ಆಯೇಷಾ ಗಿಲಾನಿ ಕೊಲೆ ಪ್ರಕರಣಕ್ಕೆ ಬಿಗ್ ಟ್ವಿಸ್ಟ್: ಟಿಕ್‌ಟಾಕ್ ಸ್ಟಾರ್ ಹತ್ಯೆ ಹಿಂದೆ ಅಪ್ಪ, ಅಣ್ಣನ ಕೈವಾಡ? Pakistani TikToker Ayesha Gilani

ರಾವಲ್​ಪಿಂಡಿ: ಕೆಲ ದಿನಗಳ ಹಿಂದೆ ಪಾಕಿಸ್ತಾನದ ಖ್ಯಾತ ಟಿಕ್​ ಟಾಕ್​ ಸ್ಟಾರ್​​ ಆಯೇಷಾ ಗಿಲಾನಿ (Pakistani TikToker Ayesha Gilani) ಎಂಬಾಕೆಯ ಕೊಲೆ ಪ್ರಕರಣ ಸೋಷಿಯಲ್​ ಮೀಡಿಯಾ ಸೇರಿದಂತೆ ಬಹುತೇಕ ಎಲ್ಲಾ ಮಾಧ್ಯಮಗಳಲ್ಲಿ ಭಾರಿ ಸಂಚಲನವನ್ನು ಸೃಷ್ಟಿಸಿತ್ತು.

ಆರಂಭಿಕ ವಿಚಾರಣೆಯಲ್ಲಿ, ಇದೊಂದು ಹಣದ ವ್ಯವಹಾರಕ್ಕಾಗಿ ನಡೆದ ಕೊಲೆ ಎಂದು, ಆಯೇಷಾ ಹಣ ಮರಳಿಸದ ಹಿನ್ನಲೆ ದುಷ್ಕರ್ಮಿಗಳು ಹತ್ಯೆ ಮಾಡಿದ್ದರು ಎಂದು ಹೇಳಲಾಗುತ್ತಿತ್ತು.

ಆದರೆ, ಈ ಪ್ರಕರಣಕ್ಕೆ ಈಗ ಭಾರಿ ತಿರುವು ಸಿಕ್ಕಿದ್ದು, ಆಯೇಷಾ ಕೊಲೆಗೆ ಸಂಬಂಧಿಸಿದಂತೆ ಆಕೆಯ ತಂದೆ ಹಾಗೂ ಸಹೋದರನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಇದನ್ನೂ ಓದಿ: ಅಮರಾವತಿ ಆಸ್ಪತ್ರೆ ದುರಂತ: ನವಜಾತ ಶಿಶುಗಳ ವಾರ್ಡ್​ಗೆ ಬೆಂಕಿ; 3 ಕಂದಮ್ಮಗಳ ದಾರುಣ ಸಾವು! Amravati Hospital Tragedy

ರಾವಲ್​ಪಿಂಡಿ ಪೊಲೀಸರು ಹಂಚಿಕೊಂಡಿರುವ ಮಾಹಿತಿ ಪ್ರಕಾರ, ಆಗಸ್ಟ್​​ 14 ರಂದು ಈ ಆಯೇಷಾ ಗಿಲಾನಿ ಮೇಲೆ ಬಂದೂಕಿನಿಂದ ಗುಂಡನ್ನು ಹಾರಿಸಿ ಕೊಲೆ ಮಾಡಲಾಗಿತ್ತು.

ನಂತರ ಈಕೆಯ ಕುಟುಂಬದವರು ಪ್ರಕರಣ ದಾಖಲಿಸಿದ್ದರು. ತಮ್ಮ ಮಗಳು ಕೆಲವರಿಂದ ಹಣ ಪಡೆದಿದ್ದಳು. ಅವಳು ಸರಿಯಾದ ಸಮಯಕ್ಕೆ ಹಣವನ್ನು ತಲುಪಿಸದ ಹಿನ್ನಲೆ, ಆಕೆಗೆ ಕೊಲೆ ಬೆದರಿಕೆ ಒಡ್ಡಲಾಗುತ್ತಿತ್ತು ಎಂದು ದೂರಿನಲ್ಲಿ ತಿಳಿಸಿದ್ದರು.

ಸದ್ಯ ಆಯೇಷಾ ಕೊಲೆ ಪ್ರಕರಣಕ್ಕೆ ಸಂಬಂಧಿಸದಂತೆ, ಆಕೆಯ ತಂದೆ ಫಜಲ್ ಸಾಹಿಬ್, ಸಹೋದರ ಬಶೀರ್, ತಂದೆಯ ಚಿಕ್ಕಪ್ಪ ರೋಜಿ ಖಾನ್, ಸೋದರಸಂಬಂಧಿ ಅಹ್ಸಾನ್ ಮತ್ತು ಅಹ್ಸಾನ್‌ನ ಮಗ ಯಾಸಿನ್​ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಆದರೆ, ತನಿಖೆ ವೇಳೆ ಪೊಲೀಸರಿಗೆ ಮನೆಯವರ ಮೇಲೆ ಅನುಮಾನ ವ್ಯಕ್ತವಾಗಿದ್ದು, ಆಯೇಷಾ ಕೊಲೆ ಸಂದರ್ಭದಲ್ಲಿ ಬಂಧಿತರು ಹತ್ತಿರದಲ್ಲೇ ಇದ್ದರೆಂದು ಸಾಕ್ಷಿ ದೊರೆತ ಹಿನ್ನಲೆ ಈ ಕ್ರಮ ಕೈಗಗೊಳ್ಳಲಾಗಿದೆ.

ರಾವಲ್​ಪಿಂಡಿ ಪೊಲೀಸ್​ರ ಪ್ರಕಾರ, ಈ ಆಯೇಷಾ ಪಾಕಿಸ್ತಾನದಲ್ಲಿ ಖ್ಯಾತಿಗಳಿಸಿದ್ದ ಟಿಕ್​ಟಾಕ್​ ಕಂಟೆಂಟ್​ ಕ್ರಿಯೇಟರ್​ ಆಗಿದ್ದಳು. ಇಕೆಗೆ 1.3 ಮಿಲಿಯನ್​ ಹಿಂಬಾಲಕರಿದ್ದರು. ಆದರೆ, ಆಯೇಷಾ ಸಂಪ್ರದಾಯಸ್ಥ ಮನೆಯಲ್ಲಿ ಜನ್ಮತಾಳಿದ್ದ ಹಿನ್ನಲೆ, ಮನೆ, ಸಮಾಜ ಹಾಗೂ ಧಾರ್ಮಿಕ ಕಟ್ಟುಪಾಡಿನ ಕಾರಣ ಮನೆಯವರಿಗೆ ಆಯೇಷಾ ಟಿಕ್​-ಟಾಕ್​ ವಿಡಿಯೋ ಮಾಡುವುದು ಇಷ್ಟವಿರಲಿಲ್ಲ ಎಂದು ಹೇಳಲಾಗುತ್ತಿದೆ.

ಟಿಕ್​-ಟಾಕ್​ನಲ್ಲಿ ವಿಡಿಯೋ ಮಾಡದಂತೆ ಆಯೇಷಾಗೆ ಆಕೆಯ ಮನೆಯವರು ಬೆದರಿಕೆ ಹಾಕುತ್ತಿದ್ದರು ಎಂದು ತಿಳಿದು ಬಂದಿದ್ದು, ಆಕೆಯ ಅಂತ್ಯಸಂಸ್ಕಾರವನ್ನೂ ಸಹ ಅತ್ಯಂತ ಗೌಪ್ಯವಾಗಿ ನೆರವೇರಿಸಿದ್ದು ಸಾಕಷ್ಟು ಚರ್ಚೆಗೆ ಗ್ರಾಸವಾಗಿತ್ತು. ಈಗ ಕುಟುಂಬವರ್ಗದ ಮೇಲೆ ಕೊಲೆ ಆಪಾಧನೆ ಬಂದಿರುವುದು ಕಥೆಯಲ್ಲಿ ಹೊಸ ಟ್ವಿಸ್ಟ್​ ನೀಡಿದ್ದು, ಮುಂದೇನಾಗಲಿದೆ ಎನ್ನುವುದಕ್ಕೆ ಕಾಲವೇ ಉತ್ತರಿಸಬೇಕಿದೆ, (ಏಜನ್ಸೀಸ್​).