ಅದನ್ನು ನಂಬಿದ ಮಹಿಳೆ ಮೊದಲಿಗೆ ವಂಚಕರು ಹೇಳಿದ ಯುಪಿಐ ಐಡಿಗಳಿಗೆ ಸ್ವಲ್ಪ ಹಣ ಹಾಕಿದ ನಂತರ, ಟಾಸ್ಕ್ ಪೂರ್ಣಗೊಳಿಸಿದ್ದಕ್ಕೆ ಲಾಭಾಂಶವನ್ನು ಬ್ಯಾಂಕ್ ಖಾತೆಗೆ ಜಮೆ ಮಾಡಿ ವಿಶ್ವಾಸ ಗಳಿಸಿದ್ದರು. ನಂತರ ಅಪರಿಚಿತರು ಲಿಂಕ್ ಕಳುಹಿಸಿ, ಅದನ್ನು ಕ್ಲಿಕ್ ಮಾಡಿದಾಗ ಹೆಚ್ಚಿನ ಲಾಭಾಂಶದ ಹಣ ಕಾಣುವಂತೆ ಮಾಡಿದ್ದಾರೆ. ಇದನ್ನು ನಂಬಿದ ಮಹಿಳೆ ಹೆಚ್ಚು ಲಾಭದ ಆಸೆಯಿಂದ ಹಂತ ಹಂತವಾಗಿ ಅವರು ನೀಡಿದ ವಿವಿಧ ಯುಪಿಐ ಐಡಿಗಳು ಹಾಗೂ ಬ್ಯಾಂಕ್ ಖಾತೆಗಳಿಗೆ ಹಣ ವರ್ಗಾಯಿಸಿದ್ದಾರೆ. ವಂಚನೆಗೆ ಒಳಗಾದವರು ತಮ್ಮ ಹಣವನ್ನು ವಾಪಸ್ ಕೇಳಿದಾಗ, ವಂಚಕರು ನಿಮ್ಮ ಟ್ರೇಡಿಂಗ್ ಖಾತೆಯ ಸಿಬಿಲ್ ಸ್ಕೋರ್ ಕಡಿಮೆಯಾಗಿದೆ ಅಥವಾ ಟಾಸ್ಕ್ನಲ್ಲಿ ತಪ್ಪು ಆಗಿದೆ ಎಂದು ಸಬೂಬು ಹೇಳಿ ಮತ್ತೆ ಹಣ ಹಾಕುವಂತೆ ಮಾಡಿದ್ದಾರೆ. ಕೊನೆಗೆ ಮಹಿಳೆಯ ಬಳಿ ಇದ್ದ ಸಂಪೂರ್ಣ ಹಣ ಖಾಲಿಯಾದಾಗ ತಾನು ಮೋಸ ಹೋಗಿರುವುದು ಅರಿವಾಗಿದೆ.
