ಕಲ್ಮೇಶ್ವರ ದೇವಸ್ಥಾನ ಪುರಾತನ ದೇಗುಲವಾಗಿದೆ. ಇಲ್ಲಿನ ಹೊಂಡವನ್ನು ಹಿರಿಯರು ಪುಷ್ಕರಣಿ ಎಂದು ಕರೆಯುತ್ತಿದ್ದರು. ಇದೇ ನೀರನ್ನು ನಿತ್ಯ ಕಲ್ಮೇಶ್ವರ ಮೂರ್ತಿಯ ಪೂಜೆಗೆ ಬಳಸಲಾಗುತ್ತಿತ್ತು. ಹೊಂಡದಲ್ಲಿ ತ್ಯಾಜ್ಯ ತುಂಬಿರುವುದರಿಂದ ಅಕ್ಕ- ಪಕ್ಕದಲ್ಲಿರುವ ಜನರಿಗೆ ರೋಗ-ರುಜಿನಗಳ ಭೀತಿ ಶುರುವಾಗಿದೆ. ಪ.ಪಂ. ಅಧಿಕಾರಿಗಳು, ಜನಪ್ರತಿನಿಧಿಗಳು ಆದಷ್ಟು ಬೇಗ ಈ ಹೊಂಡವನ್ನು ಸ್ವಚ್ಛಗೊಳಿಸಬೇಕು ಎಂದು ಶ್ರೀ ಕಲ್ಮೇಶ್ವರ ದೇವಸ್ಥಾನ ಅಭಿವೃದ್ಧಿ ಟ್ರಸ್ಟ್ ಅಧ್ಯಕ್ಷ ಶ್ರೀಕಾಂತ ಪಾಟೀಲ, ಉಪಾಧ್ಯಕ್ಷ ನಾಗರಾಜ ರಾಯ್ಕರ, ಕಾರ್ಯದರ್ಶಿ ರವಿಕಾಂತ ಓಣಿಕೇರಿ, ಸದಸ್ಯರಾದ ವಿನಾಯಕ ಶೇಟ್, ರಾಘವೇಂದ್ರ ಟೋಪೋಜಿ, ರಾಘವೇಂದ್ರ ತಿಮ್ಮಾಪುರ, ಮಂಜುನಾಥ ಕುಂಬ್ಳೆಪ್ಪನವರ, ಸಹದೇವಪ್ಪ ರಜಾಯಿ, ನಾಗಪ್ಪ ಲಚ್ಚಿ, ಚಂದ್ರಶೇಖರ ಬಂಕಾಪುರಮಠ ಮತ್ತು ನಾಗರಾಜ ಬೆಂಡಿಗೇರಿಮಠ ಆಗ್ರಹಿಸಿದ್ದಾರೆ.
