ಮುಂಬೈ: ದೇಶದಲ್ಲಿ ಕೇಂದ್ರ ಚುನಾವಣಾ ಆಯೋಗ ನಡೆಸುತ್ತಿರುವ ಮತದಾರರ ವಿಶೇಷ ಪರಿಷ್ಕರಣೆ (SIR) ನೀತಿಯನ್ನು ಕೂಡಲೇ ಕೈಬಿಡುವಂತೆ ಹಾಗೂ ಮುಖ್ಯ ಚುನಾವಣಾ ಆಯುಕ್ತ ಜ್ಞಾನೇಶ್ ಕುಮಾರ್ ತಮ್ಮ ಸ್ಥಾನಕ್ಕೆ ರಾಜೀನಾಮೆ ಸಲ್ಲಿಸಬೇಕೆಂಬ ಆಗ್ರಹವನ್ನು ಮುಂದಿಟ್ಟುಕೊಂಡು, ಶನಿವಾರ (ಅ.10) ಕಾಕ್ರೋಚ್ ಜನತಾ ಪಾರ್ಟಿ (CJP) ದೆಹಲಿಯ ಜಂತರ್-ಮಂತರ್ನಲ್ಲಿ ಬೃಹತ್ ಪ್ರತಿಭಟನೆ ನಡೆಸಲು ಮುಂದಾಗಿದೆ.
ಆದರೆ, ಈ ಪ್ರತಿಭಟನೆ ಬೆನ್ನಲ್ಲೆ ಕಾಕ್ರೋಚ್ ಪಾರ್ಟಿ ಸ್ಥಾಪಕ ಅಭಿಜಿತ್ ದಿಪ್ಕೆ ಅವರ ಅಜ್ಜಿ ಸಾವಿತ್ರಿಭಾಯ್ ಶಂಕರ್ ದಿಪ್ಕೆ ನಿಧನರಾಗಿದ್ದಾರೆಂಬ ಸುದ್ದಿ ವರದಿಯಾಗಿದೆ. ಮಹಾರಾಷ್ಟ್ರದ ಹಿಂಗೋಳಿ ಜಿಲ್ಲೆಯ ಶಾಂತುಕ್ ಪಿಂಪ್ರಿಯಲ್ಲಿ ವಾಸವಿದ್ದ ಸಾವಿತ್ರಿಭಾಯಿ ವಯೋಸಹಜ ಕಾಯಿಲೆಯಿಂದ ಸಾವಿಗೀಡಾಗಿದ್ದಾರೆಂದು ತಿಳಿದು ಬಂದಿದೆ.
ಪ್ರಸ್ತುತ ಅಭಿಜಿತ್ ದಿಪ್ಕೆ ದೆಹಲಿ ಪೊಲೀಸರ ವಶದಲ್ಲಿದ್ದು, ಈಗ, ತಮ್ಮ ಅಜ್ಜಿಯ ಶವವನ್ನು ನೋಡಲು, ಮುಂಬೈಗೆ ಮರಳಲಿದ್ದಾರಾ? ಅಥವಾ ದೆಹಲಿಯಲ್ಲಿ ಪ್ರತಿಭಟನೆ ಮುಂದುವರಿಸಲಿದ್ದಾರಾ? ಎನ್ನುವುದು ಮಿಲಿಯನ್ ಡಾಲರ್ ಪ್ರಶ್ನೆಯಾಗಿ ಕಾಡುತ್ತಿದೆ. ಸಾವಿತ್ರಿಭಾಯಿ ಅವರ ನಿಧನವಾರ್ತೆ ತಲುಪುತ್ತಲೇ, ಮುಂಬೈನಲ್ಲಿರುವ ಅಭಿಜಿತ್ ಅವರ ತಂದೆ, ಭಗವಾನ್ ದಿಪ್ಕೆ ಹಾಗು ತಾಯಿ ಅನಿತಾ ದಿಪ್ಕೆ, ತಮ್ಮ ಮೂಲ ಗ್ರಾಮವಾದ ಶಾಂತುಕ್ ಪಿಂಪ್ರಿಗೆ ತೆರಳಿದ್ದಾರೆಂದು ಹೇಳಲಾಗುತ್ತಿದೆ.
