ನಾಯಿಯ ಅಸ್ಥಿಯನ್ನು ಗಂಗಾ ನದಿಗೆ ಬಿಡಲು ನ್ಯೂಜಿಲ್ಯಾಂಡ್​ನಿಂದ ಭಾರತಕ್ಕೆ ಬಂದ ವ್ಯಕ್ತಿ

ನವದೆಹಲಿ: ಸಾಕಿದ ನಾಯಿ ಸತ್ತಾಗ ಅದರ ಅಸ್ಥಿಯನ್ನು ಗಂಗಾ ನದಿಯಲ್ಲೇ ಬಿಡಬೇಕು ಎಂದು ದೂರದ ನ್ಯೂಜಿಲ್ಯಾಂಡ್​ನಿಂದ ಭಾರತಕ್ಕೆ ವ್ಯಕ್ತಿಯೊಬ್ಬ ಬಂದಿದ್ದಾನೆ.

ಬಿಹಾರದ ಪೂರ್ಣಿಯಾ ಜಿಲ್ಲೆಯವರಾದ ಪ್ರಮೋದ್​ ಕುಮಾರ್​ ಕಳೆದ 40 ವರ್ಷಗಳಿಂದ ನ್ಯೂಜಿಲ್ಯಾಂಡ್​ನಲ್ಲಿ ಜೀವನ ಸಾಗಿಸುತ್ತಿದ್ದಾರೆ. ಕಳೆದ 10 ವರ್ಷಗಳ ಹಿಂದೆ ನಾಯಿಯೊಂದನ್ನು ತಂದು ಅದಕ್ಕೆ ಲೈಕಾನ್​ ಎಂಬ ಹೆಸರಿಟ್ಟಿದ್ದಾರೆ. 10 ವರ್ಷಗಳಿಂದ ಮನೆ ಮಗನಂತಿದ್ದ ಲೈಕಾನ್​ ಇತ್ತೀಚೆಗೆ ಮೃತನಾಗಿದ್ದಾನೆ. ಪ್ರೀತಿಯಿಂದ ಸಾಕಿದ ನಾಯಿ ಮೃತ ಪಟ್ಟಿದ್ದರಿಂದ ನೋವಿಗೀಡಾಗ ಪ್ರಮೋದ್​ ನ್ಯೂಜಿಲ್ಯಾಂಡ್​ನಲ್ಲಿ ಹಿಂದೂ ಸಂಪ್ರದಾಯದ ಪ್ರಕಾರ ಅಂತ್ಯಕ್ರಿಯೆಯನ್ನು ಮಾಡಿದ್ದಾರೆ.

ನಾಯಿಯ ಅಸ್ಥಿಯನ್ನು ಗಂಗಾ ನದಿಗೆ ಬಿಡಬೇಕೆಂದುಕೊಂಡಿದ್ದ ಪ್ರಮೋದ್​ ಇತ್ತೀಚೆಗೆ ಭಾರತ ಬಂದಿದ್ದು, ಗಂಗಾ ನದಿಯಲ್ಲಿ ಲೈಕಾನ್​ನ ಅಸ್ಥಿಯನ್ನು ಬಿಟ್ಟಿದ್ದಾರೆ. ಅದರ ಜತೆ ಹಿಂದೂ ಸಂಪ್ರದಾಯದಂತೆ ಅಂತಿಮ ವಿಧಿ ವಿಧಾನವನ್ನೂ ಸಹ ನಡೆಸಿದ್ದಾರೆ. (ಏಜೆನ್ಸೀಸ್​)