುವ ಮುನ್ನ ಅಶುತೋಷ್ ರಂಕಾ ಅವರು ತಾವು ಮತ್ತು ಸೌರಭ್ ದಾಸ್ ಗೇಟ್ ಹಾರುತ್ತಿರುವ ವೀಡಿಯೊವನ್ನು 'ಎಕ್ಸ್' ತಾಣದಲ್ಲಿ ಹಂಚಿಕೊಂಡು "Hands Off Jantar Mantar!"ಎಂದು ಬರೆದುಕೊಂಡಿದ್ದಾರೆ. ಜಂತರ್ ಮಂತರ್ ಮರುಪಡೆದುಕೊಂಡಿದ್ದೇವೆ! ಇದು ಯುವ ಪೀಳಿಗೆಗೆ ಸಂದೇಶ" ಎಂದು ಸೌರಭ್ ದಾಸ್ ಸಾಮಾಜಿಕ ಜಾಲತಾಣದಲ್ಲಿ ಬರೆದುಕೊಂಡಿದ್ದರು.
ಜಂತರ್ ಮಂತರ್ ನಿಷೇಧದ ಹಿನ್ನೆಲೆ ಏನು?
ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ಅವರ ವಿರುದ್ಧ SIR ಪ್ರಕ್ರಿಯೆಯಲ್ಲಿ ಅಕ್ರಮ ಆರೋಪ ಹೊರೆಸಿ ಪಕ್ಷವು ಜಂತರ್ ಮಂತರ್ನಲ್ಲಿ ಶಾಂತಿಯುತ ಪ್ರತಿಭಟನೆ ನಡೆಸಲು ಸಿದ್ಧತೆ ನಡೆಸಿತ್ತು. ಆದರೆ, ಈ ಪ್ರತಿಭಟನೆಗೆ ಮೊದಲು ದೆಹಲಿ ಪೊಲೀಸರು ಅನುಮತಿ ಕೊಟ್ಟಿಲ್ಲ. ಆನಂತರ ಜಂತರ್ ಮಂತರ್ ಅನ್ನು ಅಧಿಕೃತ ಪ್ರತಿಭಟನಾ ಸ್ಥಳದ ಪಟ್ಟಿಯಿಂದ ಕೈಬಿಟ್ಟು ಆದೇಶ ಹೊರಡಿಸಿದರು. ಪ್ರತಿಭಟನೆಗೆ ಪರ್ಯಾಯ ಸ್ಥಳವನ್ನು ಸೂಚಿಸಿದರು, ರಾಮಲೀಲಾ, ಬುರಾರಿ ಮೈದಾನ, ಸಿಬಿಡಿ ಮೈದಾನದಲ್ಲಿ ಪ್ರತಿಭಟನೆ ನಡೆಸಬೇಕು ಎಂದು ಆದೇಶ ಹೊರಡಿಸಿದೆ.
ಎಫ್ಐಆರ್ ಸಾಧ್ಯತೆ
ನಿಷೇಧಿತ ಪ್ರದೇಶದೊಳಗೆ ಅಕ್ರಮವಾಗಿ ಪ್ರವೇಶಿಸಿದ ಕಾರಣ ಸೌರಭ್ ದಾಸ್, ಅಶುತೋಷ್ ರಂಕಾ ಮತ್ತು ಸಿಜೆಪಿ ಕಾರ್ಯಕರ್ತ ಅಜಿಂಕ್ಯ ಶಿಂಡೆ ಅವರನ್ನು ಪೊಲೀಸರು ತಕ್ಷಣವೇ ವಶಕ್ಕೆ ಪಡೆದಿದ್ದು, ಈ ಸಂಬಂಧ ಎಫ್ಐಆರ್ ದಾಖಲಿಸುವ ಸಾಧ್ಯತೆಯಿದೆ, (ಏಜೆನ್ಸೀಸ್).
