ನವದೆಹಲಿ: ಕರೊನಾ ಲಾಕ್ಡೌನ್ನಿಂದಾಗಿ ಆರ್ಥಿಕ ಚಟುವಟಿಕೆಗಳು ಸ್ಥಗಿತಗೊಂಡ ಪರಿಣಾಮ ಒಂದು ಲಕ್ಷ ಕೋಟಿ ರೂ. ಗಡಿಯಿಂದ ಕೆಳಗೆ ಕುಸಿದಿದ್ದ ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಸಂಗ್ರಹ 8 ತಿಂಗಳ ಬಳಿಕ ಜಿಗಿತ ಕಂಡಿದೆ. ಅಕ್ಟೋಬರ್ನ ಜಿಎಸ್ಟಿ ಸಂಗ್ರಹ ಮೊತ್ತ ಎಂಟು ತಿಂಗಳಲ್ಲಿ ಇದೇ ಮೊದಲ ಬಾರಿಗೆ ಲಕ್ಷ ಕೋಟಿ ರೂ. ದಾಟಿ 1.05 ಲಕ್ಷ ಕೋಟಿ ರೂ.ಗೆ ತಲುಪಿದೆ.
ಹಂತಹಂತವಾಗಿ ಲಾಕ್ಡೌನ್ ತೆರವುಗೊಳಿಸಿದ ನಂತರ ಕ್ರಮೇಣವಾಗಿ ತೆರಿಗೆ ಸಂಗ್ರಹದಲ್ಲಿ ಸುಧಾರಣೆ ಕಂಡು ಬರುತ್ತಿರುವುದು ಆರ್ಥಿಕತೆಗೂ ಉತ್ತೇಜನ ನೀಡಿದೆ.
ಅಕ್ಟೋಬರ್ ಸಂಗ್ರಹ ಮೊತ್ತ 1,05,155 ಕೋಟಿ ರೂ.ನಲ್ಲಿ ಕೇಂದ್ರೀಯ ಜಿಎಸ್ಟಿ 19,193 ಕೋಟಿ ರೂ.ಗಳಾದರೆ, ರಾಜ್ಯಗಳದ್ದು 5,411 ಕೋಟಿ ರೂ. ಆಗಿದೆ. ಐಜಿಎಸ್ಟಿ 52,540 ಕೋಟಿ ರೂ., ಸೆಸ್ ಮೊತ್ತ 8,011 ಕೋಟಿ ರೂ. ಎಂದು ಹಣಕಾಸು ಸಚಿವಾಲಯ ವಿವರಿಸಿದೆ.
ಶೇ.10 ಹೆಚ್ಚಳ: ಕಳೆದ ವರ್ಷದ ಅಕ್ಟೋಬರ್ಗೆ ಹೋಲಿಸಿದಲ್ಲಿ ಈ ಅಕ್ಟೋಬರ್ನಲ್ಲಿ ಶೇ.10 ಹೆಚ್ಚು ಆದಾಯ ಬಂದಿದೆ. 2019 ಅಕ್ಟೋಬರ್ನಲ್ಲಿ 95,379 ಕೋಟಿ ರೂ. ಸಂಗ್ರಹವಾಗಿತ್ತು. ಅ.31ರವರೆಗೆ ಸಲ್ಲಿಕೆಯಾದ ಜಿಎಸ್ಟಿಆರ್-3ಬಿ ವಿವರ 80 ಲಕ್ಷ.
ರಾಜ್ಯದಲ್ಲಿ ಶೇ.5 ಹೆಚ್ಚಳ: ಪ್ರಸಕ್ತ ವರ್ಷದ ಅಕ್ಟೋಬರ್ನಲ್ಲಿ ಕರ್ನಾಟಕದ ಜಿಎಸ್ಟಿ ಸಂಗ್ರಹ ಮೊತ್ತ 6,998 ಕೋಟಿ ರೂಪಾಯಿ. 2019ರ ಇದೇ ತಿಂಗಳಲ್ಲಿ 6,675 ಕೊಟಿ ರೂ. ಸಂಗ್ರಹವಾಗಿತ್ತು. ಅಂದರೆ ಈ ಬಾರಿ ಶೇ.5 ಏರಿಕೆಯಾಗಿದೆ.
ಸರಕು ಸಾಗಣೆಗೆ ಅಗತ್ಯವಾದ ಇ-ವೇ ಬಿಲ್ಗಳ ಸಂಖ್ಯೆ ಕೋವಿಡ್-19 ಮುಂಚಿನ ಮಟ್ಟಕ್ಕೆ ತಲುಪಿದೆ. ಆನ್ಲೈನ್ ಪಾವತಿ ಪ್ರಮಾಣ ಭಾರಿ ಏರಿಕೆಯಾಗಿದೆ. ಎಇಎಸ್ಟಿ ಸಂಗ್ರಹ ಸತತ 2ನೇ ತಿಂಗಳಲ್ಲೂ ಹೆಚ್ಚಿದೆ.
| ಅಜಯ್ ಭೂಷಣ್ ಪಾಂಡೆ ಹಣಕಾಸು ಕಾರ್ಯದರ್ಶಿ