ಸ್ನಾನ ಮಾಡುವಾಗ ಚಿತ್ರೀಕರಿಸಲು ಮುಂದಾದ ಮಾವ! ಆಕ್ಷೇಪ ವ್ಯಕ್ತಪಡಿಸಿದ್ದಕ್ಕೆ ಬಿಜೆಪಿ ಸಂಸದೆ ಸಹೋದರಿಯ ಮೇಲೆ ಥಳಿತ| Bathing

Bathing : ಉತ್ತರ ಪ್ರದೇಶದ ಫರೂಕಬಾದ್​ ಬಿಜೆಪಿ ಸಂಸದ ಮುಖೇಶ್​ ರಜಪೂತ್​ ಅವರ ಸಹೋದರಿ ರೀನಾ ಸಿಂಗ್​, ಅತ್ತೆ ಮಾವನಿಂದ ದೈಹಿಕ ಹಲ್ಲೆ ಹಾಗೂ ಬೆದರಿಕೆ ಇದೆ ಎಂದು ಆರೋಪಿಸಿ ಪೊಲೀಸ್​ ಠಾಣೆ ಮೆಟ್ಟಿಲೇರಿದ್ದಾರೆ.

ಘಟನೆ ಏನು?

ರೀನಾ ಸ್ನಾನ ಮಾಡುತ್ತಿದ್ದಾಗ ಸಂಬಂಧಿಕರೊಬ್ಬರು ಚಿತ್ರೀಕರಿಸಲು ಪ್ರಯತ್ನಿಸಿದಕ್ಕೆ ಆಕ್ಷೇಪ ವ್ಯಕ್ತಪಡಿಸಿದ್ದಾಳೆ. ಆಕೆಯ ದೂರಿನ ಆಧಾರದ ಮೇಲೆ ಪ್ರಕರಣ ದಾಖಲಾಗಿಸಿದೆ ಎಂದು ಪೊಲೀಸರು ದೃಢೀಕರಿಸಿದ್ದಾರೆ. ಹಲ್ಲೆ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್​ ಆಗಿದೆ.

ಇದನ್ನೂ ಓದಿ: ಗ್ರಾಮದ ಅಭಿವೃದ್ಧಿ ಶ್ರಮಿಸಿದ ಪಟೇಲ್ ಸಿದ್ದೇಗೌಡರು: ಜೆಡಿಎಸ್ ಯುವ ಘಟಕದ ರಾಜ್ಯಾಧ್ಯಕ್ಷ ನಿಖಿಲ್ ಕುಮಾರಸ್ವಾಮಿ ಶ್ಲಾಘನೆ

ರೀನಾ ಮಾಡಿದ ಆರೋಪ ಏನು?

ರೀನಾ ಸಲ್ಲಿಸಿದ ದೂರಿನ ಮೇರೆಗೆ ಆಕೆಯ ಮಾವ ಲಕ್ಷ್ಮಣ್​ ಸಿಂಗ್​ ಮತ್ತು ಸೋದರ ಮಾವ ಗಿರೀಶ್​, ಭಾನುವಾರ ಆಕೆ ಸ್ನಾನ ಮಾಡುತ್ತಿರುವಾಗ ಕಿಟಕಿಯ ಮೂಲಕ ಆಕೆಯ ವಿಡಿಯೋವನ್ನು ಚಿತ್ರೀಕರಿಸಲು ಪ್ರಯತ್ನಿಸಿದರು. ಈ ಕೃತ್ಯಕ್ಕೆ ಆಕೆ ಆಕ್ಷೇಪ ವ್ಯಕ್ತಪಡಿಸಿದಾಗ ಆಕೆಯ ಮೇಲೆ ಅವಾಚ್ಯ ಶಬ್ದದಿಂದ ನಿಂದಿಸಿ ದೈಹಿಕವಾಗಿ ಹಲ್ಲೆ ನಡೆಸಿದ್ದಾರೆ. ಈ ವೇಳೆ ಆಕೆಯ ಮಾವ ಲಕ್ಷ್ಮಣ್​ ಪರವಾನಗಿ ಪಡೆದ ರೈಫಲ್​ ಹೊರತೆಗೆದು ಗುಂಡು ಹಾರಿಸುವುದಾಗಿ ಬೆದರಿಸಿ, ಕೋಲಿನಲ್ಲಿ ಹಲ್ಲೆ ನಡೆಸಿದ್ದಾರೆ ಎಂದು ಆರೋಪಿಸಿದ್ದಾರೆ.

ಇದಲ್ಲದೇ, ಮತ್ತೊಬ್ಬ ಸೋದರ ಮಾವ ರಾಜೇಶ್​ ತನ್ನ ಹರಿತವಾದ ಚಾಕುವನ್ನು ತೆಗೆದು ಹಲ್ಲೆ ನಡೆಸಿ ನನ್ನ ಕೈಗೆ ಗಾಯಮಾಡಿದ್ದಾನೆ ಎಂದು ಹೇಳಿದ್ದಾರೆ.

ಇದನ್ನೂ ಓದಿ: ಮೈಶುಗರ್ ಸುಪರ್ದಿಗೆ 27.39 ಎಕರೆ: ಕಾರ್ಖಾನೆ ಅಧ್ಯಕ್ಷ ಸಿ.ಡಿ.ಗಂಗಾಧರ ಮಾಹಿತಿ

ಪೊಲೀಸರ ತನಿಖೆ ಆರಂಭ

ರೀನಾ ಅವರ ದೂರಿನ ಆಧಾರದ ಮೇಲೆ ಲಕ್ಷ್ಮಣ್​ ರಾಜೇಶ್​ ಮತ್ತು ಗಿರಿಶ್ ವಿರುದ್ಧ ಪ್ರಕರಣ ದಾಖಲಿಸಿಕೊಂಡಿದ್ದಾರೆ. ಇನ್ನು ಈ ವಿಷಯದ ಬಗ್ಗೆ ಕಾನೂನಿನ ಪ್ರಕಾರ, ಅಪರಾಧಿಗಳ ವಿರುದ್ಧ ಕಠಿಣ ಕ್ರಮಕೈಗೊಳ್ಳುವುದಾಗಿ ಪೊಲೀಸ್​ ಅಧಿಕಾರಿಗಳು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/husband-also-participated-in-the-officials-meeting-with-the-delhi-cm-this-is-not-a-gram-panchayat-meeting