ನವದೆಹಲಿ: ಭಾರತೀಯರ ಯೋಧರ ಮೇಲೆ ಚೀನಾ ಬರ್ಬರತೆಯನ್ನು ಮೆರೆದಿದೆ. ಪೀಪಲ್ಸ್ ಲಿಬರೇಷನ್ ಆರ್ಮಿಯ ಪೈಶಾಚಿಕ ಕೃತ್ಯಕ್ಕೆ ಭಾರತದ 20 ಯೋಧರು ಹುತಾತ್ಮರಾಗಿದ್ದಾರೆ.
ಈವರೆಗೆ ಘಟನೆ ನಡೆದ ಸ್ಥಳದ ಚಿತ್ರಗಳು ಬಿಡುಗಡೆಯಾಗಿರಲಿಲ್ಲ. ಆದರೆ, ಇದೀಗ ಯೋಧರೊಬ್ಬರು ಸೆರೆ ಹಿಡಿದಿದ್ದಾರೆನ್ನಲಾದ ವಿಡಿಯೋವೊಂದು ಭಾರಿ ವೈರಲ್ ಆಗಿದೆ.
ದಾಳಿಯಲ್ಲಿ ಯೋಧನೊಬ್ಬ ನೆಲಕ್ಕೆ ಬಿದ್ದಿದ್ದು, ಆತನನ್ನು ರಕ್ಷಿಸಲು ಉಳಿದವರು ಗುಂಪಾಗಿದ್ದಾರೆ. ಇನ್ನುಳಿದವರಿ ಗಾಗಿ ಕೂಗುತ್ತಿದ್ದಾರೆ. ಹತ್ತಿರದಲ್ಲಿಯೇ ಮಿಲಿಟರಿ ವಾಹನವೊಂದು ನಿಂತಿದ್ದು, ಅದು ಯಾರಿಗೆ ಸೇರಿದ್ದು ಎನ್ನುವುದು ಖಚಿತವಾಗುತ್ತಿಲ್ಲ.
ಇದನ್ನೂ ಓದಿ; ರಾಷ್ಟ್ರೀಯ ಭದ್ರತಾ ಮಂಡಳಿ ನೀಡಿದೆ ಎಚ್ಚರಿಕೆ …! ಈ ಚೀನಿ ಆ್ಯಪ್ಗಳಿದ್ದರೆ ಅಪಾಯ
ವಿಡಿಯೋದಲ್ಲಿ ಸರೋವರ ಸ್ಪಷ್ಟವಾಗಿ ಕಾಣುತ್ತಿದ್ದು, ಗಾಲ್ವಾನ್ ಪ್ರದೇಶದ ಸರೋವರ ಎಂದು ಗೊತ್ತಾಗುತ್ತದೆ. ಇದೇ ಸರೋವರಕ್ಕೆ ಜಿಗಿದರೂ ಚೀನಿಯರು ಬಿಡದೇ ಭಾರತೀಯ ಯೋಧರ ಮೇಲೆ ದಾಳಿ ನಡೆಸಿದ್ದಾರೆ. ಸರೋವರದ ಅದರ ತೀರದಲ್ಲಿಯೇ ಯೋಧರು ನಿಂತಿದ್ದಾರೆ. ಸಹಾಯಕ್ಕಾಗಿ ಹಾಗೂ ಇನ್ನುಳಿದವರ ಬಗ್ಗೆ ವಿಚಾರಿಸಲು ಕೂಗುತ್ತಿರುವುದು ಎರಡೂವರೆ ನಿಮಿಷಗಳ ಈ ವಿಡಿಯೋದಲ್ಲಿದೆ.
ಈ ವಿಡಿಯೋ ಮೇ ತಿಂಗಳ ಮಧ್ಯದಲ್ಲಿ ನಡೆದ ಸಂಘರ್ಷದ್ದು ಎಂದು ಹೇಳಲಾಗಿದೆ. ಮೇಲಿನಿಂದ ಕಲ್ಲು ತೂರಾಟ ಶುರುವಾಗುತ್ತಿದ್ದಂತೆ ಪ್ರತಿ ದಾಳಿ ನಡೆಸುತ್ತಿರುವುದು ಇದರಲ್ಲಿದೆ.
ಇಲ್ಲಿದೆ ವಿಡಿಯೋ ಲಿಂಕ್……………
ಲಡಾಖ್ನ ಗಾಲ್ವಾನ್ ಪ್ರದೇಶದಲ್ಲಿ ಭಾರತ- ಚೀನಾ ನಡುವಿನ ಸಂಘರ್ಷದ ವಿಡಿಯೋ…!
ಭಾರತ- ಚೀನಾ ನಡುವೆ ಹಿಂಸಾತ್ಮಕ ಸಂಘರ್ಷ ನಡೆದಿದೆ. ಕಲ್ಲು ತೂರಾಟದಿಂದಾಗಿ ಗಾಯಗೊಂಡ ಯೋಧನೊಬ್ಬನನ್ನು ಸಾಗಿಸಲು ಯತ್ನಿಸುತ್ತಿದ್ದಾಗ ಮತ್ತೆ ದಾಳಿ ನಡೆಸಿರುವುದು ಈ ವಿಡಿಯೋದಲ್ಲಿ ಕಂಡು ಬರುತ್ತದೆ. ಇದು ಮೇ ತಿಂಗಳ ಮಧ್ಯದಲ್ಲಿ ನಡೆದ ಸಂಘರ್ಷದ ವಿಡಿಯೋ ಎನ್ನಲಾಗಿದೆ. ( ಕೃಪೆ ಡೇಲಿ ಮೇಲ್)
Vijayavani ಅವರಿಂದ ಈ ದಿನದಂದು ಪೋಸ್ಟ್ ಮಾಡಲಾಗಿದೆ ಬುಧವಾರ, ಜೂನ್ 17, 2020
ಚೀನಾ ಸೈನಿಕರದ್ದು ಪೈಶಾಚಿಕ ಕೃತ್ಯ; ಗಾಯಾಳು ಭಾರತ ಯೋಧರು ತೆರೆದಿಟ್ಟ ಸತ್ಯ