ಮಕ್ಕಳ ಪುಸ್ತಕವನ್ನೂ ಬರೆಯಲಾಗದ ವ್ಯಕ್ತಿಯೊಬ್ಬರು ತಮಗೆ ಪುಲಿಟ್ಜರ್ ಬೇಕು ಎಂದು ಭಾವಿಸುತ್ತಿದ್ದಾರೆ ಎಂದು ಓರ್ವ ನೆಟ್ಟಿಗ ಕಾಮೆಂಟ್ ಮಾಡಿದ್ದಾರೆ. ಮತ್ತೊಬ್ಬ ಬಳಕೆದಾರ, ಇಂಗ್ಲಿಷ್ ಭಾಷೆಯನ್ನು ಅವರು ಬಂಧಿಯಂತೆ ನಡೆಸಿಕೊಳ್ಳುತ್ತಾರೆ, ಅವರು ಮಾತನಾಡುವ ವಾಕ್ಯಗಳಿಗೆ ಹುಡುಕಾಟ ನಡೆಸಬೇಕಾಗುತ್ತದೆ, ಅಂತಹುದರಲ್ಲಿ ಟ್ರಂಪ್‌ಗೆ ಬರಹಕ್ಕಾಗಿ ಪುಲಿಟ್ಜರ್ ಬೇಕಂತೆ ಎಂದು ಗೇಲಿ ಮಾಡಿದ್ದಾರೆ. ಎಕ್ಸ್ನ ಮತ್ತೊಬ್ಬ ಬಳಕೆದಾರ, ಅವರ ತಲೆಯಲ್ಲಿ ಏನೇನೋ ಓಡುತ್ತಿದೆ, ಮುಜುಗರದಿಂದ ಬಚಾವಾಗಲು ಮಾಡುತ್ತಿರುವ ಈ ಪ್ರಯತ್ನಗಳು ತೀರಾ ಹಾಸ್ಯಾಸ್ಪದವಾಗಿವೆ ಎಂದು ಬರೆದುಕೊಂಡಿದ್ದಾರೆ.
ಈ ವರ್ಷದ ಪುಲಿಟ್ಜರ್ ಪ್ರಶಸ್ತಿ ವಿಜೇತರು ಇವರೇ ನೋಡಿ!
2026ರ ಪುಲಿಟ್ಜರ್ ಪ್ರಶಸ್ತಿ ಪಟ್ಟಿಯಲ್ಲಿ ಟ್ರಂಪ್ ಮತ್ತು ಅವರ ಸರ್ಕಾರದ ನೀತಿಗಳ ಕುರಿತು ಪ್ರಕಟವಾದ ವರದಿಗಳೇ ಮುಂಚೂಣಿಯಲ್ಲಿದ್ದವು. ಫೆಡರಲ್ ಏಜೆನ್ಸಿಗಳಲ್ಲಾದ ಬದಲಾವಣೆಗಳು ಮತ್ತು ಉದ್ಯೋಗ ಕಡಿತದಿಂದ ಸಾಧಾರಣ ಜನರ ಮೇಲಾದ ಪರಿಣಾಮಗಳ ಕುರಿತು ವರದಿ ಮಾಡಿದ ದಿ ವಾಷಿಂಗ್ಟನ್ ಪೋಸ್ಟ್ ಪ್ರಶಸ್ತಿಗೆ ಭಾಜನವಾಗಿದೆ.
ಜ್ಯಾಫ್ರಿ ಎಪ್‌ಸ್ಟೀನ್ ಪ್ರಕರಣದ ತನಿಖಾ ವರದಿಗಾಗಿ ದಿ ವಾಲ್‌ಸ್ಟ್ರೀಟ್ ಜರ್ನಲ್ ಹಾಗೂ ಟ್ರಂಪ್ ಸರ್ಕಾರದ ಸೈನಿಕೀಕೃತ ವಲಸೆ ಕಾರ್ಯಾಚರಣೆಯ ತೀವ್ರತೆಯನ್ನು ಬಿಂಬಿಸಿದ ಚಿಕಾಗೋ ಟ್ರಿಬ್ಯೂನ್ ಪತ್ರಿಕೆಗಳು ಪುಲಿಟ್ಜರ್ ಗೌರವಕ್ಕೆ ಪಾತ್ರವಾಗಿವೆ.
ಟ್ರಂಪ್ ನೋಬೆಲ್ ಕನವರಿಕೆ!
ತಮ್ಮ ಅಧಿಕಾರವಧಿಯಲ್ಲಿ ಜಾಗತಿಕವಾಗಿ ಬರೋಬ್ಬರಿ 8 ಯುದ್ಧಗಳನ್ನು ಯಶಸ್ವಿಯಾಗಿ ಇತ್ಯರ್ಥಪಡಿಸಿದ್ದೇನೆ ಎಂದು ಟ್ರಂಪ್ ಹಲವು ಬಾರಿ ಹೇಳಿಕೊಂಡಿದ್ದು, ಇತಿಹಾಸದಲ್ಲಿ ಬೇರೆ ಯಾವ ಅಮೆರಿಕನ್ ಅಧ್ಯಕ್ಷರೂ ಮಾಡದ ಸಾಧನೆಯನ್ನು ತಾನು ಮಾಡಿದ್ದರಿಂದ ನೋಬೆಲ್ ಪ್ರಶಸ್ತಿಗೆ ತಾವೇ ಅತ್ಯಂತ ಅರ್ಹ ವ್ಯಕ್ತಿ ಎಂದು ಅವರು ತಮ್ಮ ಬೆನ್ನನ್ನು ತಾವೇ ಚಪ್ಪರಿಸಿಕೊಂಡಿದ್ದಾರೆ. (ಏಜೆನ್ಸೀಸ್).
