2047ರ ವೇಳೆಗೆ ಶ್ರೇಷ್ಠ ಭಾರತಕ್ಕಾಗಿ, ನಮಗೆ ಮಾದಕ ದ್ರವ್ಯ ಮುಕ್ತ ಯುವ ಪೀಳಿಗೆ ಬೇಕು: ಗೃಹ ಸಚಿವ ಅಮಿತ್ ಶಾ| Amit Shah

Amit Shah: ಭಾರತ ಸರ್ಕಾರದ ಗೃಹ ಸಚಿವಾಲಯವು ಮಾದಕ ವಸ್ತುಗಳ ವಿರುದ್ಧ ಐತಿಹಾಸಿಕ ಕ್ರಮವನ್ನು ಪ್ರಾರಂಭಿಸಿದ್ದು, ಮಾದಕ ವಸ್ತು ಮುಕ್ತ ಭಾರತಕ್ಕೆ ಈ ಕ್ರಮ ನಿರ್ಣಾಯಕ ಎಂದು ಮಂಗಳವಾರ (ಸೆಪ್ಟೆಂಬರ್,16)​ ಗೃಹ ಸಚಿವ ಅಮಿತ್ ಶಾ ತಿಳಿಸಿದ್ದಾರೆ.

ಮಾದಕ ದ್ರವ್ಯ ವಿರೋಧಿ ಕಾರ್ಯಪಡೆ ( ANTF ) ರಾಜ್ಯಗಳು ಮತ್ತು ಕೇಂದ್ರಾಡಳಿತ ಪ್ರದೇಶಗಳ ಮುಖ್ಯಸ್ಥರ ಎರಡನೇ ರಾಷ್ಟ್ರೀಯ ಸಮ್ಮೇಳನ ಉದ್ದೇಶಿಸಿ ಮಾತನಾಡಿದ ಶಾ, ನಾವೆಲ್ಲರೂ ಒಟ್ಟಾಗಿ ಕೆಲಸ ಮಾಡಿದಾಗ ಮಾತ್ರ ಪ್ರಧಾನಿ ಮೋದಿಯ ಮಾದಕ ದ್ರವ್ಯ ಮುಕ್ತ ಭಾರತದ ದೃಷ್ಟಿಕೋನವು ಈಡೇರುತ್ತದೆ. 2047ರ ವೇಳೆಗೆ ಶ್ರೇಷ್ಠ ಭಾರತಕ್ಕಾಗಿ, ನಮಗೆ ಮಾದಕ ದ್ರವ್ಯ ಮುಕ್ತ ಯುವ ಪೀಳಿಗೆ ಬೇಕು ಎಂದು ಹೇಳಿದರು.

ಅಲ್ಲದೆ, ಭಾರತದ ನೆರೆಯ ರಾಷ್ಟ್ರಗಳು ಹೆಚ್ಚಿನ ಔಷಧಿಗಳನ್ನು ಪೂರೈಸುತ್ತವೆ. ಇದ್ದರಿಂದ ನಾವು ಮಾದಕ ದ್ರವ್ಯಗಳ ವಿರುದ್ಧ ಬಲವಾಗಿ ಹೋರಾಡಬೇಕಾಗಿದೆ ಎಂದು ಎಚ್ಚರಿಸಿದ್ದಾರೆ. ಈಗ ನಮ್ಮ ಹೋರಾಟವು ಮಾದಕ ದ್ರವ್ಯ ಮಾರಾಟವನ್ನು ನಿಲ್ಲಿಸುವುದಲ್ಲ. ಬದಲಾಗಿ, ಪೂರೈಕೆ ಸರಪಳಿಯನ್ನು ಮುರಿಯುವುದು. ಮುಂದಿನ 10 ವರ್ಷಗಳಲ್ಲಿ ನಾವು ಈ ಯುದ್ಧವನ್ನು ಗೆಲ್ಲದಿದ್ದರೆ, ನಾವು ಮಾದಕ ದ್ರವ್ಯಗಳ ವಿರುದ್ಧದ ಯುದ್ಧದಲ್ಲಿ ಸೋಲುತ್ತೇವೆ ಎಂದು ಶಾ ತಿಳಿಸಿದ್ದಾರೆ. ದೇಶದಲ್ಲಿ 10 ಕೋಟಿಗೂ ಹೆಚ್ಚು ಜನರು ಭಾಗಿಯಾಗಿರುವ ಮಾದಕ ದ್ರವ್ಯಗಳ ವಿರುದ್ಧದ ಯುದ್ಧದಲ್ಲಿ ನಾವು ಸೋಲುತ್ತೇವೆ. ಮಾದಕ ದ್ರವ್ಯ ವಿರೋಧಿ ಕಾರ್ಯಪಡೆಯ ಪಾತ್ರ ಇದರಲ್ಲಿ ಪ್ರಮುಖವಾಗಿರುತ್ತದೆ ಎಂದು ಶಾ ಈ ಸಂದರ್ಭದಲ್ಲಿ ತಿಳಿಸಿದ್ದಾರೆ. ಇದನ್ನೂ ಓದಿ: ಮಾದಕ ವಸ್ತು ಕಳ್ಳಸಾಗಾಣಿಕೆ : 16 ಸಾವಿರ ವಿದೇಶಿ ಪ್ರಜೆಗಳ ಗಡಿಪಾರಿಗೆ ಗೃಹ ಸಚಿವಾಲಯ ನಿರ್ಧಾರ!| MHA

ನೇರೆಹೊರೆಯ ದೇಶಗಳಿಂದ ಕಳ್ಳಸಾಗಣೆದಾರರು ಬರುತ್ತಿದ್ದಾರೆ

ಗೃಹ ವ್ಯವಹಾರಗಳ ಸಚಿವಾಲಯದ ಮೂಲಗಳ ಪ್ರಕಾರ, ಗಡೀಪಾರು ಮಾಡಬೇಕಾದ 16,000 ವಿದೇಶಿ ಪ್ರಜೆಗಳು ಬಾಂಗ್ಲಾದೇಶ, ಫಿಲಿಪೈನ್ಸ್, ಮ್ಯಾನ್ಮಾರ್, ಮಲೇಷ್ಯಾ, ಘಾನಾ ಮತ್ತು ನೈಜೀರಿಯಾದಂತಹ ದೇಶಗಳಿಂದ ಬಂದವರಾಗಿದ್ದಾರೆ. ಈ ದೇಶಗಳ ನಾಗರಿಕರು ಮಾದಕವಸ್ತು ಕಳ್ಳಸಾಗಣೆಯಲ್ಲಿ ಭಾಗಿಯಾಗಿದ್ದು, ಕಳ್ಳಸಾಗಣೆದಾರರು ವಿವಿಧ ರಾಜ್ಯಗಳಲ್ಲಿ ಬಂಧಿಸಲಾಗಿದೆ. ಹೊಸ ವಲಸೆ ಕಾನೂನುಗಳ ಅಡಿಯಲ್ಲಿ ಈ ಕ್ರಮ ಕೈಗೊಳ್ಳಲಾಗುತ್ತಿದೆ. ಕಳೆದ 10 ವರ್ಷಗಳಲ್ಲಿ 1 ಕೋಟಿ ಕೆಜಿಗೂ ಹೆಚ್ಚು ಮಾದಕವಸ್ತುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಇದು 2005-2014ರ 26 ಲಕ್ಷ ಕೆಜಿಗಿಂತ ನಾಲ್ಕು ಪಟ್ಟು ಹೆಚ್ಚು. ಮ್ಯಾನ್ಮಾರ್ - ಬಾಂಗ್ಲಾದೇಶ ಗಡಿಯಿಂದ ಹೆರಾಯಿನ್ , ಆಫ್ರಿಕನ್ ದೇಶಗಳಿಂದ ಕೊಕೇನ್ ಮತ್ತು ಆಗ್ನೇಯ ಏಷ್ಯಾದಿಂದ ಮೆಥಾಂಫೆಟಮೈನ್ ಕಳ್ಳಸಾಗಣೆ ಮೇಲೆ ಎನ್‌ಸಿಬಿ ಕ್ರಮ ಕೈಗೊಂಡಿದೆ.

ಈ ಬಗ್ಗೆ ಮಾದಕ ವಸ್ತುಗಳ ನಿಯಂತ್ರಣ ಬ್ಯೂರೋ ( ಎನ್‌ಸಿಬಿ) ವರದಿಯ ಆಧಾರದ ಮೇಲೆ ಗೃಹ ವ್ಯವಹಾರಗಳ ಸಚಿವಾಲಯ (ಎಂಎಚ್‌ಎ) 16,000 ಕ್ಕೂ ಹೆಚ್ಚು ವಿದೇಶಿ ಮಾದಕ ವಸ್ತುಗಳ ಕಳ್ಳಸಾಗಣೆದಾರರನ್ನು ಗಡೀಪಾರು ಮಾಡುವ ಪ್ರಕ್ರಿಯೆಯನ್ನು ಪ್ರಾರಂಭಿಸಿದೆ. ಇದರೊಂದಿಗೆ, ಗೃಹ ಸಚಿವ ಶಾ ಅವರ ಸಮ್ಮುಖದಲ್ಲಿ ಇಂದು ದೇಶಾದ್ಯಂತ 4,000 ಕೆಜಿಗೂ ಹೆಚ್ಚು ಮಾದಕ ವಸ್ತುಗಳನ್ನು ನಾಶಪಡಿಸಲಾಯಿತು. ಮುಂದಿನ 15 ದಿನಗಳಲ್ಲಿ 1 ಲಕ್ಷ ಕೆಜಿ ಮಾದಕ ವಸ್ತುಗಳನ್ನು ನಾಶಪಡಿಸಲಾಗುವುದು ಎಂದು ಎನ್‌ಸಿಬಿ ತಿಳಿಸಿದೆ. ಮಾರುಕಟ್ಟೆಯಲ್ಲಿ ಇವುಗಳ ಬೆಲೆ 4,000 ಕೋಟಿ ರೂ.ಗಳಿಗಿಂತ ಹೆಚ್ಚಿದ್ದು. ಎನ್‌ಸಿಬಿ ಮತ್ತು ವಿವಿಧ ರಾಜ್ಯ ಪೊಲೀಸರ ಸಮನ್ವಯದೊಂದಿಗೆ ಈ ಕ್ರಮ ಕೈಗೊಳ್ಳಲಾಗಿದೆ. (ಏಜೆನ್ಸೀಸ್)

https://www.vijayavani.net/dehradun-shaken-by-varunas-outburst-modi-says-central-government-will-stand-firm-with-uttarakhand