ನವಿ ಪಿಳ್ಳೈ ಬಗ್ಗೆ
ನವಿ ಪಿಳ್ಳೈ ಅವರು 1941ರಲ್ಲಿ ದಕ್ಷಿಣ ಆಫ್ರಿಕಾದ ಡರ್ಬನ್ನಲ್ಲಿ ಜನಿಸಿದರು. ಇವರು ಪೂರ್ವಜರು ತಮಿಳುನಾಡಿ ಮೂಲದವರು. ಅವರು ಆಫ್ರಿಕಾಕ್ಕೆ ವಲಸೆ ಹೋದ ಭಾರತೀಯರಲ್ಲಿ ಒಬ್ಬರಾಗಿದ್ದಾರೆ. ದಕ್ಷಿಣಾ ಆಫ್ರಿಕಾದ ಮಾನವ ಹಕ್ಕುಗಳ ವಕೀಲರು ಅಂತರರಾಷ್ಟ್ರೀಯ ನ್ಯಾಯಶಾಸ್ತ್ರಜ್ಞರು. ಇಲ್ಲಿನ ವರ್ಣಬೇಧ ನೀತಿ ಬಗ್ಗೆ ಸುದೀರ್ಘವಾಗಿ ಹೋರಾಡಿದವರು. ನರಮೇಧ, ಲೈಂಗಿಕ ಹಿಂಸಾಚಾರಕ್ಕೆ ಮೊಕದ್ದಮೆ, ವಿಶ್ವಸಂಸ್ಥೆಯ ಮಾನವ ಹಕ್ಕುಗಳ ಕಚೇರಿಯಲ್ಲಿ 6 ವರ್ಷ ಸೇವೆ ಸಲ್ಲಿಸಿದ್ದರು. ನೆಲ್ಸನ್ ಮಂಡೇಲಾ ಸೇರಿದಂತೆ ಪ್ರಭಾವಿ ಹೋರಾಟಗಾರರ ಕೇಸ್ ಅನ್ನು ಮುನ್ನಡೆಸಿದವರು ಇವರು.
ನವಿ ಪಿಳ್ಳೈ ಮಾತಿದು
ವಿಶ್ವಸಂಸ್ಥೆಯ ಸಂದರ್ಶನದಲ್ಲಿ ಮಾತನಾಡಿದ್ದ ನವಿ ಪಿಳ್ಳೈ ಜೀವನದ ಬಗ್ಗೆ ಮಾಹಿತಿ ತೆರೆದಿಟ್ಟಿದ್ದು ಹೀಗೆ, 'ನಮ್ಮ ತಂದೆ ಬಸ್ ಚಾಲಕರಾಗಿ ಕೆಲಸ ಮಾಡುತ್ತಿದ್ದರು. ನಾವು ಏಳು ಮಕ್ಕಳು. ಕೆಲವರು ಹೇಳುತ್ತಾರೆ ನೀವು ಭಾರತೀಯರಾಗಿದ್ದರೆ ನಿಜಕ್ಕೂ ನೀವು ಆಫ್ರೀಕಾದ ಜನರಿಗಿಂತ ಅದೃಷ್ಟವಂತರು ಎಂದು. ಅಂತವರಿಗಾಗಿ ಹೇಳುತ್ತೇನೆ, ನಾವು ಸಹ ಹೆಚ್ಚು ಸಮಸ್ಯೆಗಳನ್ನು, ಸಂಕಷ್ಟವನ್ನು ಎದುರಿಸಿದ್ದೇವೆ. ನಾವು ಭಾರತೀಯರಾದ ಮಾತ್ರಕ್ಕೆ ಅದೃಷ್ಟವಂತರಲ್ಲ' ಎಂದು ಹೇಳಿಕೊಂಡಿರುವ ಬಗ್ಗೆ ವರದಿ ಮಾಡಲಾಗಿದೆ.
ನವಿ ಪಿಳ್ಳೈ ಓದು ಹೀಗಿತ್ತು
ನವನೀತಂ ನವಿ ಪಿಳ್ಳೈ ನಟಾಲ್ ವಿಶ್ವ ವಿದ್ಯಾಯಲಯದಲ್ಲಿ ಓದಿ 1963ರಲ್ಲಿ ಆರ್ಸ್ಟ್ನಲ್ಲಿ ಪದವಿ ಪಡೆದುಕೊಂಡರು. ಅಷ್ಟಕ್ಕೆ ಸುಮ್ಮನಾಗದೆ 1965 ರಲ್ಲಿ ಕಾನೂನು ಪದವಿ ಪಡೆದುಕೊಂಡರು. ಇನ್ನೂ ಹಾರ್ವರ್ಡ್ ವಿಶ್ವವಿದ್ಯಾಲಯದಿಂದ ಕಾನೂನಿನಲ್ಲಿ ಸ್ನಾತಕೋತರ ಪದವಿ ದಕ್ಕಿಸಿಕೊಂಡರು. 1988 ರಲ್ಲಿ ನ್ಯಾಯಶಾಸ್ತ್ರದಲ್ಲಿ ಡಾಕ್ಟರೇಟ್ ಕೂಡ ಪಡೆದುಕೊಂಡರು.
1967 ರಲ್ಲಿ, ನಾಟಲ್ ಪ್ರಾಂತ್ಯದಲ್ಲಿ ಸ್ವಂತ ಕಾನೂನು ಸಂಸ್ಥೆ ಸ್ಥಾಪಿಸಿದ ಮೊದಲ ಮಹಿಳೆಯಾಗಿ ನವಿ ಪಿಳ್ಳೈ ಹೊರಹೊಮ್ಮಿದರು. ದಕ್ಷಿಣ ಆಫ್ರಿಕಾದ ಹೈಕೋರ್ಟ್‌ನ ನ್ಯಾಯಾಧೀಶರಾಗಿ ಸೇವೆ ಸಲ್ಲಿಸಿದ ಮೊದಲ ಕಪ್ಪು ಮಹಿಳೆ ಎನ್ನುವ ಹೆಮ್ಮೆಯನ್ನು ನವಿ ಪಿಳ್ಳೈ ಗಳಿಸಿಕೊಂಡಿದ್ದಾರೆ.
ಈ ಬಾರಿಯು ಟ್ರಂಪ್ಗೆ ದಕ್ಕದ ನೊಬೆಲ್
ಪ್ರತಿ ನೊಬೆಲ್ ಪ್ರಶಸ್ತಿ ಪುರಸ್ಕಾರದ ಹೊತ್ತಲ್ಲಿ ಅಮೆರಿಕ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್, ತಾವು ದೇಶಗಳ ಯುದ್ಧ ನಿಲ್ಲಿಸಿರುವ ಬಗ್ಗೆ ಹೇಳುತ್ತಲೆ ಇರುತ್ತಾರೆ. ಬಹುಶಃ ಯಾವುದೇ ಅಧ್ಯಕ್ಷರು ಈವರೆಗೆ ಯಾವುದೇ ಯುದ್ಧಗಳನ್ನು ಬಗೆಹರಿಸಿಲ್ಲ... ಆದರೆ ನಾನು ಎಂಟು ಯುದ್ಧಗಳನ್ನು ಬಗೆಹರಿಸಿದ್ದೇನೆ. ಇದಕ್ಕಾಗಿ ತಮಗೆ ನೊಬೆಲ್ ಶಾಂತಿ ಪ್ರಶಸ್ತಿ ದಕ್ಕಬೇಕು ಎಂದು ಕ್ಯಾತೆ ತೆಗೆಯುತ್ತಲೇ ಇರುತ್ತಾರೆ. ಅಮೆರಿಕದ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಈ ಪ್ರಶಸ್ತಿಗಾಗಿ ಶಿಫಾರಸು ಮಾಡಿದ್ದರು. ಆದರೆ ಈ ಬಾರಿಯು ಅವರ ಕೈ ತಪ್ಪಿದೆ, (ಏಜೆನ್ಸೀಸ್).
