ಶ್ರವಣ್ಕುಮಾರ್ ನಾಳ, ಮಂಗಳೂರು
ಶಿಕ್ಷಣಕಾಶಿ, ಕಡಲನಗರಿ, ಬದರುನಗರಿ ಎಂಬ ಬಿರುದು ಪಡೆದು ದೇಶದ ವಿಶಿಷ್ಠ ನಗರವಾಗಿರುವ ಮಂಗಳೂರಿಗೆ ಡ್ರಗ್ಸ್ ಕಂಟಕ ಎದುರಾಗಿದ್ದು, ಮಾದಕ ವಸ್ತುಗಳ ಸಾಗಾಟ, ಮಾರಾಟಕಕ್ಕೆ ಕಡಿವಾಣ ಬಿದ್ದಿಲ್ಲ.
ಮಾರಕವಾಗಿರುವ ಎಂಡಿಎಂಎ, ಎಲ್ಎಸ್ಡಿ, ಕೊಕೇನ್ನಂತಹ ಸಿಂಥೆಟಿಕ್ ಡ್ರಗ್ಸ್ಗಳು ಕೂಡಾ ಶಾಲಾ ಕಾಲೇಜು ವಿದ್ಯಾರ್ಥಿಗಳನ್ನು ಗುರಿಯಾಗಿಸಿ ಪೂರೈಕೆ ಮಾಡಲಾಗುತ್ತಿದೆ. ಶಾಲಾ ಕಾಲೇಜು ವ್ಯಾಪ್ತಿಯ ಗೂಡಂಗಡಿಗಳು, ಅಂಗಡಿಗಳು ಡ್ರಗ್ಸ್ನ ಅಡ್ಡೆಗಳಾಗಿ ಮಾರ್ಪಾಡಾಗುತ್ತಿವೆ. ಆರಂಭದಲ್ಲಿ ಶೋಕಿಗೆಂದು ಸೇವನೆ ಆರಂಭಿಸುವ ವಿದ್ಯಾರ್ಥಿಗಳು ಬರಬರುತ್ತಾ ಡ್ರಗ್ಸ್ ದಾಸರಾಗುತ್ತಿದ್ದಾರೆ. ಮಂಗಳೂರು ಹಾಗೂ ಬೆಂಗಳೂರಿಗೆ ಬರುವ ಗಾಂಜಾ ಹಾಗೂ ಗಾಂಜಾ ಮೌಲ್ಯವರ್ಧಿತ ಅಮಲು ಉತ್ಪನ್ನಗಳ ಮೂಲ ಹಿಮಾಚಲ ಪ್ರದೇಶದ ಮಲನಾ ಗ್ರಾಮ.
*ವಿದ್ಯಾರ್ಥಿಗಳೇ ಟಾರ್ಗೆಟ್ !
ನಗರದ ಹಲವಡೆ ಕಾಲೇಜು ವಿದ್ಯಾರ್ಥಿಗಳನ್ನು ಗುರಿಯಾಗಿರಿಸಿ ಗಾಂಜಾ ಮೌಲ್ಯವರ್ಧಿತ ಅಮಲು ಉತ್ಪನ್ನ, ಮಾದಕ ವಸ್ತು, ಎಂಡಿಎಂ ಮಾರಾಟ ಮಾಡಲಾಗುತ್ತಿದೆ. ಈ ಹಿಂದೆ ಕೂಡ ಪತ್ತೆಯಾದ ಪ್ರಕರಣಗಳಲ್ಲಿ ಹೆಚ್ಚಿನ ಆರೋಪಿಗಳು ಕಾಲೇಜು ವಿದ್ಯಾರ್ಥಿಗಳನ್ನು ಗುರಿಯಾಗಿರಿಸಿ ಮಾದಕ ವಸ್ತುವನ್ನು ಸಾಗಾಟ ಮಾಡುತ್ತಿದ್ದುದನ್ನು ಬಹುತೇಕ ಆರೋಪಿಗಳು ಒಪ್ಪಿಕೊಂಡಿದ್ದರು. ಇದು ಮತ್ತೆ ಮುಂದುವರಿಯುತ್ತಿದೆ. ಪೊಲೀಸರ ಕಣ್ಣು ತಪ್ಪಿಸಿ ವ್ಯವಹಾರ ನಡೆಯುತ್ತಲೇ ಇದೆ. ಬಹುತೇಕ ಪ್ರಕರಣಗಳಲ್ಲಿ ವಿದ್ಯಾರ್ಥಿಗಳು, ಯುವಜನತೆಯೇ ಡ್ರಗ್ ಪೆಡ್ಲರ್ಗಳಾಗಿ ಕಾರ್ಯನಿರ್ವಹಿಸುತ್ತಿರುವುದು ಆತಂಕ ಹೆಚ್ಚಿಸಿದೆ.
*ಡ್ರಗ್ಸ್ ಮಾರಾಟವೇ ಹಲವರ ವೃತ್ತಿ
ಬಹುತೇಕರಿಗೆ ಮಾದಕ ವಸ್ತುಗಳ ಮಾರಾಟವೇ ವೃತ್ತಿ. ಮೇ1 ರಂದು ಮಂಗಳೂರು ಸಿಸಿಬಿ ಪೊಲೀಸರು ಕಾರ್ಯಾಚರಣೆ ನಡೆಸಿ ಇಬ್ಬರು ಆರೋಪಿಗಳನ್ನು ಬಂ-ಸಿದ್ದು, ಅವರಿಂದ ಬರೋಬ್ಬರಿ 16,13,800 ರೂ ಮೌಲ್ಯದ ಸೊತ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ. ಉಳ್ಳಾಲ ಬಸ್ತಿಪಡ್ಪುನವಿನ ಮೊಹಮ್ಮದ್ ಇಶಾನ್(35) ಮತ್ತು ಉಳ್ಳಾಲ ಅಕ್ಕರೆಕೆರೆ ನಿವಾಸಿ ಜಾರ್ ಸಾ-ಕ್(35) ಬಂ-ತರು. ಇವರು ಡ್ರಗ್ಸ್ ಮಾರಾಟವನ್ನೇ ವೃತ್ತಿಯಾಗಿಸಿದ್ದರು. ಇತ್ತೀಚೆಗೆ ವೆನ್ಲಾಕ್ ಆಸ್ಪತ್ರೆಯಲ್ಲಿ ನೇಣು ಬಿಗಿದು ಆತ್ಮಹತ್ಯೆ ಮಾಡಿಕೊಂಡ ಡ್ರಗ್ಸ್ ಪ್ರಕರಣದ ವಿಚಾರಣಾಧೀನ ಕೈದಿ ಕಾಸರಗೋಡು ಮಂಜೇಶ್ವರದ ಮಹಮ್ಮದ್ ನೌಫಾಲ್ (26) ಕೂಡ ಡ್ರಗ್ಸ್ ಮಾರಾಟವೇ ವೃತ್ತಿಯಾಗಿಸಿದ್ದರು. ಇಂತಹ ಸುಮಾರು 280ಕ್ಕೂ ಅಧಿಕ ಡ್ರಗ್ಸ್ ಪೆಡ್ಲರ್ಗಳು ಇದ್ದಾರೆ.
ಪ್ರತಿವರ್ಷ 200ಕ್ಕೂ ಅ-ಧಿಕ ಪ್ರಕರಣ
ಪ್ರತಿ ವರ್ಷ 200ಕ್ಕೂ ಅ-ಧಿಕ ಮಾದಕ ದ್ರವ್ಯ ಪತ್ತೆ ಪ್ರಕರಣಗಳನ್ನು ಪೊಲೀಸರು ಪತ್ತೆಹಚ್ಚಿರುವುದನ್ನು ಅಂಕಿ ಅಂಶಗಳು ದೃಢಪಡಿಸುತ್ತವೆ. ಮಾದಕ ವಸ್ತು ಸಾಗಾಟ ಮತ್ತು ಪೂರೈಕೆ ಪ್ರಕರಣಕ್ಕೆ ಸಂಬಂ-ಸಿದಂತೆ ಮಂಗಳೂರು ನಗರದಲ್ಲಿ 2023ರಲ್ಲಿ 200ರಷ್ಟು ಪ್ರಕರಣಗಳು ಪತ್ತೆಯಾಗಿದ್ದವು. 2022ರಲ್ಲಿ 397 ಮತ್ತು 2021ರಲ್ಲಿ 328 ಪ್ರಕರಣಗಳು ದಾಖಲಾಗಿದ್ದವು. 2020ರಲ್ಲಿ ಮಂಗಳೂರು ಪೊಲೀಸರು ಅಕ್ರಮ ಡ್ರಗ್ಸ್ ಸಾಗಾಟ, ಪೂರೈಕೆಗೆ ಸಂಬಂ-ಸಿ 189 ಪ್ರಕರಣಗಳು ದಾಖಲಾಗಿದ್ದವು.
ಗಾಂಜಾದ ಮೂಲ ಹಿಮಾಚಲದ ಮಲನಾ
ಪ್ರಪಂಚದ ಮೂಲೆ ಮೂಲೆಗೂ ಗಾಂಜಾ ಮೌಲ್ಯವರ್ಧಿತ ಅಮಲು ಉತ್ಪನ್ನ ಸರಬರಾಜು ಆಗುವುದು ಹಿಮಾಚಲ ಪ್ರದೇಶದ ಮಲನಾ ಗ್ರಾಮದಿಂದ. ಮಂಗಳೂರಿಗೂ ಬರುವ ಗಾಂಜಾ ಕೂಡ ಮಲನಾ ಮೂಲದ್ದೆ. ಇದರಲ್ಲಿ ಕಿಕ್ ಮತ್ತು ಟೇಸ್ಟ್ ಜಾಸ್ತಿ. ಮಾತ್ರವಲ್ಲದೆ ಸುಲಭವಾಗಿ ಮಲನಾ ಪ್ರದೇಶದಲ್ಲಿ ಬೆಳೆಯಲಾಗುತ್ತಿದೆ. ಮಲಾನಾ ಪ್ರತದೇಶವು ಗಾಂಜಾದಿಂದ ಸಿದ್ದವಾಗುವ ಮಲಾನಾ ಕ್ರೀಮ್ಗೆ ಹೆಸರುವಾಸಿ. ಮಲಾನಾ ಕ್ರೀಮ್ ಅನ್ನು ಗಾಂಜಾದ ಹೆಚ್ಚಿನ ಶುದ್ಧತೆಯ ಹ್ಯಾಶ್ ಎಂದು ಪರಿಗಣಿಸಲಾಗುತ್ತದೆ. ಮಲಾನಾ ಕ್ರೀಮ್ ತಯಾರಿಸುವ ಸಲುವಾಗಿ ಲೈವ್ ಗಾಂಜಾ ಹೂವನ್ನು ಕೈಗಳ ನಡುವೆ ಪದೇ ಪದೇ ಉಜ್ಜಿ ರಾಳವನ್ನು ಹೊರತೆಗೆದು ಅಂಗೈಯಲ್ಲಿ ಜಿಗುಟಾದ ಹ್ಯಾಶಿಶ್ ಪದರ ಉತ್ಪಾದಿಸಲಾಗುತ್ತದೆ. ಸರ್ಕಾರದ ನಿಷೇದವಿದ್ದರೂ ಇಲ್ಲಿನ ಭೂ ಭಾಗದ ಶೇ.25ರಷ್ಟು ವಾರ್ಷಿಕ ಗಾಂಜಾ ಬೆಳೆಯಲಾಗುತ್ತಿದ್ದು, ಮಲನಾ ಕ್ರೀಮ್ ಹಾಗೂ ಗಾಂಜಾ ಇಲ್ಲಿಂದ ಎಲ್ಲೆಡೆ ಪೂರೈಕೆಯಾಗುತ್ತದೆ.
ಶಾಲಾ ಕಾಲೇಜು ಸುತ್ತಮುತ್ತ ಡ್ರಗ್ಸ್ ಮಾರಾಟ, ಸೇವನೆ ಬಗ್ಗೆ ನಿಗಾ ಇರಿಸಲಾಗಿದೆ. ಮಾದಕ ವಸ್ತುಗಳಬಗ್ಗೆ ಜನರಲ್ಲಿ ಜಾಗೃತಿ ಮೂಡಿದೆ. ಕಳೆದ ವರ್ಷಕ್ಕೆ ಹೋಲಿಸಿದರೆ ಈಬಾರಿ ಪ್ರಕರಣಗಳೂ ಕಡಿಮೆಯಾಗುತ್ತಿದೆ.
ಶ್ಯಾಮ್ಸುಂದರ್, ಪೊಲೀಸ್ ನಿರೀಕ್ಷಕರು
ಸೈಬರ್ ಎಕನಾಮಿಕ್ ಮತ್ತು ನಾರ್ಕೊಟಿಕ್ಸ್ ಕೆಂ ಪೊಲೀಸ್ ಠಾಣೆ& ಮಂಗಳೂರು