ಅಮರಾವತಿ ಆಸ್ಪತ್ರೆ ಅಗ್ನಿ ದುರಂತ: ನವಜಾತ ಶಿಶುಗಳ ವಾರ್ಡ್​ಗೆ ಬೆಂಕಿ; 3 ಕಂದಮ್ಮಗಳ ದಾರುಣ ಸಾವು! Amravati Hospital Tragedy

ಅಮರಾವತಿ: ಮಹಾರಾಷ್ಟ್ರದ ಅಮರಾವತಿಯಲ್ಲಿರುವ ಜಿಲ್ಲಾ ಮಹಿಳೆಯರ ಆಸ್ಪತ್ರೆ (Amravati Hospital Tragedy) ಯ ನವಜಾತ ಶಿಶುಗಳ ತೀವ್ರ ನಿಗಾ ಘಟಕದಲ್ಲಿ ಬೆಂಕಿ ಅವಗಢ ಸಂಭವಿಸಿದ ಹಿನ್ನಲೆ ಮೂವರು ನವಜಾತ ಶಿಶುಗಳು ದುರ್ಮರಣ ಹೊಂದಿದ ಘಟನೆ ವರದಿಯಾಗಿದೆ.

ಮಾಹಿತಿ ಪ್ರಕಾರ, ಮೂರನೇ ಮಹಡಿಯಲ್ಲಿದ್ದ ವೆಂಟಿಲೇಟರ್​ ಸ್ಪೋಟಗೊಂಡ ಪರಿಣಾಮ ಬೆಂಕಿ ಕಾಣಿಸಿಕೊಂಡಿದೆ ಎಂದು ಪ್ರಾಥಮಿಕ ವರದಿಗಳು ತಿಳಿಸುತ್ತಿದ್ದು, ತನಿಖೆ ನಂತರ ಸಂಪೂರ್ಣ ಚಿತ್ರಣ ತಿಳಿದು ಬರಲಿದೆ.

ಈ ಅನಾಹುತವು ಬೆಳಗ್ಗಿನ ಜಾವ 3.30 ರ ಸಮಯಕ್ಕೆ ನಡೆದಿದ್ದು, ನವಜಾತ ಶಿಶುಗಳಿದ್ದ ಕೊಠಡಿಗೆ ಬೆಂಕಿ ತಲುಪಿದೆ. ಈ ವಾರ್ಡ್​ನಲ್ಲಿ ಒಟ್ಟು 39 ಶಿಶುಗಳು ಚಿಕಿತ್ಸೆ ಪಡೆಯುತ್ತಿದ್ದು, ಇದರಲ್ಲಿ ಮೂರು ಶಿಶುಗಳು ಸಾವಿಗೀಡಾಗಿವೆ ಹಾಗೂ ಆರು ಶಿಶುಗಳು ಗಂಭೀರವಾಗಿ ಗಾಯಗೊಂಡಿದ್ದು, ಚಿಕಿತ್ಸೆ ಮುಂದುವರಿದಿದೆ ಎಂದು ಆಸ್ಪತ್ರೆ ಸಿಬ್ಬಂದಿ ಮಾಹಿತಿ ನೀಡಿದ್ದಾರೆ.

ಈ ದುರ್ಘಟನೆ ನಡೆದ ಬೆನ್ನಲೆ ಆಸ್ಪತ್ರೆ ಆಡಳಿತ ಸಿಬ್ಬಂದಿಗಳು ತನಿಖೆ ನಡೆಸುತ್ತಿದ್ದು, ಬೆಂಕಿ ಅವಗಢಕ್ಕೆ ಕಾರಣವೇನು? ವೆಂಟಿಲೇಟರ್​ ಎಕೆ ಸ್ಪೋಟಗೊಂಡಿತು? ಬೆಂಕಿ ಕಾಣಿಸಿಕೊಂಡಾಗ, ಅಗ್ನಿ ನಿರೋಧಕಗಳು ಸರಿಯಾಗಿ ಕೆಲಸ ಮಾಡಿಲ್ಲವೇ? ಮೂರು ಮಕ್ಕಳನ್ನು ಉಳಿಸುವಲ್ಲಿ ವಿಫಲವಾಗಿದ್ದು ಏಕೆ? ಎಂಬೆಲ್ಲಾ ಪ್ರಶ್ನೆಗಳಿಗೆ ಉತ್ತರವನ್ನು ಕಂಡುಕೊಳ್ಳಲು ತಜ್ಞರ ತಂಡ ರಚನೆಯಾಗಿದ್ದು, ಆದಷ್ಟು ಬೇಗ ವರದಿ ಸಲ್ಲಿಕೆಯಾಗಿ ಉತ್ತರ ದೊರೆಯಲಿದೆ ಎಂದು ಹೇಳಬಹುದಾಗಿದೆ, (ಏಜನ್ಸೀಸ್​).