ಹಾಥರಸ್: ಅತ್ಯಾಚಾರ ಪ್ರಕರಣದ ಸಂಬಂಧ ತೀವ್ರ ಬೆಳವಣಿಗೆ ನಡೆಯುತ್ತಿರುವ ನಡುವೆ ಭಾನುವಾರ ಮತ್ತಷ್ಟು ಆತಂಕ ಉಂಟಾಯಿತು. ಕಾರಣ, ವಿಶೇಷ ತನಿಖಾ ತಂಡ (ಎಸ್ಐಟಿ) ಆಗಮಿಸಿದ್ದ ವೇಳೆಯೇ ಸಂತ್ರಸ್ತೆಯ ತಂದೆ ಕುಸಿದು ಬಿದ್ದಿದ್ದಾರೆ.
ಅತ್ಯಾಚಾರ-ಕೊಲೆ ಪ್ರಕರಣದ ತನಿಖೆಗಾಗಿ ಸಂತ್ರಸ್ತೆಯ ಮನೆಗೆ ಆಗಮಿಸಿದ್ದ ಎಸ್ಐಟಿ, ಆಕೆಯ ಕುಟುಂಬಸ್ಥರ ಹೇಳಿಕೆ ದಾಖಲಿಸಿಕೊಳ್ಳಲು ಮುಂದಾಗಿತ್ತು. ಆದರೆ ಆ ಸಂದರ್ಭದಲ್ಲಿ ಸಂತ್ರಸ್ತೆಯ ತಂದೆ ಕುಸಿದು ಬಿದ್ದ ಕಾರಣ, ಎಸ್ಐಟಿ ವೈದ್ಯಕೀಯ ತಂಡದ ಮೊರೆ ಹೋಯಿತು.
ಸದ್ಯ ಅವರ ರಕ್ತದೊತ್ತಡ ಮತ್ತಿತರ ಪ್ರಾಥಮಿಕ ತಪಾಸಣೆಗಳನ್ನು ಮಾಡಿದ್ದು, ಕೋವಿಡ್ ಟೆಸ್ಟ್ ಇನ್ನೂ ಮಾಡಿಲ್ಲ ಎಂಬುದಾಗಿ ವೈದ್ಯಕೀಯ ತಂಡ ಹೇಳಿದೆ. ಹೆಚ್ಚಿನ ಮಾಹಿತಿ ಇನ್ನಷ್ಟೇ ಬಹಿರಂಗ ಆಗಬೇಕಿದೆ. (ಏಜೆನ್ಸೀಸ್)