ಪುಟಿನ್​ಗೆ ಉಣಬಡಿಸಿದ ಆಹಾರಗಳ ಪೈಕಿ ದುಬಾರಿ ಐಟಂ ಇದು; 1 ಕೆಜಿ ಬೆಲೆ ಎಷ್ಟು? ತಿಳಿದ್ರೆ ಹುಬ್ಬೇರೋದು ಖಚಿತ

ನವದೆಹಲಿ: ಇತ್ತೀಚೆಗಷ್ಟೇ ಭಾರತಕ್ಕೆ ಬಂದಿಳಿದಿದ್ದ ರಷ್ಯಾ ಅಧ್ಯಕ್ಷ ವ್ಲಾಡಿಮಿರ್​ ಪುಟಿನ್, ಭಾರತ-ರಷ್ಯಾ ಶೃಂಗಸಭೆಯ ಭಾಗವಾಗಿ ಭಾರತಕ್ಕೆ ಆಗಮಿಸಿದ್ದರು. ಈ ವೇಳೆ ರಕ್ಷಣಾ, ಇಂಧನ ಮತ್ತು ವ್ಯಾಪಾರ ಕ್ಷೇತ್ರಗಳ ಹಲವಾರು ಒಪ್ಪಂದಗಳ ಕುರಿತು ಎರಡು ದೇಶಗಳ ನಾಯಕರು ಮಾತುಕತೆ ನಡೆಸಿ, ಸಹಿ ಹಾಕಿದರು. ಇದರೊಟ್ಟಿಗೆ ಪ್ರಧಾನಿ ನರೇಂದ್ರ ಮೋದಿ ಅವರೊಂದಿಗೆ ಭೂರಿ ಭೋಜನ ಸವಿದ ಪುಟಿನ್​ಗೆ ಹಲವಾರು ವಿವಿಧ ಖಾದ್ಯವನ್ನು ಔತಣಕೂಟದಲ್ಲಿ ಉಣಬಡಿಸಲಾಯಿತು. ಇದರಲ್ಲಿ ಒಂದು ಐಟಂ ಬೆಲೆ ಮಾತ್ರ ಸದ್ಯ ಹಲವರ ಅಚ್ಚರಿಗೆ ಕಾರಣವಾಗಿದೆ.  

ಎರಡು ದಿನಗಳ ಭಾರತದ ಪ್ರವಾಸ ಮುಗಿಸಿ ತಮ್ಮ ರಾಷ್ಟ್ರಕ್ಕೆ ಮರಳಿರುವ ರಷ್ಯಾ ಅಧ್ಯಕ್ಷರಿಗೆ ದೆಹಲಿಯಲ್ಲಿ ಹಲವು ವಿಶೇಷ ವ್ಯವಸ್ಥೆಗಳನ್ನು ಮಾಡಲಾಯಿತು. ಪುಟಿನ್​ ಭೇಟಿಯ ಸಮಯದಲ್ಲಿ, ಶುಕ್ರವಾರ (ಡಿ.05) ರಾತ್ರಿ ರಾಷ್ಟ್ರಪತಿ ಭವನದಲ್ಲಿ ರಷ್ಯಾದ ಅಧ್ಯಕ್ಷರಿಗೆ ಅದ್ದೂರಿ ಸಸ್ಯಾಹಾರಿ ಭೋಜನವನ್ನು ಆಯೋಜಿಸಲಾಯಿತು. ಈ ಭೋಜನಕೂಟದಲ್ಲಿ ಅವರಿಗೆ ವಿವಿಧ ರೀತಿಯ ಭಾರತೀಯ ಭಕ್ಷ್ಯಗಳನ್ನು ಬಡಿಸಲಾಯಿತು. 

ಪುಟಿನ್ ಅವರಿಗೆ ಕಾಶ್ಮೀರಿ ಶೈಲಿಯ ಗುಸ್ಸಿ ಡೂನ್ ಚೆಟಿನ್ ಅನ್ನು ವಾಲ್ನಟ್, ಮೀನಪಾ ವಡಾ ಮತ್ತು ತರಕಾರಿಗಳಿಂದ ತುಂಬಿದ ಜೋಲ್ ಮೊಮೊಗಳೊಂದಿಗೆ ಬಡಿಸಲಾಯಿತು. ಮುಖ್ಯ ಖಾದ್ಯವಾಗಿ, ಕೇಸರ್​ ಪನೀರ್, ಪಾಲಕ್ ಮೆಂತ್ಯ, ಹಸಿರು ಬಟಾಣಿ ಕರಿ, ಮೊಸರು, ಮಸಾಲಾದಲ್ಲಿ ನೆನೆಸಿದ ತಂದೂರಿ ಭರ್ವಾನ್ ಆಲೂ ಮತ್ತು ಸಣ್ಣ ಬದನೆಕಾಯಿಗಳಿಂದ ಮಾಡಿದ ಆಚಾರಿ ಬೈಗನ್ ಅನ್ನು ಸವಿದ ಪುಟಿನ್,​ ತೃಪ್ತಿಯಿಂದ ಊಟ ಮಾಡಿದರು ಎಂಬುದರಲ್ಲಿ ಅನುಮಾನವಿಲ್ಲ ಎಂದೇ ಹೇಳಬಹುದು.  

ಗುಸ್ಸಿ ಅಣಬೆಗಳನ್ನು ಬೆಳೆಸುವುದು ಕಷ್ಟಕರ. ನಿರ್ದಿಷ್ಟ ಮಣ್ಣು ಮತ್ತು ತಾಪಮಾನದ ನಡುವಿನ ನೈಸರ್ಗಿಕ ಪರಿಸ್ಥಿತಿಗಳಲ್ಲಿ ಈ ವಿಭಿನ್ನ ಹಾಗೂ ವಿಶೇಷ ಮಶ್ರೂಮ್​ಗಳು ಬೆಳೆಯುತ್ತವೆ. ಹಿಮ ಕರಗಿದ ನಂತರ ವಸಂತಕಾಲದಲ್ಲಿ ಹಿಮಾಲಯನ್ ಪ್ರದೇಶದಲ್ಲಿ ಅವು ಸಾಮಾನ್ಯವಾಗಿ ಕಂಡುಬರುತ್ತವೆ. 

ಗುಚಿ ಅಣಬೆಗಳು ತೀರ ಅಪರೂಪ. ಅವು ಜಮ್ಮು ಮತ್ತು ಕಾಶ್ಮೀರ, ಹಿಮಾಚಲ ಪ್ರದೇಶ ಮತ್ತು ಉತ್ತರಾಖಂಡಗಳಲ್ಲಿ ಕಂಡುಬರುತ್ತವೆ. ಇದರ ಸಂಗ್ರಹಣೆ ಬಹಳ ಕಷ್ಟಕರ ಎನ್ನಲಾಗಿದೆ. ಕಡಿಮೆ ಕೊಯ್ಲು ಅವಧಿ ಮತ್ತು ಅವುಗಳನ್ನು ಕಂಡುಹಿಡಿಯುವಲ್ಲಿನ ತೊಂದರೆ ಗುಚಿ ಅಣಬೆಗಳನ್ನು ಬಹಳ ಮೌಲ್ಯಯುತವಾಗಿಸಿಬಿಟ್ಟಿದೆ. ಮತ್ತು ದುಬಾರಿ ಬೆಲೆಗೆ ತಂದಿಟ್ಟಿದೆ,(ಏಜೆನ್ಸೀಸ್).