ಎಡಿನ್ಬರ್ಗ್: ವಿಚಿತ್ರ ಘಟನೆಯೊಂದರಲ್ಲಿ ಮಕ್ಕಳ ಫೋಟೋ ತೆಗೆದ ಸ್ಕಾಟ್ಲೆಂಡ್ ಮಹಿಳೆಗೆ ಮಕ್ಕಳ ಚಿತ್ರದ ಬದಲಾಗಿ ಫೋಟೋದಲ್ಲಿ ‘666’ ಎಂಬ ನಿಗೂಢ ಚಿಹ್ನೆ ನೋಡಿ ಹೆದರಿದ್ದಾಗಿ ಹೇಳಿದ್ದಾಳೆ.
ಹೆಸರೇಳಲು ಇಚ್ಛಿಸದ ಮಹಿಳೆ ಫೋಟೋದಲ್ಲಿನ ನಿಗೂಢ ಗುರುತನ್ನು ನೋಡಿ ಈಗಲೂ ಭಯದಲ್ಲಿರುವುದಾಗಿ ತಿಳಿಸಿದ್ದಾಳೆ. ಕಳೆದ ಮಂಗಳವಾರ ರಾತ್ರಿ ಶಾಪಿಂಗ್ ಮುಗಿಸಿ ಮಕ್ಕಳನ್ನು ಕರೆದುಕೊಂಡು ಮನೆಗೆ ಹಿಂದಿರುಗುವಾಗ ಅಬರ್ಡೀನ್ನ ಸೀಟನ್ ಏರಿಯಾದಲ್ಲಿರುವ ಫುಟ್ಬಾಲ್ ಮೈದಾನದಲ್ಲಿ ಕುಟುಂಬದೊಂದಿಗೆ ಕೆಲವು ಫೋಟೋಗಳನ್ನು ತೆಗೆದುಕೊಂಡಿದ್ದಳು.
ಇದನ್ನೂ ಓದಿ: ಅಡುಗೆ ಮನೆಯಿಂದ ಕೇಳಿಬಂದ ವಿಚಿತ್ರ ಶಬ್ದದ ಬೆನ್ನಲ್ಲೇ ಫೋಟೋ ಕ್ಲಿಕ್ಕಿಸಿ ನೋಡಿದವನಿಗೆ ಕಾದಿತ್ತು ಶಾಕ್!
ಆರಂಭದಲ್ಲಿ ಫೋಟೋವನ್ನು ಸೂಕ್ಷ್ಮವಾಗಿ ಗಮನಿಸದ ಮಹಿಳೆ ಮನೆಗೆ ಹೋದ ಬಳಿಕ ಒಂದೊಂದಾಗಿ ಫೋಟೋಗಳನ್ನು ನೋಡುವಾಗ ಫೋಟೋವೊಂದರಲ್ಲಿ ನೀರುಗಡ್ಡೆಯಲ್ಲಿ ಬರೆದಿರುವಂತೆ ವಿಲಕ್ಷಣವಾಗಿ ಕಾಣುವ 666 ನಂಬರ್ ಅನ್ನು ನೋಡಿದ್ದಾಳೆ. ನಂಬರ್ ಹೇಗೆ ಫೋಟೋದಲ್ಲಿ ಬಂತು ಎಂದು ತಲೆ ಕೆಡಿಸಿಕೊಂಡಿರುವ ಮಹಿಳೆ ಇದೀಗ ಅದರ ಅರ್ಥವನ್ನು ತಿಳಿದು ಮತ್ತಷ್ಟು ಚಿಂತಿತರಾಗಿದ್ದಾರೆ.
ಅಂದಹಾಗೆ 666 ಎನ್ನುವುದು ಬೈಬಲ್ನ ಬಹಿರಂಗ ಪುಸ್ತಕದಲ್ಲಿ ‘ಮೃಗದ ಸಂಖ್ಯೆ’ ಮತ್ತು ಇದು ದೆವ್ವದೊಂದಿಗೆ ಹಾಗೂ ಅಪೋಕ್ಯಾಲಿಪ್ಸ್ನಲ್ಲಿ ವಿಶ್ವದ ಅಂತ್ಯದೊಂದಿಗೆ ಸಂಬಂಧ ಹೊಂದಿದೆಯಂತೆ. ಒಮೆನ್ ಸಿನಿಮಾದಂತಹ ಪ್ರಖ್ಯಾತ ಸಂಸ್ಕೃತಿಯಲ್ಲಿಯೂ ಸಾವು ಮತ್ತು ವಿನಾಶವನ್ನು ತರುತ್ತದೆ ಎಂದು ಕ್ರೈಸ್ಟ್ ವಿರೋಧಿಗಳ ಮೇಲೆ ಈ ನಂಬರ್ ಅನ್ನು ಬರೆಯಲಾಗಿತ್ತಂತೆ.
ಇದನ್ನೂ ಓದಿ: ಕೈ ಕಳೆದುಕೊಂಡು ಕೇರಳ ಯೋಧನ ಜೀವ ಉಳಿಸಿ, ಮದ್ವೆಯಾಗಿರುವ ಛತ್ತೀಸ್ಗಢ ಮಹಿಳೆಯ ಹೊಸ ಸಾಹಸ!
ಇದೀಗ ಫೋಟೋದಿಂದ ಭಯಗೊಂಡಿರುವ ಮಹಿಳೆ ಏನು ಮಾಡುವುದು ಎಂದು ಫೋಟೋವನ್ನು ಜಾಲತಾಣದಲ್ಲಿ ಪೋಸ್ಟ್ ಮಾಡಿ ಸಲಹೆ ಕೇಳಿದ್ದಾಳೆ. ಈ ಬಗ್ಗೆ ಅನೇಕ ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ. ನಾನೇನು ಮೂಢನಂಬಿಕೆ ವ್ಯಕ್ತಿಯಲ್ಲ. ಫೋಟೋದಲ್ಲಿ ನನಗೆ ಕೇವಲ ನಂಬರ್ ಮಾತ್ರ ಕಾಣಿಸುತ್ತಿದೆ ಎಂದು ನೆಟ್ಟಿಗರೊಬ್ಬರು ಹೇಳಿದ್ದಾರೆ. ಇನ್ನು ಕೆಲವರು ನಿಜಕ್ಕೂ ಭಯಾನಕವಾಗಿದೆ ಎಂದಿದ್ದಾರೆ. (ಏಜೆನ್ಸೀಸ್)
ನಾನು ಬದುಕಲಿ ಎಂದು ಪ್ಲೀಸ್ ಪ್ರಾರ್ಥಿಸಿ ಎನ್ನುತ್ತಲೇ ಕೊನೆಯುಸಿರೆಳೆದ ನಟಿ ದಿವ್ಯಾ