ಸಿಂದಗಿ ಪಟ್ಟಣದ ಬಸವೇಶ್ವರ ವೃತ್ತದ ಬಳಿಯ ಶೆಡ್ ತೆರವು ಕಾರ್ಯಾಚರಣೆ ಕೈಬಿಡುವಂತೆ ಆಗ್ರಹಿಸಿ ಶುಕ್ರವಾರ ಬೀದಿಬದಿ ವ್ಯಾಪಾರಿಗಳು ಹಾಗೂ ಬಿಜೆಪಿ ಮಂಡಲ ಕಾರ್ಯಕರ್ತರು ಜಂಟಿಯಾಗಿ ಪ್ರತಿಭಟನೆ ನಡೆಸಿ ತಹಸೀಲ್ದಾರ್ ಡಾ.ಪ್ರದೀಪಕುಮಾರ ಹಿರೇಮಠ ಅವರಿಗೆ ಮನವಿ ಸಲ್ಲಿಸಿದರು. ಮಾಜಿ ಶಾಸಕ ರಮೇಶ ಭೂಸನೂರ, ಮಂಡಲ ಅಧ್ಯಕ್ಷ ಸಂತೋಷ ಪಾಟೀಲ ಮತ್ತಿತರರು ಮಾತನಾಡಿ, ಈ ಶೆಡ್ಗಳಲ್ಲಿನ ವ್ಯಾಪಾರಿಗಳು ಬಡ ಕುಟುಂಬದವರಾಗಿದ್ದು, ತೆರವು ಕಾರ್ಯಾಚರಣೆ ಮೂಲಕ ಅವರ ಹೊಟ್ಟೆ ಮೇಲೆ ಬರೆ ಹಾಕಬಾರದು. ಒಂದು ವೇಳೆ ತೆರವು ಮಾಡುವುದೇ ಆದಲ್ಲಿ ಅವರಿಗೆ ಬದಲಿ ಜಾಗ ಒದಗಿಸಬೇಕು. ಇಲ್ಲದಿದ್ದಲ್ಲಿ ನಗರದಲ್ಲಿ ಸತ್ಯಾಗ್ರಹ ನಡೆಸಬೇಕಾಗುತ್ತದೆ ಎಂದು ಮನವಿ ಮೂಲಕ ಎಚ್ಚರಿಕೆ ನೀಡಿದರು. ಶಿವಕುಮಾರ ಬಿರಾದಾರ, ಸೋಮು ಕೊಪ್ಪ, ಸತೀಶ ದೇವರನಾವದಗಿ, ಯಜಾನ್ ಮಾಲಗಾಂವಕರ, ದತ್ತು ನಾಲ್ಕಮನ, ಪ್ರಭು ಕಂಬಾರ, ಶಕೀಲ ವಾಲಿಕಾರ, ತಾರಾಬಿ ಗುಂದಗಿ, ಸಾಹೇರ ಗೊಳಸಾರ, ಬಿಸ್ಮಿಲ್ಲಾ ಬಾಗವಾನ, ಅಂಜುಮಾ ಬಾಗವಾನ ಇತರರಿದ್ದರು.
