ಮ್ಯಾಂಚೆಸ್ಟರ್: ಬ್ಯಾಟಿಂಗ್ ಹಾಗೂ ಬೌಲಿಂಗ್ ಎರಡು ವಿಭಾಗಗಳಲ್ಲೂ ಪ್ರಭುತ್ವ ಸಾಧಿಸಿರುವ ಆತಿಥೇಯ ಇಂಗ್ಲೆಂಡ್ ತಂಡ 3ನೇ ಹಾಗೂ ನಿರ್ಣಾಯಕ ಪಂದ್ಯದಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ ಪ್ರಭುತ್ವ ಸಾಧಿಸಿದೆ. ಓಲ್ಡ್ ಟ್ರಾಫೋರ್ಡ್ ಮೈದಾನದಲ್ಲಿ ನಡೆಯುತ್ತಿರುವ ಪಂದ್ಯದಲ್ಲಿ 172 ರನ್ ಮುನ್ನಡೆಯೊಂದಿಗೆ ದ್ವಿತೀಯ ಇನಿಂಗ್ಸ್ ಆರಂಭಿಸಿರುವ ಇಂಗ್ಲೆಂಡ್, ಭಾನುವಾರದ ಚಹಾವಿರಾಮದ ವೇಳೆಗೆ ವಿಕೆಟ್ ನಷ್ಟವಿಲ್ಲದೆ 86 ರನ್ ಪೇರಿಸಿದ್ದು, ಒಟ್ಟಾರೆ 258 ರನ್ ಮುನ್ನಡೆಯಲ್ಲಿದೆ. ಆರಂಭಿಕರಾದ ರೋರಿ ಬರ್ನ್ಸ್ (38ರನ್, 100 ಎಸೆತ, 4 ಬೌಂಡರಿ) ಹಾಗೂ ಡೊಮಿನಿಕ್ ಸಿಬ್ಲೆ (40ರನ್, 95ಎಸೆತ, 5 ಬೌಂಡರಿ) ಕ್ರೀಸ್ನಲ್ಲಿದ್ದಾರೆ. ಇಂಗ್ಲೆಂಡ್ ಮೊದಲ ಇನಿಂಗ್ಸ್ನಲ್ಲಿ 369 ರನ್ ಕಲೆಹಾಕಿತ್ತು.
ಮಾರಕವಾದ ಸ್ಟುವರ್ಟ್ ಬ್ರಾಡ್
ಇದಕ್ಕೂ ಮೊದಲು 6 ವಿಕೆಟ್ಗೆ 137 ರನ್ಗಳಿಂದ ದಿನದಾಟ ಆರಂಭಿಸಿದ ವೆಸ್ಟ್ ಇಂಡೀಸ್ ತಂಡ ಅನುಭವಿ ವೇಗದ ಬೌಲರ್ ಸ್ಟುವರ್ಡ್ ಬ್ರಾಡ್ (31ಕ್ಕೆ 6) ಮಾರಕ ದಾಳಿಗೆ ನಲುಗಿದ 65 ಓವರ್ಗಳಲ್ಲಿ 197 ರನ್ಗಳಿಗೆ ಸರ್ವಪತನ ಕಂಡಿತು.
ಮೊದಲ ಇನಿಂಗ್ಸ್ನಲ್ಲಿ ಸ್ಫೋಟಕ ಬ್ಯಾಟಿಂಗ್ ಮೂಲಕ ಗಮನಸೆಳೆದಿದ್ದ ವೇಗಿ ಸ್ಟುವರ್ಟ್ ಬ್ರಾಡ್ ಬೌಲಿಂಗ್ನಲ್ಲೂ ಗಮನಾರ್ಹ ನಿರ್ವಹಣೆ ತೋರಿದರು. 24 ರನ್ಗಳಿಂದ ನಾಯಕ ಜೇಸನ್ ಹೋಲ್ಡರ್ ಹಾಗೂ 10 ರನ್ಗಳಿಂದ ದಿನದಾಟ ಆರಂಭಿಸಿದ ಶೇನ್ ಡೋವ್ರಿಚ್ ಜೋಡಿ 7ನೇ ವಿಕೆಟ್ಗೆ 68 ರನ್ ಕಲೆಹಾಕಿ ತಂಡವನ್ನು ಾಲೋಆನ್ನಿಂದ ಪಾರು ಮಾಡಿತು. ಈ ಜೋಡಿ ನಿರ್ಗಮನದೊಂದಿಗೆ ವಿಂಡೀಸ್ ತಂಡ ದಿಢೀರ್ ಕುಸಿತ ಅನುಭವಿತು. ವಿಂಡೀಸ್ ತಂಡದ ಉಳಿದ ನಾಲ್ಕೂ ವಿಕೆಟ್ಗಳಿಂದ ಬ್ರಾಡ್ ಪಾಲಾಗಿದ್ದು ವಿಶೇಷ.
ಇಂಗ್ಲೆಂಡ್: 111.5 ಓವರ್ಗಳಲ್ಲಿ 369 ಮತ್ತು ದ್ವಿತೀಯ ಇನಿಂಗ್ಸ್ 3ನೇ ದಿನದಾಟದ ಚಹಾ ವಿರಾಮದ ವೇಳೆಗೆ
32 ಓವರ್ಗಳಲ್ಲಿ ವಿಕೆಟ್ ನಷ್ಟವಿಲ್ಲದೆ 86 (ಬರ್ನ್ಸ್ 38, ಸಿಬ್ಲೆ 40), ವೆಸ್ಟ್ ಇಂಡೀಸ್: 65 ಓವರ್ಗಳಲ್ಲಿ 197 ( ಹೋಲ್ಡರ್ 46, ಡೋವ್ರಿಚ್ 37, ಸ್ಟುವರ್ಟ್ ಬ್ರಾಡ್ 31ಕ್ಕೆ 6 ಜೇಮ್ಸ್ ಆಂಡರ್ಸನ್ 28ಕ್ಕೆ 2).