ಬಲೂಚಿಸ್ತಾನದಲ್ಲಿ ಭೀಕರ ರಕ್ತಪಾತ: 57 ಉಗ್ರರ ಸಂಹಾರ, 10 ಭದ್ರತಾ ಸಿಬ್ಬಂದಿ ಬಲಿ | Balochistan Conflict

ಅಧಿಕೃತ ಮಾಹಿತಿಯ ಪ್ರಕಾರ, ಉಗ್ರರು ಬಲೂಚಿಸ್ತಾನದ ಸುಮಾರು 12 ಪ್ರತ್ಯೇಕ ಸ್ಥಳಗಳಲ್ಲಿ ಅತ್ಯಂತ ಸಂಘಟಿತವಾಗಿ ದಾಳಿ ನಡೆಸಿದ್ದರು.

ಈ ಎರಡು ಜಿಲ್ಲೆಗಳಲ್ಲಿ ಗುರುವಾರ ಮತ್ತು ಶುಕ್ರವಾರ ನಡೆಸಿದ ಕಾರ್ಯಾಚರಣೆಯಲ್ಲೇ 41 ಉಗ್ರರನ್ನು ಹೊಡೆದುರುಳಿಸಲಾಗಿತ್ತು.

ಶನಿವಾರ ಮುಂಜಾನೆಯಿಂದ ಮಧ್ಯಾಹ್ನದವರೆಗೆ ನಡೆದ ದಾಳಿ-ಪ್ರತಿ ದಾಳಿಗಳಲ್ಲಿ ಮತ್ತೆ 16 ಉಗ್ರರು ಸಾವನ್ನಪ್ಪಿದ್ದಾರೆ.

ಉಗ್ರರು ಕೇವಲ ಸೇನಾ ಚೆಕ್ ಪೋಸ್ಟ್‌ಗಳನ್ನು ಮಾತ್ರವಲ್ಲದೆ, ನಾಗರಿಕ ಮೂಲಸೌಕರ್ಯಗಳು ಮತ್ತು ಕಾನೂನು ಜಾರಿ ಸಂಸ್ಥೆಗಳ ಕಚೇರಿಗಳ ಮೇಲೆ ಗ್ರೆನೇಡ್ ಹಾಗೂ ಸುಧಾರಿತ ಸ್ಫೋಟಕಗಳ (IED) ಮೂಲಕ ದಾಳಿ ನಡೆಸಿದ್ದರು.

ಭಯೋತ್ಪಾದಕರನ್ನು ಸದೆಬಡಿಯುವಲ್ಲಿ ಯಶಸ್ವಿಯಾದರೂ, ಪಾಕಿಸ್ತಾನಿ ಸೇನೆಗೆ ಈ ಕಾರ್ಯಾಚರಣೆ ದುಬಾರಿಯಾಗಿ ಪರಿಣಮಿಸಿದೆ. 10 ಭದ್ರತಾ ಸಿಬ್ಬಂದಿಗಳು ಹೋರಾಡುತ್ತಲೇ ವೀರಮರಣ ಅಪ್ಪಿದ್ದಾರೆ. ಇದರಲ್ಲಿ ಅಧಿಕಾರಿ ಮಟ್ಟದ ಸಿಬ್ಬಂದಿಗಳೂ ಸೇರಿದ್ದಾರೆ ಎಂದು ವರದಿಯಾಗಿದೆ. ದಾಳಿಯ ತೀವ್ರತೆ ಎಷ್ಟಿತ್ತೆಂದರೆ, ಕೆಲವು ಪ್ರದೇಶಗಳಲ್ಲಿ ಭದ್ರತಾ ಪಡೆಗಳಿಗೆ ಸಹಾಯ ಮಾಡಲು ಹೆಲಿಕಾಪ್ಟರ್‌ಗಳನ್ನು ಬಳಸಬೇಕಾಯಿತು.

ಬಲೂಚಿಸ್ತಾನದಲ್ಲಿ ಹಲವು ದಶಕಗಳಿಂದ ಪ್ರತ್ಯೇಕತಾವಾದಿ ಗುಂಪುಗಳು ಸಕ್ರಿಯವಾಗಿವೆ. ಇತ್ತೀಚಿನ ದಾಳಿಗಳ ಹಿಂದೆ ಮೂರು ಪ್ರಮುಖ ಕಾರಣಗಳಿವೆ ಎಂದು ತಜ್ಞರು ವಿಶ್ಲೇಷಿಸಿದ್ದಾರೆ.

ಬಲೂಚಿಸ್ತಾನದ ನೈಸರ್ಗಿಕ ಅನಿಲ ಮತ್ತು ಚಿನ್ನದ ಗಣಿಗಳನ್ನು ಪಾಕಿಸ್ತಾನ ಸರ್ಕಾರ ಲೂಟಿ ಮಾಡುತ್ತಿದೆ ಎಂಬುದು ಸ್ಥಳೀಯರ ಆಕ್ರೋಶವಾಗಿದೆ.

ಚೀನಾ-ಪಾಕಿಸ್ತಾನ ಆರ್ಥಿಕ ಕಾರಿಡಾರ್ (CPEC) ಅಡಿಯಲ್ಲಿ ಚೀನಾ ಇಲ್ಲಿನ ಬಂದರುಗಳನ್ನು ಅಭಿವೃದ್ಧಿಪಡಿಸುತ್ತಿರುವುದನ್ನು ಉಗ್ರರು ವಿರೋಧಿಸುತ್ತಿದ್ದಾರೆ.

ಪಾಕ್ ಸೇನೆಯು ಸಾವಿರಾರು ಬಲೂಚಿ ಯುವಕರನ್ನು ಕಿಡ್ನಾಪ್ ಮಾಡಿ ಕೊಂದಿದೆ ಎಂಬ ಬಲವಂತದ ನಾಪತ್ತೆ ಪ್ರಕರಣಗಳು ಇಲ್ಲಿನ ಜನರನ್ನು ಉಗ್ರವಾದದತ್ತ ತಳ್ಳುತ್ತಿವೆ.

ಬಲೂಚಿಸ್ತಾನದ ಬಹುತೇಕ ಜಿಲ್ಲೆಗಳಲ್ಲಿ ಈಗ ಕರ್ಫ್ಯೂ ಮಾದರಿಯ ಪರಿಸ್ಥಿತಿ ನಿರ್ಮಾಣವಾಗಿದೆ. ಮೊಬೈಲ್ ಮತ್ತು ಇಂಟರ್ನೆಟ್ ಸೇವೆಗಳನ್ನು ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ. ಇಡೀ ಪ್ರಾಂತ್ಯದಲ್ಲಿ ಭದ್ರತೆಯನ್ನು ತೀವ್ರಗೊಳಿಸಲಾಗಿದ್ದು, ಕ್ಲೀನ್-ಅಪ್ ಕಾರ್ಯಾಚರಣೆ ಮುಂದುವರಿಯುತ್ತಿದೆ,(ಏಜೆನ್ಸೀಸ್).