ಬೆಂಗಳೂರು: (Mandatory to list cancer drug price, brand, and batch number on bills) ಕ್ಯಾನ್ಸರ್ ಚಿಕಿತ್ಸೆ ಪಡೆಯುವ ರೋಗಿಗಳಿಂದ ಬೇಕಾಬಿಟ್ಟಿ ಹಣ ಸುಲಿಗೆ ಮಾಡುವುದಕ್ಕೆ ಕಡಿವಾಣ ಹಾಕುವ ಉದ್ದೇಶದಿಂದ ಇನ್ನೂಮುಂದೆ ಆಸ್ಪತ್ರೆಗಳ ಬಿಲ್ನಲ್ಲಿ ಔಷಧ ಹೆಸರು, ಔಷಧ ಖರೀದಿ ಬೆಲೆ, ಬ್ರಾಂಡ್, ಬ್ಯಾಚ್ ಸಂಖ್ಯೆ, ತಯಾರಿಕೆ ದಿನಾಂಕ ಮತ್ತು ಬಳಕೆ ಅವಧಿಯ ದಿನಾಂಕವನ್ನು ಕಡ್ಡಾಯವಾಗಿ ನಮೂದಿಸಬೇಕೆಂದು ಸಚಿವ ಯು.ಟಿ.ಖಾದರ್ ಹೇಳಿದ್ದಾರೆ.
ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಸಚಿವರು, ರೋಗಿಗಳಿಗೆ ವಿಧಿಸುವ ಔಷಧ ದರವು ಎಂಆರ್‌ಪಿ ದರ ಮೀರಬಾರದು. ಆಸ್ಪತ್ರೆ ಬಿಲ್ನಲ್ಲಿ ಔಷಧಗಳ ಖರೀದಿಯ ಬೆಲೆ ನಮೂದಿಸಬೇಕು. ರಾಜ್ಯದಲ್ಲಿ ನ.1ರಿಂದ ಇದು ಜಾರಿಗೆ ಬರಲಿದೆ. ಎಲ್ಲ ಸರ್ಕಾರಿ, ಖಾಸಗಿ ಮತ್ತು ಟ್ರಸ್ಟ್ ಆಸ್ಪತ್ರೆಗಳಿಗೆ ಅನ್ವಯವಾಗಲಿದೆ. ಆ ಮೂಲಕ ಆಸ್ಪತ್ರೆಗಳಲ್ಲಿ ಔಷಧ, ವೈದ್ಯಕೀಯ ಉಪಕರಣಗಳ ಬಿಲ್ಲಿಂಗ್‌ನಲ್ಲಿ ಪಾರದರ್ಶಕತೆ ತರಲು ಸಾಧ್ಯವಾಗಲಿದೆ ಎಂದರು.
