ಚಹಾ ಕುಡಿಯುವಾಗ ಯಾಕೆ ಹೀಗೆ?
ದಿನವಿಡೀ ಕೆಲಸದ ಒತ್ತಡದಲ್ಲಿದ್ದಾಗ ನಮ್ಮ ಗಮನ ಬೇರೆ ಬೇರೆ ಕೆಲಸಗಳ ಮೇಲಿರುತ್ತೆ. ಆದರೆ ಚಹಾ ಅಥವಾ ಊಟದ ಸಮಯದಲ್ಲಿ ಸಿಗೋ ಸಣ್ಣ ಬ್ರೇಕ್‌ನಿಂದ ಮನಸ್ಸಿಗೆ ಸ್ವಲ್ಪ ರಿಲ್ಯಾಕ್ಸ್ ಆಗೋ ಅವಕಾಶ ಸಿಗುತ್ತೆ. ಚಹಾದ ರುಚಿ, ಸುವಾಸನೆ ಮತ್ತು ಬಿಸಿಯ ಅನುಭವ ಕೂಡ ವಿಶ್ರಾಂತಿಯ ಭಾವನೆ ಮೂಡಿಸಬಹುದು. ಈ ವೇಳೆ ಹೊರಗಿನ ಕೆಲಸದ ಮೇಲಿನ ಗಮನ ಕಡಿಮೆಯಾಗಿ, ಮನಸ್ಸು ತನ್ನದೇ ಆದ ಆಲೋಚನೆಗಳಲ್ಲಿ ಮುಳುಗಬಹುದು.
ಬಾಕಿ ಉಳಿದ ವಿಚಾರಗಳೂ ನೆನಪಿಗೆ ಬರುತ್ತವೆ
ಕೆಲವೊಮ್ಮೆ ಮನಸ್ಸಿನಲ್ಲಿ ಬಾಕಿ ಉಳಿದಿರುವ ಸಮಸ್ಯೆಗಳು, ಆತಂಕಗಳು ಅಥವಾ ಮಾಡಬೇಕಿರುವ ಕೆಲಸಗಳು ಇಂಥ ಸಮಯದಲ್ಲೇ ಮತ್ತೆ ನೆನಪಿಗೆ ಬರುತ್ತವೆ. ದಿನದ ಗಡಿಬಿಡಿಯಲ್ಲಿ ಗಮನಕ್ಕೆ ಬರದ ವಿಚಾರಗಳೂ ಚಹಾ ಅಥವಾ ಊಟದ ವೇಳೆ ತಲೆಯಲ್ಲಿ ಓಡಾಡಬಹುದು. ಆದ್ರೆ ‘ಮೈಂಡ್ ವಾಂಡರಿಂಗ್’ ಯಾವಾಗಲೂ ಕೆಟ್ಟದ್ದೇನಲ್ಲ. ಇದೇ ವೇಳೆ ಕೆಲವರಿಗೆ ಹೊಸ ಐಡಿಯಾಗಳು ಹೊಳೆಯಬಹುದು, ಬರವಣಿಗೆಗೆ ಹೊಸ ಕಲ್ಪನೆ ಸಿಗಬಹುದು ಅಥವಾ ಯಾವುದಾದರೂ ಸಮಸ್ಯೆಗೆ ಪರಿಹಾರವೂ ಹೊಳೆಯಬಹುದು.
ಇದನ್ನೂ ಓದಿ: ‘ದೀದಿ, ಚಿಕ್ಕ ತಮ್ಮನಿಗಾಗಿ ಇಷ್ಟೂ ಮಾಡಲ್ವಾ?’; ಮಹಿಳಾ ಪೊಲೀಸ್ ಮುಂದೆ ಪತ್ರಕರ್ತನ ಕ್ಯೂಟ್ ರಿಕ್ವೆಸ್ಟ್ | Delhi SIR Protest
ಇದು ಸಾಮಾನ್ಯ ಅನುಭವವೇ?
ಹೌದು. ಚಹಾ ಕುಡಿಯುವಾಗ ಅಥವಾ ಊಟ ಮಾಡುವಾಗ ಕೆಲಕಾಲ ಸುತ್ತಮುತ್ತಲನ್ನೇ ಮರೆತು ಯೋಚನೆಯಲ್ಲಿ ಮುಳುಗೋದು ಸಾಮಾನ್ಯ. ಆ ಸಮಯದಲ್ಲಿ ಮನಸ್ಸು ಒಂದೇ ವಿಚಾರದ ಮೇಲೆ ಕೇಂದ್ರೀಕರಿಸದೆ, ಹಳೆಯ ನೆನಪುಗಳು, ಕಲ್ಪನೆಗಳು, ವೈಯಕ್ತಿಕ ವಿಚಾರಗಳು ಹಾಗೂ ಭವಿಷ್ಯದ ಪ್ಲ್ಯಾನ್‌ಗಳ ನಡುವೆ ಓಡಾಡುತ್ತಿರುತ್ತೆ. ಹೀಗಾಗಿ ಚಹಾ ಕಪ್ ಕೈಯಲ್ಲಿದ್ದಾಗ ಲೋಕವನ್ನೇ ಮರೆತು ಯೋಚನೆಯಲ್ಲಿ ಮುಳುಗೋದು ಕೂಡ ಮೆದುಳಿನ ಸಹಜ ಕಾರ್ಯವೈಖರಿಯ ಒಂದು ಭಾಗವೇ ಆಗಿರಬಹುದು.
