ಸಿಯೋಲ್: ಉತ್ತರ ಕೊರಿಯಾದ ಸರ್ವಾಧಿಕಾರಿ ಕಿಮ್ ಜಾಂಗ್ ಉನ್ ಬದುಕಿಲ್ಲ. ಅವರು ಮೃತಪಟ್ಟಿದ್ದಾರೆ. ಅಧಿಕೃತ ಘೋಷಣೆಯೊಂದೇ ಬಾಕಿ ಇದೆ ಎಂಬ ವರದಿ ದಟ್ಟವಾಗುತ್ತಿದೆ. ಅಲ್ಲಿನ ಜನರೂ ಕೂಡ ಸರ್ವಾಧಿಕಾರಿ ನಿಧನನಾಗಿದ್ದಾನೆ ಎಂದೇ ನಂಬಿಕೊಂಡು ದುಃಖ ಪಡುತ್ತಿದ್ದಾರೆ.
ಸರ್ವಾಧಿಕಾರಿ ಮೃತಪಟ್ಟ ನಂತರ ನಡೆಯುವ ಕಾರ್ಯಕ್ರಮಗಳ ಹಿನ್ನೆಲೆಯಲ್ಲಿ ಅಗತ್ಯ ವಸ್ತುಗಳ ಕೊರತೆ ಉಂಟಾಗಬಹುದು ಎಂದು ಪ್ಯೊಂಗ್ಯಾಂಗ್ ನ ನಿವಾಸಿಗಳೆಲ್ಲ ಅಂಗಡಿಗಳಿಗೆ ಮುಗಿಬೀಳುತ್ತಿದ್ದಾರೆ. ಬಹುತೇಕ ಮಾಲ್ಗಳಲ್ಲಿ ಜನರು ತುಂಬಿದ್ದಾರೆ. ನಿತ್ಯ ಬಳಕೆಯ ವಸ್ತುಗಳೊಂದಿಗೆ, ಮದ್ಯ, ವಿದ್ಯುತ್ ಉಪಕರಣಗಳನ್ನು ಮುಗಿಬಿದ್ದು ಖರೀದಿ ಮಾಡುತ್ತಿದ್ದಾರೆ.
ಕಿಮ್ ಜಾಂಗ್ ಉನ್ ಸಾವಿನ ಹಿನ್ನೆಲೆಯಲ್ಲಿ ಅವರ ಅಂತ್ಯಕ್ರಿಯೆ ಮತ್ತಿತರ ಕಾರ್ಯಕ್ರಮಗಳು ನಡೆಯುತ್ತವೆ. ಈ ವೇಳೆ ವಿದ್ಯುತ್ ಪೂರೈಕೆಯಲ್ಲಿ ಕಡಿತ ಆಗಬಹುದು. ಹಾಗೇ ಬೇಕಾದ ವಸ್ತುಗಳೂ ಸಿಗದೆ ಇರಬಹುದು ಎಂಬ ಆತಂಕದಲ್ಲಿದ್ದಾರೆ ಅಲ್ಲಿನ ಜನ.
ಅಷ್ಟೇ ಅಲ್ಲದೆ, ಅಲ್ಲಿ ಹೆಲಿಕಾಪ್ಟರ್ಗಳೆಲ್ಲ ಕೆಳಗೆ ಹಾರಾಡುತ್ತಿವೆ. ಉತ್ತರ ಕೊರಿಯಾದಿಂದ ಉತ್ತರ ಚೀನಾಕ್ಕೆ ಸಂಚರಿಸುವ ರೈಲು ಕೂಡ ತಾತ್ಕಾಲಿಕವಾಗಿ ಬಂದ್ ಆಗಿದೆ.
ಕಿಮ್ ಜಾಂಗ್ ಉನ್ ಅವರು ಏಪ್ರಿಲ್ 11ರಿಂದಲೂ ದೇಶದಲ್ಲಿ ಎಲ್ಲಿಯೂ ಕಾಣಿಸುತ್ತಿಲ್ಲ. ಅವರ ಖಾಸಗಿ ರೈಲು ಅವರದ್ದೇ ಮಾಲೀಕತ್ವದ ರೈಲು ನಿಲ್ದಾಣದ ವೊನ್ಸನ್ ಕಾಂಪೌಂಡ್ ಬಳಿ ಕಳೆದ ಮಂಗಳವಾರದಿಂದಲೂ ನಿಂತಿದೆ ಎನ್ನಲಾಗಿದೆ. ಅದರ ಸ್ಯಾಟಲೈಟ್ ಚಿತ್ರವೊಂದನ್ನು ಬಿಡುಗಡೆ ಮಾಡಲಾಗಿದೆ. (ಏಜೆನ್ಸೀಸ್)
KimJoeng Un ಅವರಿಂದ ಈ ದಿನದಂದು ಪೋಸ್ಟ್ ಮಾಡಲಾಗಿದೆ ಸೋಮವಾರ, ಏಪ್ರಿಲ್ 27, 2020
ಕಿಮ್ ಜಾಂಗ್ ಉನ್ ಬದುಕಿದ್ದಾರೋ ಇಲ್ಲವೊ? ಭದ್ರತಾ ಸಲಹೆಗಾರ ಹೇಳಿದ್ದೇನು?