Pranavi Urs: ಜಪಾನ್ಲ್ಲಿ ನಡೆಯುತ್ತಿರುವ ಏಷ್ಯನ್ ಕ್ರೀಡಾಕೂಟದಲ್ಲಿ ಭಾರತದ ಪದಕಗಳ ಬೇಟೆ ಮುಂದುವರಿದಿದ್ದು, ಶನಿವಾರ(ಅ. 03) ನಡೆದ ಗಾಲ್ಫ್ನ ಅಂತಿಮ ಸುತ್ತಿನಲ್ಲಿ ಒಂದು ಸ್ಟ್ರೋಕ್ ಮುನ್ನಡೆ ಸಾಧಿಸುವ ಮೂಲಕ ಪ್ರಣವಿ ಅರಸ್ ಇತಿಹಾಸ ಸೃಷ್ಟಿಸಿದ್ದು, ಚಿನ್ನದ ಪದಕ ಗೆದ್ದ ಮೊದಲ ಭಾರತೀಯ ಮಹಿಳಾ ಗಾಲ್ಫರ್ ಎಂಬ ಹೆಗ್ಗಳಿಕೆಗೆ ಪಾತ್ರರಾಗಿದ್ದಾರೆ. ಮತ್ತು ಭಾರತ ತಂಡ ಬೆಳ್ಳಿ ಪದಕ ಗೆಲ್ಲುವಲ್ಲಿ ಪ್ರಮುಖ ಪಾತ್ರ ವಹಿಸಿದರು.
ಮೈಸೂರಿನ 23 ವರ್ಷದ ಪ್ರಣವಿ, ಮೂರನೇ ಹೋಲ್‌ನಲ್ಲಿ ಎದುರಾದ 'ಟ್ರಿಪಲ್ ಬೋಗಿ'ಯ ಆಘಾತದಿಂದ ಚೇತರಿಸಿಕೊಂಡು, ಮೂರು 'ಬರ್ಡಿ'ಗಳನ್ನು ಗಳಿಸಿದರು. ಅಂತಿಮ ಸುತ್ತಿನಲ್ಲಿ 'ಈವನ್-ಪಾರ್ 70' ಸ್ಕೋರ್ ದಾಖಲಿಸಿದ ಅವರು, ನಾಲ್ಕು ದಿನಗಳ ಒಟ್ಟು ಆಟದಲ್ಲಿ '15-ಅಂಡರ್ 265' ಅಂಕಗಳೊಂದಿಗೆ ಸ್ಪರ್ಧಿಗಳಿಗಿಂತ ಒಂದು ಸ್ಟ್ರೋಕ್ ಮುಂದಿದ್ದು ಅಗ್ರಸ್ಥಾನ ಪಡೆದರು.
