ಸಾಯಿಸಲು ಹೋದವ ತಾನೇ ಸಾವಿಗೀಡಾದ; ಐದು ನಾಯಿಗಳ ಸಹಿತ ಬೇಟೆಗಾರನ ಸಾವು..

ತಮಿಳುನಾಡು: ಇದು ಸಾಯಿಸಲು ಹೋದವ ತಾನೇ ಸಾವಿಗೀಡಾದಂಥ ಪ್ರಕರಣ. ಇದರಲ್ಲಿ ಆತನಿಗೆ ಜೊತೆಯಾಗಿ ಹೋಗಿದ್ದ 5 ನಾಯಿಗಳೂ ಪ್ರಾಣ ಕಳೆದುಕೊಂಡಿವೆ. ತಮಿಳುನಾಡಿನ ಮಧುರೈ ಜಿಲ್ಲೆಯಲ್ಲಿ ಇಂಥದ್ದೊಂದು ಪ್ರಕರಣ ನಡೆದಿದೆ. ಬೇಟೆಗೆಂದು ಹೋಗಿದ್ದವ ತನ್ನ ಐದು ನಾಯಿಗಳೊಂದಿಗೆ ಸಾವಿಗೀಡಾಗಿದ್ದಾನೆ.

ಮಣಿಕ್ಕಂ (35) ಸಾವಿಗೀಡಾದ ಬೇಟೆಗಾರ. ಈತ ತನ್ನ ಕುಪ್ಪುಸ್ವಾಮಿ (29), ಆರ್. ಮನೋಜ್​ (27) ಎಂಬವರೊಂದಿಗೆ ಬೇಟೆಗೆ ಹೋಗಿದ್ದಾಗ ಈ ಘಟನೆ ನಡೆದಿದೆ. ಮಧುರೈ ಜಿಲ್ಲೆಯ ಅರಂಗನಲ್ಲೂರು ಎಂಬಲ್ಲಿ ಈ ದುರಂತ ಸಂಭವಿಸಿದೆ.

ಈ ಮೂವರು ಭಾನುವಾರ ಮೊಲಗಳನ್ನು ಬೇಟೆಯಾಡಲೆಂದು ಐದು ನಾಯಿಗಳೊಂದಿಗೆ ಹೋಗಿದ್ದರು. ಆದರೆ ಹೊಲವೊಂದರ ಸುತ್ತ ಹಾಕಿದ್ದ ವಿದ್ಯುತ್ ತಂತಿಯ ಬೇಲಿಯಿಂದ ವಿದ್ಯುತ್ ಸ್ಪರ್ಶಕ್ಕೆ ಒಳಗಾಗಿ ಪ್ರಾಣ ಕಳೆದುಕೊಂಡಿದ್ದಾರೆ.

ಪ್ರಕರಣಕ್ಕೆ ಸಂಬಂಧಿಸಿದಂತೆ ಅಕ್ರಮವಾಗಿ ವಿದ್ಯುತ್​ ಬೇಲಿ ಹಾಕಿದ್ದ ಹೊಲದ ಮಾಲೀಕ ಅಶೋಕ್ ಕುಮಾರ್ ಎಂಬಾತನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಮಣಿಕ್ಕಂ ಆಗಾಗ ಸ್ನೇಹಿತರೊಂದಿಗೆ ಬೇಟೆಗೆ ಹೋಗುತ್ತಿದ್ದುದು ಬೆಳಕಿಗೆ ಬಂದಿದ್ದು, ಈ ಸಲ ಅಕ್ರಮ ವಿದ್ಯುತ್ ಬೇಲಿಗೆ ಬಲಿಯಾಗಿದ್ದಾನೆ.

https://www.vijayavani.net/25-hindu-activists-will-contest-in-next-elections-muthalik-said/

https://www.vijayavani.net/horrible-accident-the-bus-with-more-than-30-passengers-overturned/

https://www.vijayavani.net/one-who-went-to-bring-mutton-did-not-return-horrible-accident/