ತಾಲೂಕಿನ ವಿವಿಧೆಡೆ ಉಣುಗುಗಳ ಮಾದರಿ ಸಂಗ್ರಹಿಸಿ ಮಾಹಿತಿ ನೀಡಿ, ಮಂಗನ ಕಾಯಿಲೆ ಬಂದಿರುವಂತಹ ರೋಗಿಗಳ ಮನೆಗೆ ಭೇಟಿ ನೀಡಿ ಆರೋಗ್ಯ ವಿಚಾರಿಸಲಾಗಿದೆ. ಮಂಗನ ಕಾಯಿಲೆ ವೈರಸ್ನಿಂದ ಹರಡುತ್ತದೆ. ಸೋಂಕಿತ ಉಣುಗು ಮನುಷ್ಯನಿಗೆ ಕಚ್ಚುವುದರ ಮೂಲಕ ಕಾಯಿಲೆ ಕಂಡುಬರುತ್ತದೆ. ಕಾಯಿಲೆಗೆ ನಿರ್ದಿಷ್ಟ ಚಿಕಿತ್ಸೆ ಇಲ್ಲ. ಮೈಕೈ ನೋವು, ಜ್ವರ, ಹೊಟ್ಟೆ ನೋವು, ಹಸಿವಾಗದಿರುವುದು, ಕಣ್ಣು ಕೆಂಪಾಗುವುದು, ವಸಡಿನಲ್ಲಿ ರಕ್ತಸ್ರಾವ, ಮಲದಲ್ಲಿ ರಕ್ತ ಕಂಡುಬರುವುದು ಈ ಕಾಯಿಲೆಯ ಲಕ್ಷಣ. ಇಂಥ ಲಕ್ಷಣಗಳು ಕಂಡುಬಂದ ಕೂಡಲೇ ಸಮೀಪದ ಆರೋಗ್ಯ ಕೇಂದ್ರಕ್ಕೆ ಭೇಟಿ ನೀಡಿ ರಕ್ತ ತಪಾಸಣೆ ಮಾಡಿಸಿಕೊಳ್ಳಬೇಕು. ನಿರ್ಲಕ್ಷಿಸಿದರೆ ಮರಣ ಸಂಭವಿಸುತ್ತದೆ ಎಂದರು.
