ವಾರ್ಷಿಕ 2.7 ಕೋಟಿ ರೂ. ಪ್ಯಾಕೇಜ್: ಆದರೂ ಕೆಲಸ ಬಿಟ್ಟಿದ್ದೇಕೆ ಈ ಯುವಕ? ಕಾರಣ ಕೇಳಿದ್ರೆ ದಂಗಾಗ್ತೀರಿ!

ಹೌದು, ಕೇವಲ 22 ವರ್ಷದ ಮಿನ್​​ ಎಂಬ ಯುವಕನೊಬ್ಬ ತಂತ್ರಜ್ಞಾನ ಲೋಕದ ದೈತ್ಯ ಕಂಪನಿಯೊಂದರಲ್ಲಿ (ವರದಿಗಳ ಪ್ರಕಾರ ಹೈ-ಫ್ರೀಕ್ವೆನ್ಸಿ ಟ್ರೇಡಿಂಗ್ ಫರ್ಮ್) ಅತ್ಯಂತ ಆಕರ್ಷಕ ಪ್ಯಾಕೇಜ್‌ನಲ್ಲಿ ಕೆಲಸಕ್ಕೆ ಸೇರಿದ್ದನು. ವಾರ್ಷಿಕ ಸುಮಾರು $325,000 (ಅಂದಾಜು 2.7 ಕೋಟಿ ರೂ.) ಸಂಬಳ ಪಡೆಯುತ್ತಿದ್ದ ಈತ, ಅನೇಕರಿಗೆ ಇದು 'ಡ್ರೀಮ್ ಜಾಬ್' ಆಗಿತ್ತು. ಆದರೆ, ಕೆಲಸಕ್ಕೆ ಸೇರಿದ ಕೆಲವೇ ತಿಂಗಳಲ್ಲಿ ಆತ ರಾಜೀನಾಮೆ ನೀಡಿದ್ದಾನೆ. ಇದೀಗ ಇದು ವೈರಲ್​ ಟಾಪಿಕ್​ ಆಗಿದೆ. 

ಕಂಪನಿಯಲ್ಲಿ ಪ್ರತಿದಿನ ಕನಿಷ್ಠ 12 ಗಂಟೆಗಳ ಕಾಲ ಸತತವಾಗಿ ಕೆಲಸ ಮಾಡಬೇಕಿತ್ತು. ಇದು ಆತನ ದೈಹಿಕ ಮತ್ತು ಮಾನಸಿಕ ಆರೋಗ್ಯದ ಮೇಲೆ ತೀವ್ರ ಪರಿಣಾಮ ಬೀರಿತ್ತು.ಅತಿಯಾದ ಕೆಲಸದ ಒತ್ತಡದಿಂದಾಗಿ ಕುಟುಂಬ, ಸ್ನೇಹಿತರು ಅಥವಾ ತನ್ನ ಹವ್ಯಾಸಗಳಿಗಾಗಿ ಸಮಯವೇ ಸಿಗುತ್ತಿರಲಿಲ್ಲ. ಜೀವನವು ಕೇವಲ ಆಫೀಸ್ ಫೈಲ್‌ಗಳ ನಡುವೆ ಸಿಲುಕಿಕೊಂಡಿತ್ತು.ಹೆಚ್ಚಿನ ಸಂಬಳವಿರುವ ಕಡೆ ಕೆಲಸದ ನಿರೀಕ್ಷೆಗಳೂ ಹೆಚ್ಚಿರುತ್ತವೆ. ಈ ನಿರಂತರ ಒತ್ತಡವನ್ನು ನಿಭಾಯಿಸುವುದು ಕಷ್ಟವೆಂದು ಆತ ಭಾವಿಸಿದ್ದಾನೆ ಎಂದು ವರದಿ ಉಲ್ಲೇಖಿಸಿದೆ.

ತನ್ನ ನಿರ್ಧಾರವನ್ನು ಸಮರ್ಥಿಸಿಕೊಂಡಿರುವ ಮಿನ್​, "ಬಹಳಷ್ಟು ಹಣ ಗಳಿಸುವುದು ಮುಖ್ಯವೇ ಇರಬಹುದು, ಆದರೆ ನನ್ನ ಆರೋಗ್ಯ ಮತ್ತು ಶಾಂತಿಯನ್ನು ಮಾರಾಟ ಮಾಡಿ ನಾನು ಹಣ ಗಳಿಸಲು ಇಷ್ಟಪಡುವುದಿಲ್ಲ. 22ನೇ ವಯಸ್ಸಿನಲ್ಲಿ ನಾನು ಇಡೀ ದಿನ ಕಂಪ್ಯೂಟರ್ ಮುಂದೆ ಕುಳಿತು ಜೀವನ ಕಳೆಯಲು ಸಿದ್ಧನಿಲ್ಲ" ಎಂದು ಹೇಳಿದ್ದಾನೆ. ಈತನ ಈ ನಡೆ ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಚರ್ಚೆ ಹುಟ್ಟುಹಾಕಿದೆ.

ನೆಟ್ಟಿಗರ ಅಭಿಪ್ರಾಯ: ಅನೇಕರು ಈತನ ಧೈರ್ಯವನ್ನು ಮೆಚ್ಚಿದ್ದಾರೆ. "ಹಣಕ್ಕಿಂತ ನೆಮ್ಮದಿ ಮುಖ್ಯ" ಎಂದು ಕೆಲವರು ಬೆಂಬಲಿಸಿದರೆ, "ಇಷ್ಟು ದೊಡ್ಡ ಸಂಬಳದ ಕೆಲಸ ಬಿಡುವುದು ಮೂರ್ಖತನ" ಎಂದು ಇನ್ನೂ ಕೆಲವರು ಅಭಿಪ್ರಾಯಪಟ್ಟಿದ್ದಾರೆ,(ಏಜೆನ್ಸೀಸ್​).