ಮತದಾನಕ್ಕಾಗಿ ಟೋಪಿ ಧರಿಸುವ ದಿನ ಬಂದರೆ ನನ್ನ ತಲೆಯನ್ನೇ ಕತ್ತರಿಸಿಕೊಳ್ಳುತ್ತೇನೆ: ಸಚಿವ ಬಂಡಿ ಸಂಜಯ್ ಕುಮಾರ್ Skull cap

ಹೈದರಬಾದ್​: ಹೈದರಾಬಾದ್‌ನ ಬೋರಬಂದದಲ್ಲಿ ನಡೆದ ಚುನಾವಣಾ ಪ್ರಚಾರದಲ್ಲಿ ತೆಲಂಗಾಣದ ಮುಖ್ಯಮಂತ್ರಿ ರೇವಂತ್ ರೆಡ್ಡಿ ಅವರು ಮತ ಪಡೆಯುವ ಆಸೆಯಿಂದ ಧಾರ್ಮಿಕ ಭಂಗಿ (Skull cap) ಮಾಡುತ್ತಿದ್ದಾರೆ ಎಂದು ಗೃಹ ಖಾತೆ ಸಚಿವ ಬಂಡಿ ಸಂಜಯ್ ಕುಮಾರ್ ಕಿಡಿಕಾರಿದ್ದಾರೆ.

ಮಂಗಳವಾರ (ನ​.11) ರಂದು ಉಪಚುನಾವಣೆ ನಡೆಯಲಿರುವ ಹೈದರಾಬಾದ್‌ನ ಜುಬಿಲಿ ಹಿಲ್ಸ್ ಕ್ಷೇತ್ರದಲ್ಲಿ ಸಭೆಯನ್ನುದ್ದೇಶಿಸಿ ಮಾತನಾಡಿದ ಬಂಡಿ ಸಂಜಯ್, ಇತ್ತೀಚೆಗೆ ನಡೆದ ಕಾಂಗ್ರೆಸ್ ಪ್ರಚಾರದಲ್ಲಿ ಮುಖ್ಯಮಂತ್ರಿಗಳು ತಲೆಗೆ ಟೋಪಿ ಧರಿಸಿದ್ದರು ಎಂದು ಅಣಕಿಸಿದ್ದಾರೆ.

ಇದನ್ನೂ ಓದಿ: Bihar Election | ಯಾರಿಗೆ ಬಿ’ಹಾರ’..? ಇತಿಹಾಸದಲ್ಲಿಯೇ ದಾಖಲೆಯ ಮತದಾನ; ಯಾವ ಪಕ್ಷಕ್ಕೆ ವರದಾನ.? ಎನ್​​ಡಿಎ ಆತಂತಕ್ಕೆ ಇದೇ ಕಾರಣ!

ಮತದಾನಕ್ಕಾಗಿ ತಲೆಗೆ ಟೋಪಿ ಧರಿಸಬೇಕಾದ ಸಂದರ್ಭವೇನಾದರೂ ನನಗೆ ಬಂದರೆ, ನಾನು ನನ್ನ ತಲೆಯನ್ನೇ ಕತ್ತರಿಸಿಕೊಳ್ಳುತ್ತೇನೆ ಹೊರತು ಟೋಪಿ ಧರಿಸುವುದಿಲ್ಲ. ನಾನು ಕ್ಷಮೆಯಾಚಿಸದ ಹಿಂದೂ, ನಕಲಿ ನಮಾಜ್​ ಮಾಡುವ ಮೂಲಕ ಇತರ ಧರ್ಮಗಳನ್ನು ಅವಮಾನಿಸುವುದಿಲ್ಲ ಎಂದು ಹೇಳಿದರು.

ರೇವಂತ್ ರೆಡ್ಡಿ ಅವರೇ AIMIM ಮುಖ್ಯಸ್ಥ ಅಸಾದುದ್ದೀನ್ ಓವೈಸಿ ಅವರನ್ನು ನಿಮ್ಮ ದೇವಾಲಯದಲ್ಲಿ ಕೂರಿಸಿ ಅವರಿಂದ ಆರತಿ ಮಾಡಿಸಿ ಎಂದು ಕುಮಾರ್​ ಸವಾಲು ಹಾಕಿದರು.

ಅಜರುದ್ದೀನ್ ಮತ್ತು ಎಂಐಎಂ ನಂತಹ ಮುಸ್ಲಿಂ ನಾಯಕರು ಕೂಡ ಟೋಪಿಯನ್ನು ಧರಿಸಲಿಲ್ಲ. ಆದರೆ ಮತದ ಆಸೆಗಾಗಿ ಸಿಎಂ ರೇವಂತ್ ರೆಡ್ಡಿ ಮತ್ತು ಕಾಂಗ್ರೆಸ್ ಅಭ್ಯರ್ಥಿಗಳು ಅದನ್ನು ಧರಿಸಿದ್ದರು. ರೇವಂತ್​ ಅವರೇ ಅಜರುದ್ದೀನ್ ಅವರಿಗೆ ವಕ್ರತುಂಡ ಮಹಾಕಾಯ ಜಪಿಸುವಂತೆ ಹೇಳುವ ಧೈರ್ಯವಿದೆಯೇ? ಅಥವಾ ಹಿಂದೂಗಳ ಮತವನ್ನು ಪಡೆಯಲು ಓವೈಸಿಯನ್ನು ಭಾಗ್ಯಲಕ್ಷ್ಮಿ ದೇವಸ್ಥಾನಕ್ಕೆ ಕರೆದುಕೊಂಡು ಹೋಗಿ ಅವರಿಂದ ಆರತಿ ಮಾಡುಸುತ್ತೀರಾ ಎಂದು ಪ್ರಶ್ನೆ ಮಾಡಿದರು.

ಇದನ್ನೂ ಓದಿ: ಹೆದ್ದಾರಿಗಳು ಮತ್ತು ಎಕ್ಸ್‌ಪ್ರೆಸ್‌ವೇಗಳಲ್ಲಿ ಬೀದಿ ಪ್ರಾಣಿಗಳಿಗೆ ಪ್ರವೇಶವಿಲ್ಲ! ಸುಪ್ರೀಂ ಕೋರ್ಟ್ ತೀರ್ಪು… dog

ಹೈದರಬಾದ್​ನ ಹಳೆಯ ನಗರದಲ್ಲಿ ಭಾಗ್ಯಲಕ್ಷ್ಮಿ ದೇವಸ್ಥಾನವಿದೆ. ಅಲ್ಲಿಗೆ ಅಕ್ಬರುದ್ದೀನ್ ಓವೈಸಿ ಅಥವಾ ಅಸಾದುದ್ದೀನ್ ಓವೈಸಿ ಎಂದಾದರೂ ಭೇಟಿ ನೀಡಿದ್ದಾರಾ? ಅಥವಾ ಆರತಿ ಬೆಳಗಿದ್ದಾರಾ? ಈ ಬಗ್ಗೆ ರೇವಂತ್​ ಉತ್ತರಿಸಬೇಕು. ಆ ನಾಯಕರು ಪ್ರಾರ್ಥನೆ ಮಾಡುವುದಿಲ್ಲ ಹಾಗೂ ತಿಲಕ ಇಡುವುದಿಲ್ಲ. ಆದರೆ, ಈ ಜನರು (ಕಾಂಗ್ರೆಸ್​ ನಾಯಕರು) ಮತಗಳ ಆಸೆಗಾಗಿ ಟೋಪಿ ಧರಿಸುತ್ತಾರೆ ಇದು ನಿಜವಾದ ನಾಚಿಕೆಗೇಡಿನ ಸಂಗತಿ ಎಂದರು.

ಇನ್ನು ಮತ ಚಲಾಯಿಸುವ ಮೊದಲು ಮುಖಗಳನ್ನು ಪರಿಶೀಲಿಸಬೇಕು ಎಂದು ಭಾರತೀಯ ಚುನಾವಣಾ ಆಯೋಗವನ್ನು ಸಂಜಯ್​ ಕುಮಾರ್​ ಒತ್ತಾಯಿಸಿದ್ದಾರೆ. ಸಂವಿಧಾನ ಮತ್ತು ಚುನಾವಣಾ ಆಯೋಗ ಎಲ್ಲರಿಗೂ ಒಂದೇ ಎಂದು ಹೇಳಿದರು. (ಏಜೆನ್ಸೀಸ್​)

https://www.vijayavani.net/winter-hair-fall-before-it-starts-7-shower-habits-that-really-work