ಪಗ್ಡುಂಡಿ ಸಫಾರಿಸ್ ಸಂಸ್ಥೆಯು ತನ್ನ ವೆಬ್ಸೈಟ್ನಲ್ಲಿ ಹಂಚಿಕೊಂಡಿರುವ ಮಾಹಿತಿ ಪ್ರಕಾರ, ಈ ಪ್ರಪಂಚದಾದ್ಯಂತ 4 ಸಾವಿರಕ್ಕೂ ಹೆಚ್ಚು ಪ್ರಬೇಧ ಹಾವುಗಳಿವೆ. ಭಾರತದಲ್ಲಿ 300ರಿಂದ 500 ಪ್ರಭೇದದ ಹಾವುಗಳು ಇರಬಹುದು. ಸರ್ಪ್, ಹಾವು, ಸರ್ಪ, ಪಾಮು, ಸಾಪ್, ಪಾಂಬು ಹೀಗೆ ಭಾರತೀಯ ಭಾಷೆಗಳಲ್ಲಿ ನಾನಾ ರೀತಿಯಲ್ಲಿ ಕರೆಸಿಕೊಳ್ಳುವ ಇವುಗಳ ಹೆಸರು ನಮಗೆ ತಿಳಿದಿರುವುದು ಬೆರಳೆಣಿಕೆ ಮಾತ್ರ.
ಹೆಬ್ಬಾವು, ಕಾಳಿಂಗ, ಮಂಡಲ ಹಾವು, ಕೆರೆ ಹಾವು, ಅನಾಕೊಂಡ, ನಾಗರ ಹಾವು, ಹಸಿರು ಹಾವು ಇಷ್ಟು.. ಮಾತ್ರ. ಈ ಹಾವುಗಳು ಸಾಮಾನ್ಯವಾಗಿವಕ್ರರೇಖೆಯಲ್ಲಿ ಚಲಿಸುತ್ತವೆ ಎಂದು ಗೊತ್ತು..ಆದರೆ, ಸಾಮಾನ್ಯವಾಗಿ ಹಾವುಗಳು ತೆವಳುತ್ತಾ ಅಥವಾ ಸರ್ಪಲಾಕಾರದಲ್ಲಿ ಚಲಿಸುವುದನ್ನು ನಾವು ನೋಡಿರುತ್ತೇವೆ. ಆದರೆ, ಉರುಳುತ್ತಲೇ ಅತ್ಯಂತ ವೇಗವಾಗಿ ಚಲಿಸುವ ಅಪರೂಪದ ಹಾವಿದೆ ಎನ್ನುವುದು ನಿಮಗೆ ಗೊತ್ತಿದೆಯೇ?
ಎಲ್ಲೆಲ್ಲಿ ಇವುಗಳ ವಾಸಸ್ಥಾನ
ಹೌದು, ಆಗ್ನೇಯಾ ಏಷ್ಯಾದಲ್ಲಿ ಹೆಚ್ಚಾಗಿ ಕಂಡುಬರುವ ಡ್ವಾರ್ಫ್ ರೀಡ್ ಸ್ನೇಕ್ ಇದನ್ನು ಸ್ಯೂಡೋರಾಬ್ಡಿಯನ್ ಲಾಂಗಿಸೆಪ್ಸ್ ವೈಜ್ಞಾನಿಕವಾಗಿ ಕರೆಯಲಾಗುತ್ತದೆ. ಇದರ ಗಾತ್ರ 11 ರಿಂದ 28 ಸೆ.ಮೀಟರ್ನಷ್ಟು ಚಿಕ್ಕದು. ಇದು ದಕ್ಷಿಣ ಥೈಲ್ಯಾಂಡ್, ಮಲೇಷ್ಯಾ, ಸಿಂಗಾಪುರ್, ಇಂಡೋನೇಷ್ಯಾದಲ್ಲಿ ಕಾಣಸಿಗುತ್ತದೆ. ಇವು ಕ್ಯಾಲಮಾರಿಯಾ ಕುಲಕ್ಕೆ ಸೇರಿದ್ದಾಗಿದೆ. ಇದನ್ನು ರೋಲರ್ ಸ್ನೇಕ್ ಎಂತಲೂ ಕರೆಯಲಾಗುತ್ತದೆ.
