ಹೊರ್ಮುಜ್ ಬಳಿಕ ಕೆಂಪು ಸಮುದ್ರದ ಸರದಿ? ಮೆಕ್ಕಾ ಮೇಲೆ ಹೌತಿ ಡ್ರೋನ್ ದಾಳಿ, ತೈಲ ಮಾರುಕಟ್ಟೆಗೆ ಹೊಸ ಸಂಕಷ್ಟ! Oil Price Hike

ನವದೆಹಲಿ: ಕಳೆದೆ ಏಳು ತಿಂಗಳಿನಿಂದ ಇರಾನ್​ ಮತ್ತು ಅಮೆರಿಕ ನಡುವೆ ಸಂಘರ್ಷ ನಡೆಯುತ್ತಿದೆ. ಈ ಯುದ್ಧದಿಂದಾಗಿ ಹೊರ್ಮುಜ್​ ಜಲಸಂಧಿ ಬಂದ್​ಆಗಿದ್ದ ಕಾರಣ ಜಾಗತಿಕ ತೈಲ ಮಾರುಕಟ್ಟೆ (Oil Price Hike) ಯಲ್ಲಿ ಭಾರಿ ತಲ್ಲಣ ಉಂಟಾಗಿತ್ತು. ನಂತರ ಅಮೆರಿಕೆ ಹಾಗೂ ಇರಾನ್​ ನಡುವೆ ಶಾಂತಿ, ಒಪ್ಪಂದ ಮಾತುಕತೆ ಹೆಸರಿನಲ್ಲಿ ಕೆಲಕಾಲ ಹೊರ್ಮುಜ್​ನಲ್ಲಿ ವಾತಾವರಣ ತಿಳಿಯಾಗಿತ್ತು.

ಆದರೆ, ಈಗ ಯೆಮನ್​ ದೇಶದ ಹೌತಿ ಬಂಡುಕೋರರು, ಇಸ್ಲಾಂನ ಪವಿತ್ರ ಸ್ಥಳವಾದ ಸೌದಿ ಅರೇಬಿಯಾದ ಮೆಕ್ಕಾದ ಮೇಲೆ ಡ್ರೋನ್ ದಾಳಿ ನಡೆಸಿರುವುದು, ಕೇವಲ ಅರಬ್​ ಮಾತ್ರವಲ್ಲದೇ, ಸಂಪೂರ್ಣ ಜಗತ್ತನ್ನೇ ಬೆಚ್ಚಿ ಬೀಳಿಸಿದೆ.

ಮೆಕ್ಕಾದಲ್ಲಿರುವ ಮಸೀದಿ ಜಗತ್ತಿನಲ್ಲಿರುವ ಪ್ರತಿ ಮುಸಲ್ಮಾನರಿಗೂ ಪವಿತ್ರವಾಗಿದ್ದು, ದಿನದ ಐದು ನಮಾಜ್​ ಅನ್ನು ಈ ಮಸೀದಿಯಿರುವ ದಿಕ್ಕಿಗೆ ಮುಖಮಾಡಿ ಪ್ರಾರ್ಥನೆ ಸಲ್ಲಿಸುತ್ತಾರೆ. ಈಗ ಈ ಮಸೀದಿ ಮೇಲೆ ನಡೆದಿರುವ ದಾಳಿ ಇಸ್ಲಾಂ ಮೇಲೆ ನಡೆದಿರುವ ದಾಳಿ ಎಂದೇ ಭಾವಿಸಲಾಗುತ್ತಿದೆ.

ಇರಾನ್​ ಮತ್ತು ಅಮೆರಿಕ ಸಂಘರ್ಷದಲ್ಲಿ ಅತೀ ಹೆಚ್ಚು ಚರ್ಚೆಗೆ ಒಳಪಟ್ಟ ಸ್ಥಳ ಎಂದರೆ ಅದು ಹೊರ್ಮುಜ್​ ಜಲಸಂಧಿ. ಈ ಮಾರ್ಗದಲ್ಲಿ ಜಗತ್ತಿನ ತೈಲ ಹಾಗೂ ಆಹಾರ ಪದಾರ್ಥಗಳು ಸರಬರಾಜಾಗುತ್ತಿದ್ದು, ಯುದ್ಧದಿಂದಾಗಿ ಇಲ್ಲಿ ಭಾರಿ ವ್ಯತ್ಯಯ ಉಂಟಾಗಿತ್ತು.

ಅಂತೆಯೇ ಪ್ರಸಿದ್ಧ ಸೂಯೇಜ್​ ಕಾಲುವೆ ಕೂಡ ಇದೇ ಕೆಂಪು ಸಮುದ್ರದಲ್ಲಿದ್ದು, ಈ ಸಮುದ್ರ ಸೌದಿ ಅರೇಬಿಯಾದ ಗಡಿಯಲ್ಲಿದ್ದು ಹೌತಿಗಳೊಂದಿಗಿನ ಯುದ್ಧ ತೀವ್ರವಾದರೆ ಈ ಸಮುದ್ರದಲ್ಲಿ ಹಡಗುಗಳ ಓಡಾಟಕ್ಕೆ ಕುತ್ತುಬರಲಿದೆ ಎಂದು ಹೇಳಲಾಗುತ್ತಿದೆ.

ಇನ್ನೂ ತೈಲ ಮಾರುಕಟ್ಟೆಯ ಪ್ರಮುಖ ಕೊಂಡಿಯಾಗಿರುವ ಅರಬ್​ ದೇಶದಲ್ಲಿ ಯುದ್ಧ ಕಾರ್ಮೋಡ ಕವಿದಿರುವುದು ತೈಲ ಮಾರುಕಟ್ಟೆಯಲ್ಲಿ ಭಾರಿ ವ್ಯತ್ಯಯವನ್ನು ಉಂಟುಮಾಡಲಿದೆ ಎಂದು ನಂಬಲಾಗಿದೆ.

ಕಚ್ಚಾ ತೈಲ ಬೆಲೆ ಏರಿಕೆಯಾದರೆ ಸಹಜವಾಗಿ ಪೆಟ್ರೋಲ್​, ಡೀಸೆಲ್​ ಬೆಲೆ ಕೂಡ ಹೆಚ್ಚಳವಾಗಲಿದ್ದು, ಇದರ ಬಿಸಿಯನ್ನು ಭಾರತ ಸೇರಿದಂತೆ ಪೆಟ್ರೋಲ್​ ಅನ್ನು ಆಮದು ಮಾಡಿಕೊಳ್ಳುವ ದೇಶಗಳು ಮೊದಲು ಅನುಭವಿಸಲಿವೆ ಎನ್ನುವುದು ತಜ್ಞರ ಅಭಿಪ್ರಾಯವಾಗಿದೆ, (ಏಜೆನ್ಸೀಸ್​).