Breakfast What to Eat: ಕೆಲಸ ಮಾಡುವ ವಿಚಾರದಲ್ಲಿ ಕೆಲವು ದಿನ ಉತ್ಸಾಹದಿಂದ ಇದ್ದರೆ, ಇನ್ನೂ ಕೆಲವು ದಿನ ಬೇಸರ, ನಿರುತ್ಸಾಹ ಕಾಡುವುದು, ಸುಸ್ತು, ಬಳಲಿಕೆ ಕಾಡುವುದು ಸಹಜ. ಇದಕ್ಕೆ ಹವಮಾನ ಬದಲಾವಣೆ ಮಾತ್ರವಲ್ಲ. ನೀವು ಬೆಳಿಗ್ಗೆ ಸೇವಿಸುವ ಬ್ರೇಕ್ಫಾಸ್ಟ್ ಇದಕ್ಕೆ ಕಾರಣವಾಗುತ್ತದೆ ಎನ್ನುತ್ತಾರೆ ಖ್ಯಾತ ಪೌಷ್ಟಿಕತಜ್ಞೆ ಅಂಜಲಿ ಮುಖರ್ಜಿ.
ಪೌಷ್ಟಿಕತಜ್ಞೆ ಅಂಜಲಿ ಮುಖರ್ಜಿ ಅವರು ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿರುವ ವಿಡಿಯೋ ಪ್ರಕಾರ, ನಾವು ನಿತ್ಯ ಮುಂಜಾನೆ ಬ್ರೇಕ್ಫಾಸ್ಟ್ ಸೇವಿಸುವ ಅನ್ನ, ದೋಸೆ, ಪುರಿ ಇವುಗಳು ನಿಮಗೆ ಹೊಟ್ಟೆ ತುಂಬಿದಂತೆ ಮಾಡುತ್ತವೆ. ಆದರೆ, ಇದರಲ್ಲಿರುವ ಸಕ್ಕರೆ ಅಂಶವು ನಿಮನ್ನು ಯಾವ ರೀತಿ ಕುಗ್ಗಿಸುತ್ತದೆ, ಕೆಲಸದಲ್ಲಿ ನಿರುತ್ಸಾಹ ಮೂಡಿಸುವಂತೆ ಮಾಡುತ್ತದೆ ಎನ್ನುವ ಬಗ್ಗೆ ವಿವರಣೆ ನೀಡಿದ್ದಾರೆ.
ಪ್ಯಾನ್‌ಕೇಕ್‌ಗಳು, ಹಾಲಿನೊಂದಿಗೆ ಸಿರಿಧಾನ್ಯ ಪೌಡರ್, ಇಡ್ಲಿ, ದೋಸೆ, ಉಪ್ಪಿಟ್ಟು, ಅವಲಕ್ಕಿ ಅಥವಾ ಹಣ್ಣಿನ ರಸ ಬಿಟ್ಟು ಏನನ್ನು ತಿನ್ನಬೇಕು ಎನ್ನುವುದನ್ನು ಇಲ್ಲಿ ವಿವರಿಸಲಾಗಿದೆ.
ಪ್ರೋಟಿನ್ ಆಹಾರಕ್ಕೆ ಪ್ರಾಮುಖ್ಯತೆ ಕೊಡಿ
ಬೆಳಗಿನ ಉಪಾಹಾರದಲ್ಲಿ ಹೆಚ್ಚಿನ ಪ್ರೋಟೀನ್ ಸೇವಿಸುವುದರಿಂದ ಹೊಟ್ಟೆ ದೀರ್ಘಕಾಲದವರೆಗೆ ತುಂಬಿರುವಂತೆ ನೋಡಿಕೊಳ್ಳುತ್ತದೆ. ಹೀಗಾಗಿ ಹಸಿವಾದಾಗ ಅಂಗಡಿಯಲ್ಲಿ ಕುರುಕಲು ಆಹಾರ ಸೇವನೆ ಮಾಡುವುದನ್ನು ಅವಾಯ್ಡ್ ಮಾಡಲು ಸಹಾಯ ಮಾಡುತ್ತದೆ.
