ಮುಂಬೈ: ಷೇರುಪೇಟೆ ವ್ಯವಹಾರ ತಣ್ಣಗೆ ಮುಂದುವರಿದಿರುವಂತೆಯೇ ಕರೆನ್ಸಿ ಮಾರುಕಟ್ಟೆಯಲ್ಲೂ ವಹಿವಾಟು ಹದವಾಗಿ ನಡೆಯುತ್ತಿದ್ದು, ಆರಂಭಿಕ ವಹಿವಾಟಿನಲ್ಲಿ ಅಮೆರಿಕದ ಡಾಲರ್ ಎದುರು ಭಾರತೀಯ ರೂಪಾಯಿ 5 ಪೈಸೆ ಕುಸಿತದೊಂದಿಗೆ ವಹಿವಾಟು ಶುರುಮಾಡಿಕೊಂಡಿದೆ.
ಇಂಟರ್ ಬ್ಯಾಂಕ್ ಫಾರಿನ್ ಎಕ್ಸ್ಚೇಂಜ್ ಮಾರ್ಕೆಟ್ನಲ್ಲಿ ಅಮೆರಿಕನ್ ಡಾಲರ್ ಎದುರು ರೂಪಾಯಿ ವಹಿವಾಟು 71.34ರ ದರದಲ್ಲಿ ಆರಂಭವಾಯಿತು.ಗುರುವಾರ ಇದು 71.26ರಲ್ಲಿ ವಹಿವಾಟು ಮುಗಿಸಿತ್ತು. ಆದರೆ ಕೂಡಲೇ ಚೇತರಿಕೆ ಕಂಡ ರೂಪಾಯಿ ನಂತರ 71.30ರ ದರದಲ್ಲಿ ವಹಿವಾಟು ಮುಂದುವರಿಸಿತು.
ಈ ನಡುವೆ ಚೀನಾದ ಕೊರೋನಾ ವೈರಸ್ ಕಾಯಿಲೆಗೆ ಇದುವರೆಗೆ 25 ಮೃತಪಟ್ಟಿದ್ದು, ಕನ್ಫರ್ಮ್ ಆಗಿರುವ 830 ಕೇಸ್ಗಳು ವರದಿಯಾಗಿವೆ. ಈ ಅಪಾಯಕಾರಿ ವೈರಸ್ ಹೂಡಿಕೆದಾರರನ್ನು ಆತಂಕಕ್ಕೆ ಈಡುಮಾಡಿರುವುದು ವಹಿವಾಟಿನಲ್ಲೂ ವ್ಯಕ್ತವಾಗಿದೆ. (ಏಜೆನ್ಸೀಸ್)