ರಾಷ್ಟ್ರೀಯ ಜೂ. ಈಜು: ಕರ್ನಾಟಕಕ್ಕೆ ಮತ್ತೆ 9 ಚಿನ್ನದ ಪದಕ

ಬೆಂಗಳೂರು: ಕರ್ನಾಟಕದ ಈಜುಪಟುಗಳು ಒಡಿಶಾದ ಭುವನೇಶ್ವರದಲ್ಲಿ ನಡೆಯುತ್ತಿರುವ 52ನೇ ಜೂನಿಯರ್​ ರಾಷ್ಟ್ರೀಯ ಈಜು ಚಾಂಪಿಯನ್​ಷಿಪ್​ನ (

junior national championship

) 2ನೇ ದಿನ 9 ಚಿನ್ನ, 5 ಬೆಳ್ಳಿ, 2 ಕಂಚಿನ ಸಹಿತ 16 ಪದಕಗಳನ್ನು ಗೆದ್ದುಕೊಂಡಿದ್ದಾರೆ.

ಮೊದಲ ದಿನ ರಾಜ್ಯ ತಂಡ 7 ಚಿನ್ನ ಸಹಿತ 16 ಪದಕಗಳನ್ನು ಜಯಿಸಿತ್ತು. ಬುಧವಾರ ನಡೆದ ಸ್ಪರ್ಧೆಗಳಲ್ಲಿ ಚರಿತಾ ಣೀಂದ್ರನಾಥ್​, ರುಜುಲಾ ಎಸ್​, ತಾನ್ಯಾ ಷಡಾಕ್ಷರಿ, ವಿಹಿತಾ ನಯನಾ, ತನಿಷಿ ಗುಪ್ತಾ, ಸಮರ್ಥ್​ ಗೌಡ, ವೇದಾಂತ್​ ರಾಕೇಶ್​ ಮೆಹ್ರಾ ತಲಾ 1 ಚಿನ್ನ ಗೆದ್ದರು. ಬಾಲಕಿಯರ 4/100 ಮೀ. ಮೆಡ್ಲೆ ರಿಲೇ ಸ್ಪರ್ಧೆಯ ಗ್ರೂಪ್​-1ಎ ಮತ್ತು 1ಬಿ ವಿಭಾಗಗಳಲ್ಲೂ ರಾಜ್ಯಕ್ಕೆ ಚಿನ್ನ ಒಲಿಯಿತು.

ಅಮನ್​ ಅಭಿಜಿತ್​, ಪ್ರಿಯಾಂಶಿ ಮಿಶ್ರಾ, ನೈಷಾ, ತಿಸ್ಯ ಸೋನರ್​, ಮೋನಿಷಾ ಪಿ. ಬೆಳ್ಳಿ ಪದಕಕ್ಕೆ ಕೊರಳೊಡ್ಡಿದರು. ಡೇನಿಯಲ್​ ಪೌಲ್​, ಸುಬ್ರಹ್ಮಣ್ಯ ಜೀವಮಾಂಶ್​ ಕಂಚಿಗೆ ತೃಪ್ತಿಪಟ್ಟರು.