ಮುಂಬೈ: ಶ್ರೀದೇವಿ ಅಭಿನಯದ ಜನಪ್ರಿಯ ಚಿತ್ರಗಳ ಪೈಕಿ ಶೇರ್ನಿ ಸಹ ಒಂದು. 80ರ ದಶಕದಲ್ಲಿ ಬಿಡುಗಡೆಯಾದ ಈ ಚಿತ್ರದಲ್ಲಿ ಶ್ರೀದೇವಿ ಆಕ್ಷನ್ ರೋಲ್ನಲ್ಲಿ ಕಾಣಿಸಿಕೊಂಡು ಸಾಕಷ್ಟು ಜನಪ್ರಿಯರಾಗಿದ್ದರು. ಈಗ ವಿದ್ಯಾ ಬಾಲನ್ ಸಹ ಅದೇ ಹೆಸರಿನ ಚಿತ್ರವೊಂದರಲ್ಲಿ ನಟಿಸಿದ್ದಾರೆ.
ಇದನ್ನೂ ಓದಿ: ಮೆಕ್ಸಿಕೊ ಬೆಡಗಿ ವಿಶ್ವ ಸುಂದರಿ; ಉಡುಪಿ ಮೂಲದ ಆಡ್ಲೆನ್ಗೆ 4ನೇ ಸ್ಥಾನ
ವಿದ್ಯಾ ಬಾಲನ್ ಅಭಿನಯದ ಶೇರ್ನಿ ಚಿತ್ರದ ಮೊದಲ ಲುಕ್ ಬಿಡುಗಡೆಯಾಗಿದ್ದು, ಜೂನ್ ತಿಂಗಳಲ್ಲಿ ಬಿಡುಗಡೆಯಾಗುತ್ತಿದೆ. ಇಡೀ ದೇಶದಲ್ಲಿ ಲಾಕ್ಡೌನ್ ಇರುವಾಗ, ಈ ಚಿತ್ರ ಬಿಡುಗಡೆಯಾಗುವುದು ಹೇಗೆ ಸಾಧ್ಯ ಎಂಬ ಪ್ರಶ್ನೆ ಸಹಜವಾಗಿಯೇ ಬರಬಹುದು.
ವಿಷಯವೇನೆಂದರೆ, ಈ ಚಿತ್ರವು ಅಮೇಜಾನ್ ಪ್ರೈಮ್ನಲ್ಲಿ ನೇರವಾಗಿ ಬಿಡುಗಡೆಯಾಗುತ್ತಿದೆ. ಇದಕ್ಕೂ ಮುನ್ನ ವಿದ್ಯಾ ಬಾಲನ್ ಅವರ ಶಕುಂತಲಾ ಸಹ ಕಳೆದ ವರ್ಷ ಚಿತ್ರಮಂದಿರಗಳಿಗೂ ಮುನ್ನ ನೇರವಾಗಿ ಅಮೇಜಾನ್ ಪ್ರೈಮ್ನಲ್ಲಿ ಬಿಡುಗಡೆಯಾಗಿತ್ತು. ಈಗ ಶೇರ್ನಿ ಸಹ ಆ ಪಟ್ಟಿಗೆ ಸೇರ್ಪಡೆಯಾಗಿದೆ.
ಶೇರ್ನಿ ಚಿತ್ರದ ಕಥೆ ಏನು ಎಂಬುದು ಗೊತ್ತಿಲ್ಲ. ಚಿತ್ರದ ಪೋಸ್ಟರ್ ನೋಡಿದರೆ, ವಿದ್ಯಾ ಬಾಲನ್ ಇದರಲ್ಲಿ ಫಾರೆಸ್ಟ್ ಆಫೀಸರ್ ಪಾತ್ರದಲ್ಲಿ ಕಾಣಿಸಿಕೊಂಡಿರುವಂತೆ ಕಾಣುತ್ತಿದೆ. ಸದ್ಯಕ್ಕೆ ಈ ವಿಷಯವನ್ನು ಚಿತ್ರತಂಡದವರು ಗುಟ್ಟಾಗಿದ್ದು, ಮುಂದಿನ ತಿಂಗಳೇ ಒಟ್ಟಿಗೆ ನೋಡಿಕೊಳ್ಳಿ ಎಂದು ಸುಮ್ಮನಾಗಿಬಿಟ್ಟಿದ್ದಾರೆ.
ಇದನ್ನೂ ಓದಿ: ಟ್ರೇಲರ್ ರಿಲೀಸ್ ಖುಷಿಯಲ್ಲಿ ನಟಿ ಹರ್ಷಿಕಾ ಪೂಣಚ್ಚ: ಚೊಚ್ಚಲ ಭೋಜಪುರಿ ಸಿನಿಮಾದಲ್ಲಿ ನಟನೆ
ಶೇರ್ನಿ ಚಿತ್ರವನ್ನು ಅಮಿತ್ ಮಸುರ್ಕರ್ ನಿರ್ದೇಶಿಸಿದ್ದು ಟಿ-ಸೀರೀಸ್ ಮತ್ತು ಅಬಂಡನ್ಶಿಯಾ ಎಂಟರ್ಟೈನ್ಮೆಂಟ್ ಜತೆಯಾಗಿ ನಿರ್ಮಿಸಿದೆ. ವಿದ್ಯಾ ಜತೆಗೆ ಶರತ್ ಸಕ್ಸೇನಾ, ವಿಜಯ್ ರಾಜ್, ಇಳಾ ಅರುಣ್, ಬ್ರಿಜೇಂದ್ರ ಕಾಳಾ, ನೀರಜ್ ಕಾಬಿ ಮುಂತಾದವರು ನಟಿಸಿದ್ದಾರೆ.
ಆರ್ಸಿಬಿ, ವಿರಾಟ್ ಕೊಹ್ಲಿ ಬಗ್ಗೆ ಅಚ್ಚರಿಯ ಹೇಳಿಕೆ ನೀಡಿದ ಚಸ್ಮಾ ಸುಂದರಿ ರಶ್ಮಿಕಾ ಮಂದಣ್ಣ!