ಏನಿದು ಘಟನೆ: ಪಟ್ಟಣದ ಅರ್ಭಾಣ ಬಡಾವಣೆಯ ಮೊಹಮ್ಮದ್ ಆಸೀಫ್ ಮೊಹಮ್ಮದ್ ಯೂಸುಫ್ ಕಚ್ಚಿ ಎಂಬುವರು ಅಪ್ರಾಪ್ತನಿಗೆ ಮಾರ್ಚ್ 8 ರಂದು ಬೆಳಗ್ಗೆ 7 ಗಂಟೆ ಸುಮಾರಿಗೆ ಸ್ಕೂಟಿ ಓಡಿಸಲು ಕೊಟ್ಟಿದ್ದರು. ನರಗುಂದದ ಶಿವಾಜಿ ವರ್ತುಲದ ಬಳಿ ಇಬ್ಬರಿಗಿಂತ ಹೆಚ್ಚು ಜನರನ್ನು ಹತ್ತಿಸಿಕೊಂಡು ಅಪಾಯಕಾರಿ ರೀತಿಯಲ್ಲಿ ವಾಹನ ಚಾಲನೆ ಮಾಡುತ್ತಿದ್ದಾಗ ಗಸ್ತಿನಲ್ಲಿದ್ದ ಪೊಲೀಸರು ಬೈಕ್ ವಶಪಡಿಸಿಕೊಂಡು ಪ್ರಕರಣ ದಾಖಲಿಸಿಕೊಂಡಿದ್ದರು. ಈ ಕುರಿತು ವಿಚಾರಣೆ ನಡೆಸಿದ ದಿವಾಣಿ ನ್ಯಾಯಾಧೀಶ ಜೀನ್ನಪ್ಪ ಚೌಗಲಾ ಅವರು, ಅಪ್ರಾಪ್ತನಿಗೆ ಸಾರ್ವಜನಿಕ ರಸ್ತೆ ಮೇಲೆ ವಾಹನ ಚಾಲನೆ ಮಾಡಲು ಕೊಟ್ಟಿದ್ದಕ್ಕಾಗಿ ಮೋಟಾರ ವಾಹನ ಕಾಯ್ದೆಯಡಿ ಬಾಲಕನ ತಂದೆಗೆ 28 ಸಾವಿರ ರೂ. ದಂಡ ವಿಧಿಸಿ ಆದೇಶಿಸಿದ್ದಾರೆ.
