ಗುರುವಾರ(ಅ. 08) ಅಮೆರಿಕಾದ ಕಾರ್ಮಿಕ ಇಲಾಖೆ, ವಿದೇಶಿ ಉದ್ಯೋಗಿಗಳಿಗೆ ಶಾಶ್ವತ ನಿವಾಸಿ ಸ್ಥಾನಮಾನ ನೀಡುವ ಗ್ರೀನ್ ಕಾರ್ಡ್ ಯೋಜನೆಯಿಂದ ಇನ್ಫೋಸಿಸ್, ಟಾಟಾ ಕನ್ಸಲ್ಟೆನ್ಸಿ ಸರ್ವಿಸಸ್ (TCS), ವಿಪ್ರೋ ಮತ್ತು ಎಚ್ಸಿಎಲ್ (HCL) ಸೇರಿದಂತೆ ಎಂಟು ಪ್ರಮುಖ ಭಾರತೀಯ ಐಟಿ ಕಂಪನಿಗಳನ್ನು ಅಮಾನತುಗೊಳಿಸಿದೆ. ಮತ್ತು ಈ ಕ್ರಮ ಭಾರತೀಯ ಟೆಕ್ಕಿಗಳಿಗೆ ಪರಿಣಾಮದ ಆತಂಕವನ್ನು ಮೂಡಿಸಿದೆ.
ಈ ಹಿನ್ನೆಲೆ ತಮ್ಮ ಎಕ್ಸ್ನಲ್ಲಿ ಪೋಸ್ಟ್ ಹಾಕಿರುವ ಶ್ರೀಧರ್ ವೆಂಬು, ಅಮೆರಿಕದ ತಾಂತ್ರಿಕ ಅಭಿವೃದ್ಧಿಗೆ ಭಾರತೀಯರು ಅಪಾರ ಕೊಡುಗೆ ನೀಡಿದ್ದಾರೆ. ಆದರೂ, ಅಮೆರಿಕದ ಒಂದು ದೊಡ್ಡ ವರ್ಗಕ್ಕೆ ಈಗ ನಾವು ಅಲ್ಲಿರುವುದು ಇಷ್ಟವಿಲ್ಲ ಎಂದು ಪ್ರತಿಪಾದಿಸಿದ್ದಾರೆ.
ಅಮೆರಿಕದಲ್ಲಿ ವೀಸಾದ ಮೇಲೆ ನೆಲೆಸಿರುವ ಭಾರತೀಯರು, ತಾವು ಕಷ್ಟಪಟ್ಟು ಕಟ್ಟಿಕೊಂಡ ಜೀವನವನ್ನು ಇದ್ದಕ್ಕಿದ್ದಂತೆ ಸ್ವದೇಶಕ್ಕೆ ಮರಳಬೇಕಾದ ನೋವಿನ ಪರಿಸ್ಥಿತಿಯನ್ನು ಎದುರಿಸುತ್ತಿದ್ದಾರೆ. ಇದು ಒಂದು ಧೈರ್ಯಶಾಲಿ ಹಾಗೂ ಹೊಸ ಭವಿಷ್ಯದ ಉದಯದ ನೋವು ಎಂದು ಭಾವಿಸೋಣ. ವಾಪಸ್ ಬನ್ನಿ, ನಾವೆಲ್ಲರೂ ಸೇರಿ ಭಾರತವನ್ನು ಕಟ್ಟೋಣ ಎಂದು ಕರೆ ನೀಡಿದ್ದಾರೆ.
