ನವದೆಹಲಿ: ಪ್ರತಿಯೊಬ್ಬ ಪೋಷಕರು ತಮ್ಮ ಮಕ್ಕಳು ಆರೋಗ್ಯಕರವಾಗಿರಬೇಕು ಎಂದು ಪೋಶಕಾಂಶವುಳ್ಳ ಹಣ್ಣುಗಳು, ಹಾಲು, ತರಕಾರಿಗಳು ಮತ್ತು ಕಾಳುಗಳು ಇತ್ಯಾದಿಗಳನ್ನು ತಿನ್ನಲು ನೀಡುತ್ತಾರೆ. ಆದರೆ ಇಲ್ಲೊಬ್ಬಳು ಬಾಲಕಿ ಮನುಷ್ಯರು ತಿನ್ನುವ ಸಾಮಾನ್ಯವಾದ ಆಹಾರಗಳನ್ನು ತಿನ್ನುವುದನ್ನು ಬಿಟ್ಟು ಬೇರೆಯ ಅಭ್ಯಾಸವನ್ನೆ ಮಾಡಿಕೊಂಡಿದ್ದಾಳೆ.
ನ್ಯೂಯಾರ್ಕ್ ಪೋಸ್ಟ್‌ನ ವರದಿಯ ಪ್ರಕಾರ, ಈ ಹುಡುಗಿ ವಿಚಿತ್ರ ಕಾಯಿಲೆಯಿಂದ ಬಳಲುತ್ತಿದ್ದಾಳೆ, ಇದರಲ್ಲಿ ಅವಳು ಮನೆಯಲ್ಲಿ ಇರುವ ಹಾಸಿಗೆಗಳು, ಸೋಫಾಗಳು, ಗಾದಿಗಳು ಸೇರಿದಂತೆ ಸುಮಾರು ಎಂಟು ಫೋಟೋ ಫ್ರೇಮ್‌ಗಳನ್ನು ಒಡೆದು ಗಾಜಿನನ್ನು ತಿನ್ನಲು ಪ್ರಯತ್ನಿಸಿದ್ದಾಳೆ.
ಈ ವಿಷಯಗಳು ನಿಸ್ಸಂಶಯವಾಗಿ ಮಗುವಿಗೆ ಗಂಭೀರ ಹಾನಿಯನ್ನುಂಟುಮಾಡಬಹುದು, ಆದರೆ ಅವಳು ಮಗು, ಏನು ತಿನ್ನಬೇಕು ಮತ್ತು ಏನು ಮಾಡಬಾರದು ಎಂಬುದರ ಬಗ್ಗೆ ಆಕೆಗೆ ತಿಳುವಳಿಕೆ ಇಲ್ಲ. ಹೀಗಾಗಿ ತಿನ್ನಲು ಆಸೆ ಪಡುತ್ತಾಳೆ ಎಂದರೆ ತಪ್ಪು ತಿಳುವಳಿಕೆಯಾಗಿದೆ. ಇದೊಂದು ರೀತಿ ವಿಚಿತ್ರ ಕಾಯಿಲೆಯಾಗಿದೆ. ಈ ಕಾಯಿಲೆಯಿಂದ ಬಳಲುತ್ತಿರುವ ಮಕ್ಕಳು ಅಥವಾ ದೊಡ್ಡವರು ಏನು ಬೇಕಾದರೂ ತಿನ್ನಲು ಹಾತೊರೆಯುತ್ತಾರೆ ಎನ್ನಲಾಗಿದೆ.
ತಾಯಿ ಸ್ಟೇಸಿ ಅಹೆರ್ನೆ ಮಗಳ ಸಮಸ್ಯೆ ಬಗ್ಗೆ ಮಾತನಾಡಿ, ನನ್ನ ಪುಟ್ಟ ಮಗಳು ವಿಂಟರ್ ಮನೆಯ ಗೋಡೆಗಳಿಂದ ಪ್ಲಾಸ್ಟರ್ ಕಿತ್ತು ತಿನ್ನಲು ಪ್ರಯತ್ನಿಸಲು ಪ್ರಾರಂಭಿಸಿದ್ದಳು. ಆದರೆ ನಾನು ಈ ವಿಚಾರವನ್ನು ಗಂಭೀರವಾಗಿ ಭಾವಿಸಲಿಲ್ಲ. ಆಕೆಯ ಬೆಳವಣಿಗೆಯು ಸಾಮಾನ್ಯವಾಗಿ ಮುಂದುವರೆಯಿತು, ಅವಳು 13 ತಿಂಗಳ ವಯಸ್ಸಿನವಳಾಗುತ್ತಾಳೆ, ಆಗ ಪರಿಸ್ಥಿತಿಗಳು ಇದ್ದಕ್ಕಿದ್ದಂತೆ ಬದಲಾಯಿತ್ತು. ನಂತರ ವೈದ್ಯರ ಬಳಿ ಕೆದುಕೊಂಡು ಹೋಗಿ ಪರಿಶೀಲನೆ ಮಾಡಿದಾಗ ಆಕೆಗೆ 2024 ರ ಜನವರಿಯಲ್ಲಿ ಬಾಲಕಿಗೆ ಪಿಕಾ ಮತ್ತು ಸ್ವಲೀನತೆ ಇರುವುದು ಪತ್ತೆಯಾಯಿತು.
ಅಷ್ಟೇ ಅಲ್ಲ, ಸೋಫಾದ ಬಳಿ ಹೋದಾಗ ಅದರ ಫ್ಯಾಬ್ರಿಕ್ ಮತ್ತು ಸ್ಪಾಂಜ್ ತಿನ್ನಲು ಪ್ರಯತ್ನಿಸುತ್ತಾಳೆ ಮತ್ತು ಕೆಲವೊಮ್ಮೆ ಮರದ ಪೀಠೋಪಕರಣಗಳನ್ನು ತಿನ್ನಲು ಪ್ರಾರಂಭಿಸುತ್ತಾಳೆ. ಮಗುವನ್ನು ಯಾವಾಗಲೂ ಹಗಲು, ರಾತ್ರಿ ಎನ್ನದೆ ಎಚ್ಚರದಿಂದ ನೋಡಿಕೊಳ್ಳಬೇಕು. ಏಕೆಂದರೆ ವಿಚಿತ್ರವಾದ ವಸ್ತುಗಳನ್ನು ತಿನ್ನುವಾಗ ಅವಳ ಆರೋಗ್ಯಕ್ಕೆ ಗಂಭೀರವಾಗಿ ಹಾನಿಗೊಳಗಾಗಬಹುದು. ಆದರೆ, ಇದುವರೆಗೂ ಆಕೆಗೆ ಯಾವುದೇ ಗಂಭೀರ ಸಮಸ್ಯೆಯಾಗಿಲ್ಲ ಎಂದು ಹೇಳಿದ್ದಾಳೆ.
ಹುಡುಗಿ ಯಾವ ಕಾಯಿಲೆಯಿಂದ ಬಳಲುತ್ತಿದ್ದಾಳೆ?: ಈ ಬಾಲಕಿಗೆ ಅಪರೂಪದ ತಿನ್ನುವ ಅಸ್ವಸ್ಥತೆಯನ್ನು ಹೊಂದಿದ್ದಾಳೆ, ಇದನ್ನು ಪಿಕಾ ಎಂದು ಕರೆಯಲಾಗುತ್ತದೆ. ಈ ಕಾಯಿಲೆಯಿಂದ ಬಳಲುತ್ತಿರುವ ವ್ಯಕ್ತಿಗೆ ತಿನ್ನಲು ಯೋಗ್ಯವಲ್ಲದ ಇಂತಹ ವಿಚಿತ್ರಗಳನ್ನು ತಿನ್ನುವ ಆಸೆ ಇರುತ್ತದೆ. ಈ ಕಾಯಿಲೆಯಿಂದ ಬಳಲುತ್ತಿರುವ ವ್ಯಕ್ತಿಗೆ ಏನನ್ನು ಮಾಡಲಾಗುವುದಿಲ್ಲ ಎಂದು ವೈದ್ಯರು ಹೇಳುತ್ತಾರೆ. ಆದರೆ ಎಲ್ಲಾ ಸಮಯದಲ್ಲೂ ಕಾಳಜಿ ವಹಿಸಬೇಕು, ಆದ್ದರಿಂದ ಅವರು ವಿಚಿತ್ರವಾದ ವಸ್ತುಗಳನ್ನು ತಿನ್ನುವ ಮೂಲಕ ತಮ್ಮನ್ನು ತಾವು ಹಾನಿಗೊಳಿಸುವುದಿಲ್ಲ ಎನ್ನಲಾಗಿದೆ.