Punjab LPU: ಪಂಜಾಬ್ನ ಫಗ್ವಾರಾದಲ್ಲಿರುವ ಲವ್ಲಿ ಪ್ರೊಫೆಷನಲ್ ಯೂನಿವರ್ಸಿಟಿ (LPU)ಯಲ್ಲಿ ವಾರಾಂತ್ಯದ ಹಿಂಸಾಚಾರದ ಬಳಿಕ ಅಶಾಂತಿ ಮುಂದುವರಿದಿದೆ. ಈ ನಡುವೆ ಕಾಕ್ರೋಚ್ ಜನತಾ ಪಾರ್ಟಿಯ ಸಂಸ್ಥಾಪಕ ಅಭಿಜೀತ್ ದೀಪ್ಕೆ, ಮಹಿಳಾ ವಿದ್ಯಾರ್ಥಿನಿಯರ ಸುರಕ್ಷತೆ ಬಗ್ಗೆ ಕಳವಳ ವ್ಯಕ್ತಪಡಿಸಿದ್ದಾರೆ.
ಎಕ್ಸ್ನಲ್ಲಿ ಪೋಸ್ಟ್ ಮಾಡಿರುವ ಅವರು, ಬಾಲಕಿಯರ ಹಾಸ್ಟೆಲ್ಗೆ ಶಸ್ತ್ರಸಜ್ಜಿತ ಹೊರಗಿನವರು ಪ್ರವೇಶಿಸಿದ್ದಾರೆ ಎಂದು ಆರೋಪಿಸಿರುವ ವಿದ್ಯಾರ್ಥಿನಿಯ ವಿಡಿಯೊ ಹಂಚಿಕೊಂಡಿದ್ದಾರೆ. ಭದ್ರತೆ ದೃಷ್ಟಿಯಿಂದ ವಿದ್ಯಾರ್ಥಿನಿಯರು ಕೊಠಡಿಗಳಲ್ಲೇ ಇರುವಂತೆ ಸೂಚಿಸಲಾಗಿದೆ ಎಂದು ಆಕೆ ಹೇಳಿದ್ದಾಳೆ.
ಸುರಕ್ಷತೆಗಾಗಿ ಹೋರಾಡುವ ಸ್ಥಿತಿ ಬರಬಾರದು
ಮಹಿಳೆಯರು ತಮ್ಮ ಮೂಲಭೂತ ಸುರಕ್ಷತೆಗಾಗಿ ಪ್ರತಿಭಟನೆ ಅಥವಾ ಹೋರಾಟ ಮಾಡಬೇಕಾದ ಪರಿಸ್ಥಿತಿ ಬರಬಾರದು ಎಂದು ದೀಪ್ಕೆ ಹೇಳಿದ್ದಾರೆ. ‘ತಮ್ಮದೇ ಹಾಸ್ಟೆಲ್ನಲ್ಲೂ ಸುರಕ್ಷತೆ ಇಲ್ಲ ಎಂಬ ಭಾವನೆ ಮೂಡಿದರೆ, ಅದು ಗಂಭೀರ ಸಮಸ್ಯೆ’ ಎಂದು ಅವರು ಎಕ್ಸ್ನಲ್ಲಿ ಬರೆದಿದ್ದಾರೆ.ಮಹಿಳಾ ಸುರಕ್ಷತೆ
